ທ່ານ ແກ້ວວິໄຊ ມົວ ປະທານສະມາຄົມຂົນສົ່ງໂດຍສານສາຍເໜືອ ນະຄອນຫຼວງວຽງຈັນໄດ້ໃຫ້ສຳພາດກັບທີມຂ່າວເສດຖະກິດ ການຄ້າວ່າ: ຈາກສະພາບຝົກຕົກຕິດຕໍ່ກັນໃນອາທິດກ່ອນຢູ່ບັນດາແຂວງພາກເໜືອ ເຮັດມີດິນເຈື່ອນ ແລະ ນ້ຳຖ້ວມ ໃນບາງເຂດ ນັ້ນ ປັດຈຸບັນ ການແລ່ນລົດ ມີຄວາມສະດວກສະບາຍແລ້ວ ຍ້ອນອຳນາດການປົກຄອງຂອງແຂວງ ແລະ ຂັ້ນເມືອງທີ່ກ່ຽວຂ້ອງ ໄດ້ອຳນວຍຄວາມສະດວກຢ່າງເຕັມທີ່ ໃນການນຳໃຊ້ລົດກົນຈັກໜັກ ຢູ່ປະຈຳແຕ່ລະຈຸດທີ່ມີຄວາມສ່ຽງ ເພື່ອໄວກໍລະນີດິນເຈື່ອນຖົມທາງ. ສຳລັບເສັ້ນທາງ ກາສີ ແຂວງວຽງຈັນ ຫາ ເມືອງນານ ແຂວງ ຫຼວງພະບາງ ບໍ່ສາມາດທຽວໄດ້ ຍ້ອນນ້ຳຖ້ວມຂັງ
ສຳລັບຜູ້ທີ່ຈະເດີນທາງໄປຍັງແຂວງພາກເໜືອ ໃນໄລຍະນີ້ ຖ້າ ບໍ່ໝັ້ນໃຈ ຫຼື ຢາກສອບຖາມລາຍລະ ອຽດ ກໍ່ສາມາດຕິດຕໍ່ ເບີໂທ 021 612384 – 5, 020 55999506, 55607052 ໄດ້ຕະຫຼອດ 24 ຊົ່ວໂມງ
ຂ່າວຈາກ: ເສດຖະກິດ-ສັງຄົມ