ຫຼັງຈາກທີ່ກ່ອນໜ້ານີ້ເຮົາໄດ້ລາຍງານໄປແລ້ວກ່ຽວກັບກາຕູນເລື່ອງ Gintama ທີ່ຈະໄດ້ສ້າງເປັນຮູບເງົາຄົນສະແດງແທ້ ຜ່ານທາງວາລະສານ Shonen Jump ສະບັບທີ 31, ຫຼ້າສຸດນີ້ເອງກໍສາມາດຢືນຢັນໄດ້ແລ້ວວ່າຮູບເງົາກາຕູນເລື່ອງນີ້ຈະມີແທ້ ເມື່ອເວັບໄຊ Anime News Network ໄດ້ມີການເປີດເຜີຍໂສມໜ້ານັກສະແດງທີ່ຈະເຂົ້າມາຮັບບົດໂຕລະຄອນຫຼັກຂອງເລື່ອງກັນແລ້ວ.
ໂດຍຄົນທຳອິດແມ່ນ ໂອງຸຣິ ຊຸນ ຈາກເລື່ອງ Crows Zero ຈະມາຮັບບົດເປັນ ຊາກາຕະ ກິນໂທກິ
ຄົນທີສອງແມ່ນ ມາຊາຄິ ຊຶດະ ຈາກເລື່ອງ Kamen Rider W ຮັບບົດເປັນ ຊິມູຣະ ຊິນປາຈິ
ສຳລັບຄົນສຸດທ້າຍແມ່ນໄອດໍ້ສາວຊື່ດັງ ຮາຊິໂມໂຕະ ຄັນນະ ທີ່ຈະມາຮັບບົດເປັນ ຄາງຸຣະ
ເລື່ອງລາວຂອງ Gintama ເກີດຂຶ້ນໃນຍຸກເອໂດະ ຍຸກທີ່ມະນຸດຕ່າງດາວທີ່ເອີ້ນກັນວ່າ “ຊາວສະຫວັນ” ໄດ້ມາຕັ້ງຮາກຖານເທິງໂລກມະນຸດ ຊາວສະຫວັນໄດ້ອອກຄຳສັ່ງຍຶດຍົດຖາບັນດາສັກຕ່າງໆແລະຍຶດດາບຊາມູໄຣໄປ ເຮັດໃຫ້ຍຸກຮຸ່ງເຮືອງຂອງຊາມູໄຣຈົບລົງໃນທີ່ສຸດ ເຊິ່ງກໍເຮັດໃຫ້ຊາວສະຫວັນມີອຳນາດເໜືອເອໂດະຫຼາຍຂຶ້ນ.
ແຕ່ຍັງມີຄົນໜຶ່ງທີ່ຍັງຍຶດໝັ້ນໃນຈິດວິນຍານຂອງຊາມູໄຣ ລາວຊື່ ຊາກາຕະ ກິນໂທກິ ເຄີຍເປັນນັກຮົບຊາມູໄຣຕໍ່ຕ້ານຊາວສະຫວັນ ປັດຈຸບັນເປີດຮ້ານຮັບຈ້າງສາລະພັດ ມີຜູ້ຊ່ອຍແມ່ນ ຊິມູຣະ ຊິນປາຈິ ໜຸ່ມແວ່ນທີ່ເຮັດວຽກເພື່ອຮຽນຮູ້ຈິດວິນຍານຂອງຊາມູໄຣ ແລະຄາງຸຣະ ເດັກຍິງຊາວສະຫວັນເຜົ່າຢາໂຕະ ໂດຍທັງສາມໄດ້ເຮັດວຽກຮັບຈ້າງເພື່ອຫາເງິນມາຈ່າຍຄ່າເຊົ່າບ້ານແລະລ້ຽງຊີວິດໃນຍຸກມືດຂອງຊາມູໄຣ.
ສຳລັບຮູບເງົາ Live-Action ຂອງ Gintama ຈະມີກຳນົດເຂົ້າສາຍຢູ່ຍີ່ປຸ່ນໃນປີ 2017.
ສຳລັບທ່ານໃດທີ່ຮັກໃນການອ່ານຂ່າວໄອທີ ແລະ ເກມ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!