spot_img
Homeຂ່າວເຫດການປະທານສູນກາງແນວລາວສ້າງຊາດ ຊຸກຍູ້ວຽກງານແນວໂຮມ ຢູ່ແຂວງສະຫວັນນະເຂດ

ປະທານສູນກາງແນວລາວສ້າງຊາດ ຊຸກຍູ້ວຽກງານແນວໂຮມ ຢູ່ແຂວງສະຫວັນນະເຂດ

Published on

ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ (ສນຊ) ພ້ອມຄະນະ ໄດ້ເຄື່ອນໄຫວຢ້ຽມຢາມ ແລະ ຊຸກຍູ້ວຽກງານແນວລາວສ້າງຊາດ ທີ່ແຂວງສະຫວັນນະເຂດ ໂດຍໄດ້ພົບປະໂອ້ລົມ ບັນດາຄະນະນຳແຂວງ, ອົງການພຸດທະສາສະໜາສຳພັນລາວ, ຄະນະຈັດຕັ້ງສາສະໜາຕ່າງໆ, ແນວລາວສ້າງຊາດ ແລະ ພາກສ່ວນກ່ຽວຂ້ອງຂອງແຂວງ ໃນເມື່ອວັນທີ 18 ສິງຫາຜ່ານມານີ້ ທີ່ສະໂມສອນແຂວງ.

ການພົບປະໂອ້ລົມຄັ້ງນີ້ ທ່ານປະທານ ສນຊ ໄດ້ເຜີຍແຜ່ຜົນສຳເລັດ ກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ ແລະ ຫວນຄືນມູນເຊື້ອ ວັນສ້າງຕັ້ງແນວລາວສ້າງຊາດ ຄົບຮອບ 66 ປີ (13/8/1950-13/8/2016) ແລະ ໂອ້ລົມຕໍ່ຄະນະຈັດຕັ້ງສາສະໜາ, ຊັ້ນຄົນ ແລະ ການຈັດຕັ້ງສັງຄົມ ໃນແຂວງສະຫວັນນະເຂດ ຊຶ່ງທ່ານໄດ້ຍົກໃຫ້ເຫັນ 4 ປະເດັນ ສຳຄັນຄື: ສະພາບການທີ່ພົ້ນເດັ່ນຂອງສາກົນ, ພາກພື້ນ ແລະ ສະພາບພາຍໃນປະເທດ; ຂະບວນວິວັດແຫ່ງການກຳເນີດ, ເຕີບໃຫຍ່ຂະຫຍາຍຕົວ, ທີ່ຕັ້ງພາລະບົດບາດ, ສິດ ແລະ ໜ້າທີ່ຂອງແນວລາວສ້າງຊາດ ແລະ ຂໍ້ແລກປ່ຽນບາງເນື້ອໃນຈິດໃຈ ກ່ຽວກັບສູນກາງແນວລາວສ້າງຊາດ ແລະ ການຈັດຕັ້ງສາສະໜາຕ່າງໆ. ພ້ອມດຽວກັນນີ້ ທ່ານຍັງໄດ້ຍົກໃຫ້ເຫັນເຖິງ ສະພາບລວມຂອງ ແຕ່ລະສາສະໜາ ໃນການສັ່ງສອນໃຫ້ທຸກຄົນກະທຳແຕ່ຄວາມດີ ລະເວັ້ນຄວາມຊົ່ວ, ລົດອະຄະຕິ ເຮັດໃຫ້ສັງຄົມມີຄວາມສາມັກຄີປອງດອງກັນ ແລະ ຍັງໄດ້ຮຽກຮ້ອງໃຫ້ບັນດາສາສະໜາຕ່າງໆ ຈົ່ງເອົາ ໃຈໃສ່ປຸກລະດົມຂົນຂວາຍ ສາສະນິກະຊົນຂອງຕົນ ປະກອບສ່ວນໃນຂະບວນການຕ່າງໆ ແລະ ພ້ອມກັນເຄື່ອນໄຫວ ໃຫ້ຖືກຕ້ອງສອດຄ່ອງ ຕາມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ຈົ່ງຊ່ວຍກັນເອົາໃຈໃສ່ມີສະຕິລະວັງຕົວ ຕໍ່ການເຄື່ອນໄຫວຂອງກຸ່ມຄົນບໍ່ຫວັງດີ ສວຍໃຊ້ວຽກງານເຜົ່າ, ວຽກງານສາສະໜາ ເພື່ອເຄື່ອນໄຫວແບ່ງແຍກຄວາມສາມັກຄີພາຍໃນ, ຕ້ອງປະຕິບັດຕາມລະບຽບກົດໝາຍ, ເຄົາລົບລະບຽບ ແລະ ການຈັດຕັ້ງ, ເອົາໃຈໃສ່ປະຕິບັດໃຫ້ຖືກ ຕາມດຳລັດວ່າດ້ວຍການປົກປ້ອງ ແລະ ຄຸ້ມຄອງການເຄື່ອນໄຫວສາສະໜາ (ດຳລັດ 92/ນຍ), ຍິ່ງໄປກວ່ານັ້ນ ແມ່ນການຮັກສາຄວາມສະຫງົບ ເປັນຫູເປັນຕາ ຊ່ວຍເຈົ້າໜ້າທີ່ປ້ອງກັນ ບໍ່ໃຫ້ມີບັນຫາເກີດຂຶ້ນ ຈາກກຸ່ມຄົນທີ່ບໍ່ ຫວັງດີຕໍ່ປະເທດເຮົາ ແລະ ຈົ່ງເພີ່ມທະວີຄວາມສາມັກຄີເປັນປຶກແຜ່ນ ເຂົ້າຮ່ວມທຸກຂະບວນການສຳຄັນຂອງຊາດ ກໍຄືປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ຈະເລີນຮັ່ງມີເຂັ້ມແຂງ.

 

ແຫລ່ງຂ່າວ:

ປຊຊ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...