spot_img
Homeຂ່າວພາຍ​ໃນ10 ເດືອນສົກນີ້ ຂະແໜງການເງິນ ປະຕິບັດແຜນລາຍຮັບ ງົບປະມານແຫ່ງລັດ ບໍ່ບັນລຸຕາມແຜນການ!

10 ເດືອນສົກນີ້ ຂະແໜງການເງິນ ປະຕິບັດແຜນລາຍຮັບ ງົບປະມານແຫ່ງລັດ ບໍ່ບັນລຸຕາມແຜນການ!

Published on

ຂປລ. ​ໃນ 10 ​ເດືອນສົກປີ 2015-2016  ​ຂະແໜງການເງິນ ປະຕິບັດ​​ແຜນງົບປະມານແຫ່ງລັດ ບໍ່ໄດ້ດີເທົ່າທີ່ຄວນ ໄດ້ພຽງ 74,52% ທຽບໃສ່ຄາດຄະເນປະຕິບັດໝົດປີ ຍ້ອນລາຍຮັບບໍ່ໄດ້ຕາມແຜນໃນແຕ່ລະງວດ, ສະພາບເສດຖະກິດ ທັງພາຍໃນແລະ ພາຍນອກມີການຜັນແປ ທີ່ເປັນຜົນກະທົບທາງລົບ​ ຕໍ່ເສດຖະກິດຂອງລາວແລະ ອື່ນໆ ​​ແຕ່ເຖິງຢ່າງໃດກໍຕາມ ຂະແໜງການເງິນ ຈະສູ້ຊົນຈັດຕັ້ງປະຕິບັດ​​ ສ້າງແຜນງົບປະມານແຫ່ງລັດໃຫ້ໄດ້ຕາມແຜນການ100% ​ໃນຕໍ່ໜ້າ.

ຕໍ່​ກັບບັນຫາດັ່ງກ່າວ, ກະຊວງການເງິນ ໄດ້ປະສານສົບທົບກັບ​ ທະນາຄານ ແຫ່ງ ສປປ ລາວລະດົມທຶນດ້ວຍການຈຳໜ່າຍພັນທະບັດແລະ ກູ້ຢືມເພື່ອແກ້ໄຂສະພາບຄ່ອງຂອງງົບປະມານສືບຕໍ່ແກ້ໄຂໜີ້ສິນຄຸມເຄືອ ຂອງໂຄງການລົງທຶນຂອງລັດ ເຊັ່ນ: ໜີ້ແບບມີສ່ວນຫລຸດທີ່ຍັງຄ້າງຈ່າຍ, ພັນທະບັດຊຳລະໜີ້ ແລະ ໜີ້ລົງທຶນອື່ນໆ ເພື່ອແກ້ໄຂສະພາບຄ່ອງຂອງທຸລະກິດ, ທະນາຄານ ແລະ ຮັກສາການເຕີບໂຕຂອງເສດຖະກິດໃຫ້ຕໍ່ເນື່ອງ. ນອກນັ້ນ ຍັງຈະໄດ້ດຳເນີນບັນດາມາດຕະການຕ່າງໆ ຢ່າງແຂງແຮງ ​ເປັນ​ຕົ້ນສຳຫລວດບັນດາຫົວໜ່ວຍວິສາຫະກິດຢູ່ທົ່ວປະເທດ, ຄົ້ນຄວ້າປັບປຸງລັດຖະບັນຍັດອາກອນຊົມໃຊ້ພາຫະນະ(ລົດໃຫຍ່) ແລະ ສິນຄ້າຟຸມເຟືອຍ, ຜັນຂະຫຍາຍຄົ້ນຄວ້າ ອອກບົດແນະນຳປະຕິບັດກົດໝາຍບັນຊີ, ປະກາດໃຊ້ກຳໜົດໝາຍ ໃຊ້ຈ່າຍບໍລິຫານສະບັບໃໝ່ ​ແລະ  ອື່ນໆ.

