ວັນທີ 22 ສິງຫາ 2016 ເວລາປະມານ 15:00 ຕຳຫຼວດອຸດອນທານີ ຮ່ວມກັນຖະແຫຼງຂ່າວການຈັບກຸມແກ໊ງຄ້າຢາ ເປັນຍິງສາວຊາວລາວຈຳນວນ 4 ຄົນ ພ້ອມຂອງກາງຢາບ້າ 13,585 ເມັດ ແລະເງິນສົດ 3 ລ້ານບາດ ໂດຍນຳເຂົ້າປະເທດໄທເພື່ອຈຳໜ່າຍເອງ ໂດຍບໍ່ຜ່ານກຸ່ມຄ້າຢາໃນໄທ.
ຜູ້ຕ້ອງຫາປະກອບດ້ວຍ 1. ນາງ ແກ້ວມະນີ ຫຼືແມງມຸມ ສີຫາລາດ ອາຍຸ 25 ປີ ເປັນປະຊາຊົນເມືອງໄຊທານີ ນະຄອນຫຼວງວຽງຈັນ. 2. ນາງ ມົນ ຫຼື ມົນຕີ ນ້ອຍສີສັກດາ ອາຍຸ 45 ປີ ປະຊາຊົນບ້ານນາບົງ ເມືອງປາກງື່ມ ນະຄອນຫຼວງວຽງຈັນ. 3. ນາງ ນ້ອຍ ຫຼື ບັງອອນ ຂຸນດາວົງ ອາຍຸ 47 ປີ ປະຊາຊົນບ້ານສາລາຄຳໃຕ້ ເມືອງຫາດຊາຍຟອງ ນະຄອນຫຼວງວຽງຈັນ ແລະ 4. ນາງ ຈອນ ອາຍຸ 53 ປີ ປະຊາຊົນບ້ານທາດຫຼວງໃຕ້ ເມືອງໄຊເຊດຖາ ນະຄອນຫຼວງວຽງຈັນ.
ເຈົ້າໜ້າທີ່ໄທຊຸດຈັບກຸມໄດ້ເປີດເຜີຍວ່າ ຈາກການສືບສວນຊາບວ່າມີແກ໊ງຜູ້ຍິງລາວເອົາຢາບ້າຂ້າມໄປຈາກປະເທດລາວເພື່ອນຳໄປຈຳໜ່າຍໃນປະເທດໄທ ທີ່ຈັງຫວັດອຸດອນທານີຢູ່ເລື້ອຍໆ ໂດຍແກ໊ງນີ້ມີຊື່ວ່າແກ໊ງແມງມຸມ ມີສາວທອມເປັນຫົວໜ້າ ໂດຍຈະໃຫ້ຍິງລາວອີກ 3 ຄົນ ເປັນຄົນເດິນທາງເຂົ້າມາຕິດຕໍ່ກັບພໍ່ຄ້າຢາບ້າຊາວໄທ ແລະກວດກາເງິນທີ່ຈະຊື້ຂາຍ ເມື່ອໄດ້ເງິນແລ້ວຈະແຈ້ງໃຫ້ທາງນາງແມງມຸມຜູ້ເປັນສາວທອມ ເອົາຢາບ້າມາສົ່ງໃຫ້ທັນທີ ຈຶ່ງໄດ້ສັ່ງການໃຫ້ເຈົ້າໜ້າທີ່ຈຳນວນໜຶ່ງເຂົ້າສືບສວນຈັບກຸມມາດຳເນີນຄະດີໄດ້ໝົດທັງແກ໊ງ.
ຕິດຕາມເຮົາທາງFacebook ກົດຖືກໃຈເລີຍ!