ຕະຫຼອດໄລຍະຜ່ານມາກໍຄືປະຈຸບັນສະພາບການລັກລອບຕັດໄມ້ທຳລາຍປ່າແບບຊະຊາຍໃນຂອບເຂດ
ທົ່ວປະເທດ ຍັງຄົງສືບຕໍ່ມີຢ່າງຕໍ່ເນື່ອງ ພ້ອມເປັນຂະບວນຫຼາຍຂຶ້ນ ບັນຫາດັ່ງກ່າວທ່ານນາຍົກຊີ້ແຈງ
ຕໍ່ກອງປະຊຸມສະພາວ່າ: ຍ້ອນອຳນາດການປົກຄອງຂັ້ນຮາກຖານຢູ່ທ້ອງຖິ່ນ ບໍ່ມີຄວາມເຂັ້ມງວດ, ເດັດ
ຂາດໃນການຮ່ວມກັນສະກັດກັ້ນ ແລະ ຕ້ານ ຂະນະທີ່ການຈັດຕັ້ງບັນດາມາດຕະການລົງໂທດຕໍ່ຜູ້ອອກ
ອະນຸຍາດ ຕັດໄມ້ຂັ້ນແຂວງ ແລະ ເມືອງ ທີ່ຂ້າມກົດໝາຍກໍຍັງຍຸຍານເກີນໄປ ຜູ້ກະທຳຜິດຈິ່ງບໍ່ຢ້ານເກງ
ຕໍ່ລະບຽບກົດໝາຍບ້ານເມືອງ.
ສະພາບການລັກລອບຕັດໄມ້ແບບຊະຊາຍ ໃນຂອບເຂດທົ່ວປະເທດຂະນະນີ້ ໄດ້ກາຍເປັນໜຶ່ງໃນປະ
ເດັນທີ່ສະມາຊິກສະພາແຫ່ງຊາດໃຫ້ຄວາມສົນໃຈ ຖາມເຈາະຈີ້ມໃນໂອກາດທີ່ ທ່ານ ທອງສິງ ທຳມະວົງ
ນາຍົກລັດຖະມົນຕີ ຂຶ້ນຊີ້ແຈງເພີ່ມເຕີມ ຕໍ່ກັບຈັດຕັ້ງປະຕິບັດແຜນພັດທະນາເສດຖະກິດສັງຄົມ
ແລະ ແຜນງົບປະມານແຫ່ງລັດສົກປີ 2013 – 2014 ແລະ ທິດທາງສົກປີ 2014 – 2015 ຕໍ່ກອງປະຊຸມສະ
ພາແຫ່ງຊາດ ເມື່ອວັນທີ 8 ກໍລະກົດຜ່ານມາ.
ແນວໃດກໍ່ດີ ບັນຫານີ້ທ່ານນາຍົກລັດຖະມົນຕີໃຫ້ການເປີດເຜີຍວ່າ: ສະພາບດັ່ງກ່າວກຳລັງກາຍເປັນ
ບັນຫາທີ່ເຄັ່ງຮ້ອນຢູ່ປະເທດເຮົາ ໃນຂະນະນີ້ ແລະ ຜ່ານມາລັດຖະບານກໍເຫັນວ່າເປັນບັນຫາອັນໜັກ
ໜ່ວງ ພ້ອມມີນະໂຍບາຍກຳນົດໃຫ້ຕັດໄມ້ໄດ້ສະເພາະເຂດທີ່ກໍ່ສ້າງເຂື່ອນໄຟຟ້າ, ແລວການກໍ່ສ້າງເສັ້ນ
ທາງ, ແລວສາຍສົ່ງໄຟຟ້າ ແລະ ຈຸດ ຫຼື ບໍລິເວນທີ່ຈະຂຸດຄົ້ນແຮ່ທາດ ໂດຍລັດຖະບານອະນຸຍາດໃຫ້ຕັດ
ກໍມີພຽງແຕ່ຈຸດທີ່ກຳນົດໄວ້ເທົ່ານັ້ນ.
