ສຳນັກຂ່າວຕ່າງປະເທດ ລາຍງານໃນວັນທີ 24 ສິງຫານີ້ວ່າ ອີງຕາມແຫລ່ງຂ່າວຈາກ ວົງການເຈົ້າໜ້າທີ່ມາເລເຊຍລະບຸ ການເຈລະຈາລະຫວ່າງ ລັດຖະບານໄທ ແລະ ກຸ່ມກໍ່ຄວາມບໍ່ສະຫງົບຢູ່ຊາຍແດນພາກໃຕ້ ຈະສືບຕໍ່ການເຈລະຈາຄືນໃໝ່ ໃນເດືອນກັນຍາທີ່ຈະມາເຖິງນີ້ ຢູ່ນະຄອນຫລວງກົວລາລຳເປີ ປະເທດມາເລເຊຍ ພາຍຫລັງທີ່ສອງຝ່າຍ ໄດ້ເຫັນດີເປັນເອກະພາບ ກ່ຽວກັບບັນດາເນື້ອໃນ ທີ່ຈະປຶກສາຫາລືກັນ ໃນການເຈລະຈາເທື່ອນີ້.
ທັງນີ້ ຈາກການພົບປະໃນວັນທີ 27 ເມສາ 2016 ທີ່ຜ່ານມາ ຄະນະຜູ້ແທນຂອງລັດຖະບານໄທ ໂດຍຫົວໜ້າຄະນະເຈລະຈາແມ່ນຄົນໃໝ່ ໄດ້ປະຕິເສດບັນດາເນື້ອໃນ ທີ່ເຄີຍໄດ້ເຫັນດີເປັນເອກະພາບກັນ ໃນການເຈລະຈາກ່ອນໜ້ານັ້ນ ເນື່ອງຈາກກຸ່ມຊາວມຸດສະລິມ ທີ່ຕ້ອງການແບ່ງແຍກດິນແຕນ ຢາກໃຫ້ອຳນາດການປົກຄອງຂອງໄທ ຮັບຮູ້ເຂົາເຈົ້າໃນຖານະ ສະມາຊິກຂອງອົງການ Mara Patani, ຫາກບໍ່ແມ່ນ ຜູ້ມີທັດສະນະແຕກຕ່າງກັບລັດຖະບານ ຄືດັ່ງທີ່ເຄີຍໄດ້ນຳໃຊ້ ໃນບັນດາເອກະສານຕ່າງໆຜ່ານມາ.
ຕິດຕາມເຮົາທາງFacebook ກົດຖືກໃຈເລີຍ!