ສຳນັກຂ່າວຕ່າງປະເທດລາຍງານຈາກນະຄອນຣີໂອເດຈາເນໂຣ ປະເທດບຣາຊິນ ເມື່ອວັນທີ 21 ສິງຫາ ວ່າ ເຈົ້າໜ້າ ທີ່ຂອງສຳນັກງານຕຳລວດນະຄອນຣີໂອເດຈາເນໂຣປະຕິບັດການກວດຄົ້ນຫ້ອງການຂອງຄະນະກຳມະການກີລາຈາກໄອຣ໌ແລນພາຍໃນໝູ່ບ້ານນັກກີລາ ເມື່ອວັນອາທິດ ໂດຍມີການຍຶດໜັງສືເດີນທາງ 3 ຫົວ ຂອງ ທ່ານ ເດວິນ ຄິລຕີຍ໌ ຫົວໜ້າຄະນະນັກກີລາ ໄອຣ໌ແລນ ທ່ານ ເດິຣມອດ ເຮນິແຮນ ເລຂາທິການສະພາໂອລິມປິກໄອຣແລນ (ໂອຊີໄອ) ແລະ ທ່ານ ສະຕີເຟນ ມາຣຕິນ ອະດີີດນັກຮອກກີ້ທີມຊາດ ເຊິ່ງປັດຈຸບັນເປັນສະມາຊິກຂອງໂອຊີໄອ
ຕຳຫຼວດບຣາຊິນ ສັນນິຖານວ່າ ດິລຕີຍ໌ ເຮນິແຮນ ແລະ ມາຣຕິນ ມີສ່ວນກ່ຽວຂ້ອງກັບເຄືອຂ່າຍຈຳໜ່າຍບັດເຂົ້າຊົມການແຂ່ງຂັນໂອລິມປິກ ຢ່າງຜິດກົດໝາຍ ນອກຈາກນີ້ເຈົ້າໜ້າທີ່ຍັງອາຢັດບັດເຂົ້າຊົມການແຂ່ງຂັນກີລາອີກຈຳນວນໜຶ່ງທີ່ຍັງບໍ່ຜ່ານການໃຊ້ງານເອົາໄວ້ເປັນຂອງກາງ ແລະ ອອກໝາຍຮຽກໃຫ້ເຈົ້າໜ້າທີ່ຂອງໂອໄອຊີທັງ 3 ຄົນເຂົ້າໃຫ້ປາາກຄຳໃນວັນທີ 23 ສິງຫາ.
ການຈັບກຸມເຈົ້າໜ້າທີ່ຂອງໂອຊີໄອທັງ 3 ຄົນມີຂຶ້ນຫຼັງການຈັບກຸມ ທ່ານ ແພທຣິກ ຮິກກີ້ ປະທານໂອຊີໄອ ແລະ ໜຶ່ງໃນສະມາຊິກຂອງຄະນະກຳມະການໂອລິມປິກສາກົນ (ໄອໂອຊີ) ໃນຂໍ້ກ່າວຫາດຽວກັນນີ້ ໂດຍຮິກກີ້ຖືກຄຸມຂັງຢູ່ໃນເຮືອນຈຳຂອງນະຄອນຣີໂອເດຈາເນໂຣເພື່ອລໍການຂຶ້ນສານໃນວັນດຽວກັນກັບກຸ່ມເຈົ້າໜ້າທີ່ໂອຊີໄອອີກ 3 ຄົນ
ຂ່າວຈາກ: http://www.dailynews.co.th/foreign/518215