ຖ້າຢາກໃຫ້ຊີວິດຄູ້ຍືນຍາວ ມີຄວາມສຸກ ຜູ້ເປັນຜົວກໍ່ຕ້ອງຟັງ, ຍອມຮັບ ໃນສິ່ງທີ່ເມຍຮ້ອງຂໍ ໃນຄໍລຳ ຊີວິດ ກັບ ຄວາມຮັກ ເຮົາເຄີຍນຳສະເໜີ ຫົວຂໍ້ທີ່ເວົ້າກ່ຽວກັບ ສິ່ງທີ່ຜົວປາດຖະໜາຈາກເມຍໄປແລ້ວ ວັນນີ້ເຮົາຈະມານຳສະເໜີ ສິ່ງທີ່ເມຍ ຕ້ອງການຈາກຜູ້ເປັນຜົວຫຼາຍທີ່ສຸດ ສິ່ງນັ້ນກໍ່ບໍ່ໄດ້ໝາຍຄວາມວ່າຈະຕ້ອງແມ່ນເງິນທອງພຽງຢ່າງດຽວ ທີ່ສຳຄັນແມ່ນຄວາມອົບອຸ່ນທາງໃຈ

1) ຢ່າຂົ່ມເຫງເມຍ, ຮ້າຍເມຍ, ຕີເມຍ ເພາະເມຍບໍ່ແມ່ນທາດ

2) ຈົ່ງຮັກເມຍ, ໃຫ້ກຽດເມຍຢ່າງສະເໝີຕົ້ນສະເໝີປາຍ

3) ຢ່າຍ້ອງຄົນອື່ນງາມ ຫຼື ດີ ກວ່າເມຍຈົນເກີນໄປ

4) ຟັງຄວາມເມຍແນ່ໃນບາງເລື່ອງທີ່ເມຍບອກ

5) ດູແລເອົາໃຈໃສ່ເມຍໃຫ້ມີຄວາມສຸກກາຍ, ສຸກໃຈ

6) ໃຫ້ໂອກາດເມຍໄດ້ອອກຄຳຄິດເຫັນ ແລະ ຊ່ວຍຕັດສິນໃຈ

7) ຢ່ານອກໃຈເມຍ ຮັກເມຍດ້ວຍຄວາມສື່ສັດ

8) ດຸໝັ່ນຫາຢູ່ຫາກິນ ຢ່າເປັນຄົນຂີ້ຄ້ານ

9) ຢູ່ຄຽງຂ້າງແລະ ໃຫ້ການຊ່ວຍເຫຼືອເມຍ

10) ແບ່ງເບົາພາລະວຽກເຮືອນຊ່ວຍເມຍໃນບາງວຽກ ເຊັ່ນ: ວຽກໜັກ, ວຽກສ່ຽງ ຜູ້ເປັນຜົວຕ້ອງເປັນຄົນເຮັດ ຫຼື ຍາມເມຍເຈັບປ່ວຍກໍ່ຢ່າໃຫ້ເມຍເຮັດວຽກຫຼາຍ

11) ເຂົ້າໃຈເມຍ, ອະໄພ ແລະ ໃຫ້ໂອກາດເມຍເວລາເມຍເຮັດຜິດພາດ

ເມື່ອອ່ານທັງໝົດແລ້ວ ກໍ່ຄິດທົບທວນຄືນ ສິ່ງໃດທີ່ຄວນປັບປຸງເພື່ອເຮັດໃຫ້ຊີວິດຄູ່ດີຂຶ້ນ ຈະເລີນຂຶ້ນ ມີຄວາມສຸກຂຶ້ນ ກໍ່ຈົ່ງເຮັດເອົາ

ຕິດຕາມເຮາທາງFacebook ກົດຖືກໃຈເລີຍ!