ສຳລັບຂະບວນການລັກຕັດໄມ້ແບບຊະຊາຍ ແລະ ຂົນໄມ້ອອກຕ່າງປະເທດຢ່າງຫຼວງຫຼາຍ ທ່ານ ທອງສິງ
ທຳມະວົງ ລະບຸວ່າ: ສິ່ງດັ່ງກ່າວແມ່ນຄວາມຕື່ນຕົວຮັບຜິດຊອບຂອງທົ່ວສັງຄົມ ຊຶ່ງປະຈຸບັນໄດ້ມີນັກທຸລະ
ກິດຢູ່ພາຍໃນ ແລະ ຕ່າງປະເທດຈຳນວນໜຶ່ງນຳເອົາເງິນໄປຊື້ຈ້າງປະຊາຊົນຕັດໄມ້ ແລ້ວຮັບຊື້ຜ່ານສາຂາ
ຮັບຊື້ຢູ່ແຕ່ລະແຂວງ ແລະ ມີສາຂາໂຮງເລື່ອຍຢູ່ປະຈຳແຕ່ລະກຸ່ມບ້ານ ເປັນຕົ້ນແມ່ນໄມ້ທີ່ມີລາຄາສູງ,
ໄມ້ຫວງຫ້າມປະເພດໄມ້ຂະຍູງ, ໄມ້ດູ່, ໄມ້ປະດົງ ແລະ ໄມ້ຕ່າງໆທີ່ຍັງເຫຼືອໜ້ອຍລົງແຕ່ລະມື້.
ສະນັ້ນຢາກສະກັດກັ້ນ ແລະ ຢຸດຕິບັນຫານີ້ໄດ້ທ່ານນາຍົກມີຄຳເຫັນວ່າ: ລະບົບການເມືອງຢູ່ຮາກຖານ
ຕ້ອງເຂັ້ມແຂງ ແລະ ເອກະພາບ ໃນນັ້ນເປັນຫຼັກແລ້ວແມ່ນລັດຖະບານ ຈາກນັ້ນກໍແມ່ນອົງການປົກ
ຄອງທ້ອງຖິ່ນຕ້ອງເຂັ້ມງວດ ເພາະທ້ອງຖິ່ນເປັນຜູ້ຄຸ້ມຄອງເຂດນ້ຳແດນດິນ ຖ້າບໍ່ມີຄວາມເປັນເຈົ້າ
ການແລ້ວການແກ້ໄຂກໍ່ຈະເປັນໄປໄດ້ຍາກ ແລະ ຈະເຮັດແນວໃດເພື່ອຮ່ວມກັນແກ້ໄຂ ແລະ ປັບປຸງອຳ
ນາດການປົກຄອງທ້ອງຖິ່ນ, ກອງຫຼອນ, ປກສ ບ້ານ ເພາະຢູ່ຂັ້ນດັ່ງກ່າວແມ່ນຈະຮູ້ການເຄື່ອນໄຫວຂອງ
ປະຊາຊົນພາຍໃນບ້ານຂອງຕົນເອງໝົດ ຖ້າຈຸດນີ້ເຮັດວຽກບໍ່ໄດ້ຈະບໍ່ສາມາດຄຸ້ມຄອງໄດ້ຢ່າງແນ່ນອນ.
ຜ່ານມາລັດຖະບານໄດ້ຢຸດຕິການຂະຫຍາຍໂຮງເລື່ອຍ ແຕ່ກໍຍັງມີເກີດຂຶ້ນຢູ່ຕໍ່ບັນຫານີ້ແມ່ນຍ້ອນອຳ
ນາດການປົກຄອງຢູ່ບາງຂັ້ນ ແລະ ບາງຂະແໜງບໍ່ເຂົ້າໃຈ ແລ້ວໃຫ້ການອະນຸຍາດທີ່ເຈົ້າໜ້າທີ່ກ່ຽວຂ້ອງ
ຈະຕ້ອງໄດ້ພ້ອມກັນແກ້ໄຂໄປພ້ອມໆກັບການສະກັດກັ້ນ ແລະ ຕ້ານການລັກລອບຕັດໄມ້ທຳລາຍປ່າ
ແບບຊະຊາຍບັນຫານີ້ຈິ່ງຈະຕົກໄປ.
ແຫ່ຼງຂ່າວ: ໜັງສືພິມເສດຖະກິດ – ສັງຄົມ