ຫົວຟູ ຫຼັ່ງນ້ຳຕາ ຫຼັງບໍ່ສາມາດພາທັບເຊເລເຊົາ ເຂົ້າຊິງຊະນະເລີດ ຂໍໂທດແຟນບານ ຍອມຮັບເຢຍລະມັນແຂງແກ່ນທຸກຂຸມກຳລັງ
ດາວິດ ລຸຍຊ໌ ກອງຫຼັງຫົວຟູທີມຊາດບຣາຊິນ ຫຼັງນ້ຳຕາຂໍໂທດແຟນບານໂຕເອງ ຫຼັງໂຊຟອມບໍ່ໄດ້ດີ ຖືກເຢຍລະມັນຖະຫຼົ່ມ 1-7 ຈົນພາດໂອກາດເຂົ້າຊິງແຊ້ມ ບານໂລກທີ່ບ້ານເກີດ ເມື່ອຄືນວັນທີ 8 ກໍລະກົດ ທີ່ຜ່ານມາ ເກມນີ້ ແຊມບ້າ ພາດຖືກຍິງເຖິງ 5 ປະຕູໃນເຄິ່ງເວລາທຳອິ ກ່ອນຈົບລົງດ້ວຍຄວາມພ່າຍແພ້ ແບບມຸ່ນທະລາຍ 1-7 ໄດ້ພຽງເຂົ້າຊິງທີ 3 ເທົ່ານັ້ນ.
ໂດຍ ລຸຍຊ໌ ເຊິ່ງສວມປອກແຂນກັບຕັນທີມລົງຫຼິ້ນແທນ ຕິອາໂກ ຊິລວາ ກັບຕັນຕົວຈິງທີ່ຖືກໂທດແບນ ຂໍໂທດແຟນໆ ຜ່ານສື່ທັງນ້ຳຕາວ່າ: “ຂ້ອຍຂໍພຽງຕ້ອງການເຮັດໃຫ້ທຸກຄົນມີຄວາມສຸກ ແຕ່ໂຊກຮ້າຍທີ່ເຮົາເຮັດບໍ່ໄດ້ ຂ້ອຍຂໍໂທດທຸກຄົນ ຂໍໂທດຊາວບຣາຊິນ ຂ້ອຍຕ້ອງການໃຫ້ທຸກຄົນມີຮອຍຍິ້ມອີກຄັ້ງໜຶ່ງ ພວກເຮົາທຸກຄົນຮູ້ດີວ່າເກມນີ້ມັນສຳຄັນສ່ຳໃດ ສຳລັບຂ້ອຍໃນການເຮັດໃຫ້ຊາວບຣາຊິນທຸກຄົນມີຄວາມສຸກ ຢ່າງໜ້ອຍກໍເລື່ອງຂອງບານເຕະ ແນວໃດກໍຕາມ ພວກເຂົາເຮັດໃຫ້ດີກວ່າ ຫຼິ້້ນໄດ້ດີກວ່າ ແລະກຽມໂຕມາດີກວ່າແທ້ໆ” ລຸຍຊ໌ກ່າວ.