ໃນສົກປີຜ່ານມາ (2014-2015) ກະຊວງການເງິນ ປະຕິບັດຈັດເກັບລາຍຮັບໄດ້ 25.815 ຕື້ກີບ, ເທົ່າກັບ 25,23% ຂອງ GDP ໃນນີ້ລາຍຮັບພາຍ ໃນ20.536 ຕື້ກີບ ເທ່ົາກັບ 20%  ຂອງ GDP ແລະ ລາຍຈ່າຍທັງໝົດ ບໍ່ໃຫ້ເກີນ 31.000 ຕື້ກີບ ເທົ່າກັບ 30% ກວ່າ ຂອງGDP, ການລົງທຶນພາຍໃນ ແລະ ຕ່າງປະເທດ 10.534 ຕື້ກີບ ເທົ່າກັບ 10,30% ຂອງGDP ສະເພາະການລົງທຶນ ດ້ວຍແຫລ່ງງົບປະມານພາຍໃນ 3.300 ຕື້ກີບ ເທົ່າກັບ 3,30% ຂອງGDP ​ແລະ ອື່ນໆ.

 

ແຫລ່ງຂ່າວ:

ຂປລ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ພໍ່ເດັກອາຍຸ 14 ທີ່ກໍ່ເຫດກາດຍິງໃນໂຮງຮຽນ ທີ່ລັດຈໍເຈຍຖືກເຈົ້າໜ້າທີ່ຈັບເນື່ອງຈາກຊື້ປືນໃຫ້ລູກ

ອີງຕາມສຳນັກຂ່າວ TNN ລາຍງານໃນວັນທີ 6 ກັນຍາ 2024, ເຈົ້າໜ້າທີ່ຕຳຫຼວດຈັບພໍ່ຂອງເດັກຊາຍອາຍຸ 14 ປີ ທີ່ກໍ່ເຫດການຍິງໃນໂຮງຮຽນທີ່ລັດຈໍເຈຍ ຫຼັງພົບວ່າປືນທີ່ໃຊ້ກໍ່ເຫດເປັນຂອງຂວັນວັນຄິດສະມາສທີ່ພໍ່ຊື້ໃຫ້ເມື່ອປີທີ່ແລ້ວ ແລະ ອີກໜຶ່ງສາເຫດອາດເປັນເພາະບັນຫາຄອບຄົບທີ່ເປັນຕົ້ນຕໍໃນການກໍ່ຄວາມຮຸນແຮງໃນຄັ້ງນີ້ິ. ເຈົ້າໜ້າທີ່ຕຳຫຼວດທ້ອງຖິ່ນໄດ້ຖະແຫຼງວ່າ: ໄດ້ຈັບຕົວ...

ປະທານປະເທດ ແລະ ນາຍົກລັດຖະມົນຕີ ແຫ່ງ ສປປ ລາວ ຕ້ອນຮັບວ່າທີ່ ປະທານາທິບໍດີ ສ ອິນໂດເນເຊຍ ຄົນໃໝ່

ໃນຕອນເຊົ້າວັນທີ 6 ກັນຍາ 2024, ທີ່ສະພາແຫ່ງຊາດ ແຫ່ງ ສປປ ລາວ, ທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ...

ແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປກຊ-ປກສ ແຂວງບໍ່ແກ້ວ

ວັນທີ 5 ກັນຍາ 2024 ແຂວງບໍ່ແກ້ວ ໄດ້ຈັດພິທີປະກາດແຕ່ງຕັ້ງປະທານ ຮອງປະທານ ແລະ ກຳມະການ ຄະນະກຳມະການ ປ້ອງກັນຊາດ-ປ້ອງກັນຄວາມສະຫງົບ ແຂວງບໍ່ແກ້ວ ໂດຍການເຂົ້າຮ່ວມເປັນປະທານຂອງ ພົນເອກ...

ສະຫຼົດ! ເດັກຊາຍຊາວຈໍເຈຍກາດຍິງໃນໂຮງຮຽນ ເຮັດໃຫ້ມີຄົນເສຍຊີວິດ 4 ຄົນ ແລະ ບາດເຈັບ 9 ຄົນ

ສຳນັກຂ່າວຕ່າງປະເທດລາຍງານໃນວັນທີ 5 ກັນຍາ 2024 ຜ່ານມາ, ເກີດເຫດການສະຫຼົດຂຶ້ນເມື່ອເດັກຊາຍອາຍຸ 14 ປີກາດຍິງທີ່ໂຮງຮຽນມັດທະຍົມປາຍ ອາປາລາຊີ ໃນເມືອງວິນເດີ ລັດຈໍເຈຍ ໃນວັນພຸດ ທີ 4...