ສຳນັກຂ່າວຕ່າງປະເທດລາຍງານວ່າ ສະພາບອາກາດທີ່ມີຝົນຕົກໜັກຢ່າງຕໍ່ເນື່ອງໃນພື້ນທີ່ ມອສໂກ ເມືອງຫຼວງຂອງປະເທດຣັສເຊຍ ສົ່ງຜົນໃຫ້ມີນ້ຳຖ້ວມຢູ້ຫຼາຍຈຸດ ເຊິ່ງມັນໄດ້ສ້າງຄວາມເດືອດຮ້ອນ ແລະ ການຄົມມະນາຄົມໄດ້ຮັບຜົນກະທົບຈາກເຫດນ້ຳຖ້ວມຄັ້ງນີ້
ແຕ່ທີ່ໄດ້ຮັບຄວາມສົນໃຈໃນໂລກອອນໄລນ໌ທີ່ສຸດແມ່ນພຶດຕິກຳຂອງເຈົ້າຂອງສວນກີລາທາງນ້ຳແຫ່ງໜຶ່ງຂອງຣັສເຊຍ ທີ່ພິກວິກິດໃຫ້ເປັນໂອກາດ ອອກມາໂຊລີລາຫຼິ້ນເວດບອດ ຢູ່ກາງຖະໜົນແຖວກາງໃຈເມືອງທີ່ກຳລັງມີນ້ຳຖ້ວມຂັງຢູ່
ນິກິຕະ ຄານໂຕຣອຟ ເຈົ້າຂອງສວນກີລາທາງນ້ຳ ພ້ອມກັບທີມງານ ເປີດເຜີຍວ່າ ຄວາມຄິດນີ້ເກີດຂຶ້ນມາດົນແລ້ວ ພຽງແຕ່ລໍຖ້າເວລາ ແລະ ຈັງຫວະທີ່ເໝາະສົມ ເຂົາຍອມຮັບວ່າ ການເຮັດກິດຈະກຳນີ້ເປັນສິ່ງທີ່ສ່ຽງອັນຕະລາຍ ແລະ ບໍ່ເໝາະສົມປານໃດ ພວກເຂົາເຫັນຕຳຫຼວດໃນວັນທີ່ເຮັດກິດຈະກຳນີ້ດ້ວຍ ແຕ່ຕຳຫຼວດກໍ່ບໍ່ໄດ້ເຮັດຫຍັງໃຫ້ພວກເຂົາ ເພາະເຫັນເປັນເລື່ອງຕະລົກ ຕຳຫຼວດພຽງແຕ່ຢຸດເບິ່ງ ແລະ ຫົວໃສ່ ກ່ອນຈະຈາກໄປ