ນັກກີລາບານເຕະ ທີມຊາດລາວ ຊຸດໃຫຍ່ ທີ່ຈະແຂ່ງຂັນນັດມິດຕະພາບກັບ ທີມຊາດ ຊາອຸດິ ອາຣາເບຍ ໄດ້ເດີນທາງຮອດ ປະເທດກາຕາ ແລ້ວໃນຕອນຄ່ຳຂອງວັນທີ 21 ສິງຫາ ທີ່ຜ່ານມາ.

ການເດີນທາງໄປແຂ່ງຂັນ ຂອງທັບນັກກິລາບານເຕະ ທີມຊາດລາວ ໃນຄັ້ງນີ້ ແມ່ນເພື່ອເປັນການແຂ່ງຂັນ ມິດຕະພາບ ແລະ ອຸ່ນເຄື່ອງກ່ອນ ການແຂ່ງຂັນບານເຕະລາຍການ  Asian Cup ຮອບຄັດເລືອກ ແລະ AFF Suzuki Cup. ການແຂ່ງຂັນບານເຕະ ມິດຕະພາບດັ່ງກ່າວນີ້ ທີມຊາດລາວ ມີຕາຕະລາງລົງແຂ່ງກັບ ທີມຊາດ ຊາອຸດິ ອາຣາເບຍ ໃນວັນທີ 24 ແລະ ວັນທີ 27 ສິງຫານີ້ ທີ່ສະໜາມ Al Arabi Stadium Grand Hamad ນະຄອນຫຼວງໂດຮາ ປະເທດກາຕາ ແລະ ຈະເດີນທາງກັບມາ ທ້າຍເດືອນສິງຫານີ້.

ຂອບໃຈຂໍ້ມູນ ແລະ ພາບຈາກ ສະຫະພັນບານເຕະ ແຫ່ງຊາດລາວ

http://laosportnews.com/index.php/news/article/581