ຈະວ່າໄປກໍມີຫຼາຍປັດໄຈທີ່ເຮັດໃຫ້ນ້ຳໜັກຂງເຮົາຂຶ້ນງ່າຍໆ ບໍ່ວ່າຈະເປັນອາຫານຈານໂປດເກີນຫ້າມໃຈ ຄວາມຄຽດສະສົມ ແລະການນອນເດິກ ແຕ່ກໍຍັງບໍ່ເວັ້ນຈະມີເຫດເພິ່ມເຕີມທີ່ສາມາດເຮັດໃຫ້ນ້ຳໜັກເຮົາຂຶ້ນໄດ້ອີກ ເຊັ່ນ 2 ແຟຊັ່ນ ທີ່ສາວໆ ນິຍົມກັນຕໍ່ໄປນີ້ ເຊິ່ງເວັບໄຊ Our Vanity ເຂົາໄດ້ຊື່ມໃສ່ຫູວ່າ ສາມາດເພິ່ມນ້ຳໜັກໃຫ້ເຮົາໄດ້ຢ່າງບໍ່ຮູ້ໂຕເລີຍເດີ..

1. ເລກກິ້ງ

ເລກກິ້ງເບິ່ງຈະເປັນສິ່ງທີ່ສາວໆ ສະໄໝໃໝ່ຕ້ອງມີຕິດຕູ້ໄວ້ ແຕ່ນັກວິທະຍາສາດພັດກ່າວວ່າ ການສວມໃສ່ເລກກິ້ງທຸກວັນຈະເຮັດໃຫ້ຮ່າງກາຍເກີດພາວະກ້າມຊີ້ນຂີ້ຄ້ານ ເຊິ່ງຈະສົ່ງຜົນໃຫ້ກ້າມຊີ້ນກົ້ນ ແລະໜ້າທ້ອງຢ່ອນຍານ.

ດ້ວຍການອະທິບາຍວ່າ ເລກກິ້ງຖືກອອກແບບມາໃຫ້ເຂົ້າກັບສະລີລະ ກົກຂາ, ກະໂພກ ແລະໜ້າທ້ອງຂອງເຮົາໃຫ້ເຄື່ອນໄຫວໄດ້ຢ່າງສະດວກ ແລະສະບາຍຈົນເກີນໄປ ຈົນເຮັດໃຫ້ຮ່າງກາຍ ໂດຍສະເພາະສະລີລະສ່ວນທີ່ກ່າວມານັ້ນບໍ່ຕ້ອງອອກແຮງຕ້ານຫຼືໄດ້ເໜັງຕິງຫຍັງຢ່າງທີ່ມັນຄວນຈະເປັນ ຈຶ່ງເຮັດໃຫ້ບໍ່ຟິດເຟີມແລະເກີດຄວາມຢ່ອນຍານກ່ອນເວລາອັນຄວນ.

2. ເກີບສົ້ນສູງ

ຖືເປັນສິ່ງໜຶ່ງທີ່ສາວໆ ບໍ່ພາດຢ່າງແນ່ນອນ ເພາະໃສ່ເກີບສົ້ນສູງແລ້ວເບິ່ງຄືຫ້າວຫານ ຫຸ່ນດີ ໝັ້ນໃຈ ແຕ່ເທຣນເນີຊົ່ວໂມງບິນສູງພັດບອກວ່າ ການໃສ່ສົ້ນສູງເລື້ອຍໆ ຈະເຮັດໃຫ້ການຍ່າງຂອງເຮົາຜິດທ່າທາງໄປຈາກເກົ່າຂ້ອນຂ້າງຫຼາຍ ໂດຍທີ່ເວລາສວມສົ້ນສູງແລະກ້າວເດິນ ກະດູກອ່າງຊາມຈະຍື່ນໄປທາງໜ້າ ເຮັດໃຫ້ໜ້າທ້ອງບິດໄປທາງໜ້າ ແລະສົ່ງຜົນໃຫ້ຊີ້ນແລະໄຂມັນບໍລິເວນໜ້າທ້ອງໄຫຼລວມໄປຢູ່ບ່ອນດຽວກັນ ຈົນເກີດເປັນຊັ້ນຫຼືເປັນຖົງຢູ່ໜ້າທ້ອງໃນທີ່ສຸດ.

ບໍ່ໄດ້ກິນກໍຍັງອ້ວນໄດ້ແບບນີ້ເປັນຕາຢ້ານອີ່ຫຼີ ແຕ່ຖ້າໃຜຈຳເປັນຕ້ອງໃຊ້ບໍລິການແຟຊັ່ນເຫຼົ່ານີ້ ເຮົາກໍບໍ່ໄດ້ຫ້າມ ແຕ່ຂໍໃຫ້ໝັ່ນອອກກຳລັງກາຍ ເພື່ອໃຫ້ກ້າມຊີ້ນໄດ້ເຄື່ອນໄຫວກັບຄືສະພາບປົກກະຕິ.