ຕໍ່ເນື່ອງຈາກມື້ກ່ອນນັ້ນທີ່ແອັດມິນໄດ້ຂຽນກ່ຽວກັບ “ຕົ້ນໄມ້ມຸງຄຸນ 9 ຊະນິດ ທີ່ຄວນປູກໄວ້ເຮືອນ” ເພື່ອທີ່ເຮົາຈະໄດ້ປູກຕົ້ນໄມ້ທີ່ເປັນມຸງຄຸນໄວ້ໃນບ້ານ, ມາມື້ນີ້ ແອັດມິນໄດ້ຂຽນເພີ່ມເຕີມກ່ຽວກັບ “ຕົ້ນໄມ້ 7 ຊະນິດ ທີ່ບໍ່ຄວນປູກໄວ້ເຮືອນ” ທີ່ຄົນບູຮານ ແລະຄົນສ່ວນໃຫຍ່ ບໍ່ປູກຕົ້ນໄມ້ເຫຼົ່ານີ້ໄວ້ເຮືອນ, ເຊິ່ງຈາກທີ່ເບິ່ງແລ້ວ ຄິດວ່າຫຼາຍຄົນກໍອາດຈະຮູ້ ແລະບໍ່ປູກໄວ້ໃນເຮືອນຢູ່ແລ້ວ ແຕ່ກໍມີຕົ້ນໄມ້ບາງຊະນິດ ທີ່ເຮົາອາດຈະແປກໃຈ ຫຼືຫາກໍຮູ້ວ່າບໍ່ຄວນປູກໄວ້ໃນເຮືອນ ເຊິ່ງກໍເປັນຄວາມເຊື່ອສ່ວນບຸກຄົນ
- ຕົ້ນໂພ: ອາດຈະບໍ່ແມ່ນຕົ້ນໄມ້ອັບປະມຸງຄຸນ ແຕ່ກໍບໍ່ຄວນປູກໄວ້ເຮືອນ ເພາະເຊື່ອກັນວ່າຕົ້ນໂພເປັນຕົ້ນໄມ້ສັກສິດ ເໝາະທີ່ຈະປູກຕາມວັດ ຫຼືສະຖານທີ່ສັກສິດຫຼາຍກວ່າ
- ຕົ້ນໄຊ: ເປັນຕົ້ນໄມ້ຂະໜາດໃຫຍ່ ແລະເຊື່ອກັນວ່າ ມີເທວະດາສະຖິດຢູ່ ຈຶ່ງບໍ່ເໝາະສົມທີ່ຈະເອົາມາປູກໄວ້ໃນບໍລິເວນເຮືອນ, ເຖິງແມ່ນວ່າຕົ້ນໄຊຈະບໍ່ໄດ້ນໍາເລື່ອງຮ້າຍໆເຂົ້າມາໃນເຮືອນກໍຕາມ
- ຕົ້ນຍາງ: ຖືເປັນຕົ້ນໄມ້ອັບປະມຸງຄຸນ ຫາກນຳມາປູກໃນບໍລິເວນເຮືອນ ເຊື່ອວ່າຈະຕົ້ນຍາງມັກເອົາໄປເຮັດໂລງສົບ ຈຶ່ງປຽບສະເໝືອນການເລັ່ງຄວາມຕາຍໃຫ້ຕົນເອງ
- ຕົ້ນດອກຮັກ: ທີ່ບໍ່ປູກຕົ້ນດອກຮັກໄວ້ພາຍໃນເຮືອນ ເຊື່ອວ່າຈະເຮັດໃຫ້ຄວາມຮັກຫຍຸ້ງຍາກຂຶ້ນ ແລະເຮັດໃຫ້ເປັນຄົນຫຼາຍໃຈ, ນອກຈາກນີ້ຢາງຂອງດອກຮັກຍັງເປັນອັນຕະລາຍຕໍ່ຮ່າງກາຍເຮົາ
- ຕົ້ນຕະຄຽນ: ຕາມຄວາມເຊື່ອທີ່ມີມາດົນນານວ່າ ພາຍໃນຕົ້ນຕະຄຽນມີວິນຍານສິງສະຖິດຢູ່ ຈຶ່ງບໍ່ຄວນເອົາຕົ້ນຕະຄຽນມາປູກໄວ້ໃນເຮືອນ
- ຕົ້ນພ້າວ: ເກືອບຈະທຸກເຮືອນຕ້ອງມີໄວ້ຕົ້ນໜຶ່ງ ຫຼືສອງຕົ້ນ ເພາະປູກໄວ້ກິນໝາກ ແຕ່ຖ້າທ່ານປູກໄວ້ໃກ້ເຮືອນຫຼາຍ ເຊື່ອວ່າບໍ່ດີ ເພາະຈະເວລາໝາກມັກແກ່ຈະຫຼົ່ນລົງມາໃສ່ຫຼັງຄາເຮືອນ ເຮັດໃຫ້ຫຼັງຄາບ້ານເປ່ເພ
- ຕົ້ນກະຖິນມະໂລງ: ເປັນຕົ້ນໄມ້ທີ່ໃຫ້ຮົ່ມເຢັນດີ ແຕ່ເນື່ອງຈາກມີບົ້ງທີ່ຄອຍເຈາະກິນກິ່ງກ້ານຂອງມັນຕະຫຼອດ ເຮັດໃຫ້ກິ່ງຫັກງ່າຍ ແລະມີດອກທີ່ເມື່ອຖືກລົມພັດກໍຈະເປັນລະອອງເກສອນພັດໄປຕາມສາຍລົມອີກ ແລະເຮັດໃຫ້ຮົກຕ້ອງໄດ້ປັດກວດຕະຫຼອດ, ຫາກໃຜທີ່ມັກເປັນພູມແພ້ຈະເກີດອາການແພ້ງ່າຍ
ທີ່ມາ: oknation.net
ຕິດຕາມນານາສາລະ ກົດໄລຄ໌ເລີຍ!