spot_img
Homeຂ່າວທ້ອງຖິ່ນກວດພົບສິນຄ້າໝົດອາຍຸ

ກວດພົບສິນຄ້າໝົດອາຍຸ

Published on

ອີງຕາມການລົງກວດກາ ພະ­ນັກ­ງານ​ວິ­ຊາ​ການ​ຂະ­ແໜງ​ຊັບ​ສິນທາງ​ປັນ­ຍາ​ມາດ­ຕະ­ຖານ ແລະ​ວັດ­ແທກ​ຮ່ວມ​ກັບ​ພະ­ນັກ­ງານ​ຫ້ອງ­ການ​ວິ­ທະ­ຍາ­ສາດແລະ​ເຕັກ​ໂນ​ໂລ​ຊີ ເມືອງ​ທ່າ​ແຂກ ໃນວັນ​ທີ 10-11 ສິງ­ຫາ​ຜ່ານ​ມາລົງ​ກວດ​ສິນ­ຄ້າ​ໝົດ​ອາ­ຍຸ ໂດຍ​ການນຳ­ພາ​ຂອງ ທ່ານ ປະ­ກາຍ​ພອນ ແສງ​ດາ­ລາ ຫົວ­ໜ້າ​ຂະ­ແໜງ​ຊັບ​ສິນ​ທາງ​ປັນ­ຍາ​ມາດ­ຕະ­ຖານ ແລະ​ວັດ­ແທກ, ໄດ້​ລົງ​ເຄື່ອນ​ໄຫວ​ກວດ­ກາ​ສິນ­ຄ້າ​ໝົດ​ອາ­ຍຸ ປະ­ເພດ​ເຄື່ອງ​ດື່ມ ແລະ​ເຂົ້າໜົມ ​ຕາມຮ້ານ​ຄ້າ­ຂາຍ​ສົ່ງ-ຂາຍ­ຍ່ອຍ​ຢູ່​ຕະ­ຫຼາດ​ສຸກ​ສົມ­ບູນ ແລະ​ສະ­ຖາ­ນີ​ຂົນ­ສົ່ງ​ໂດຍ­ສານ​ຄິວ​ລົດ​ຫຼັກ 4 ໃຫ້​ຖືກ­ຕ້ອງ​ຕາມ​ລະ­ບຽບ​ການ​ເພື່ອ​ເປັນ​ການ​ບໍ່​ເອົາ​ປຽບ​ຜູ້​ອຸ­ປະ­ໂພກ-ບໍ­ລິ­ໂພກ.

ການ​ລົງ​ເຄື່ອນ​ໄຫວ​ໃນ​ຄັ້ງ​ນີ້ ແມ່​ຄ້າຊາວ­ຂາຍ​ສ່ວນ​ຫຼາຍ​ແມ່ນ​ໄດ້​ໃຫ້ການ​ຮ່ວມ​ມື ແລະ​ເຂົ້າ­ໃຈ​ເຖິງ​ວຽກ​ງານ ນີ້​ຫຼາຍ​ຂຶ້ນ ແຕ່​ກໍ​ຍັງ​ມີ​ແມ່​ຄ້າ​ຈຳ­ນວນ​ໜຶ່ງ ຍັງ​ບໍ່​ໃຫ້​ຄວາມ​ຮ່ວມ​ມື​ເທົ່າ​ທີ່​ຄວນ. ຍ້ອນ​ຜູ້​ປະ­ກອບ​ການ​ຄ້າ ຂາຍ​ຍັງ​ບໍ່​ທັນ​ຮູ້​ເຖິງ​ຜົນ​ສະ­ທ້ອນ​ຂອງ​ການ​ໝົດ​ອາ­ຍຸ ຫຼືເສຍ​ຄຸນ​ຂອງ​ອາ­ຫານ​ຕະ­ຫຼອດ​ເຖິງ​ພໍ່​ແມ່​ປະຊາ​ຊົນ​ທີ່​ປະ ກອບ​ການ​ຄ້າ­ຂາຍ​ທົ່ວ​ໄປ  ຕ້ອງ​ໄດ້​ຮັບ​ຮູ້​ເຖິງ​ຜົນ​ສະ­ທ້ອນ​ຂອງ​ຜູ້​ບໍລິ​ໂພກ​ໃນ​ການ​ນຳ​ໃຊ້​ສິນ­ຄ້າ​ທີ່​ໝົດ​ອາ­ຍຸ​ບໍ່​ແມ່ນ​ວ່າ​ຂາຍ​ສິນ­ຄ້າ​ຫວັງ​ແຕ່​ຜົນ​ກຳໄລ​ພຽງ​ຢ່າງ​ດຽວ​ຄວນ​ຄຳ­ນຶງ​ເຖິງ​ຜົນກະ­ທົບ​ທີ່​ຈະ​ຕາມ​ມາ ເພື່ອ​ຮັບ­ປະ­ກັນ ຄວາມ​ປອດ​ໄພ​ໃຫ້​ແກ່​ຜູ້​ບໍ­ລິ­ໂພກ ແລະການ​ປະ­ກອບ​ທຸ­ລະ​ກິດ​ທີ່​ຖືກ­ຕ້ອງ​ຕາມລະ­ບຽບ​ກົດ­ໝາຍ.

ຜ່ານ​ການ​ກວດ­ກາ​ຕົວ​ຈິງ ສາ­ມາດກວດ​ໄດ້​ທັງ​ໝົດ 46 ຮ້ານ ໃນ​ນັ້ນ​ໄດ້​ພົບ ເຫັນ​ສິນ­ຄ້າ​ໝົດ​ອາ­ຍຸ​ແຕ່​ຍັງ​ວາງ​ຂາຍ​ຢູ່  24 ຮ້ານ, ລວມ​ມີ 10 ລາຍ­ການ​ເປັນ­ຕົ້ນແມ່ນ ເຂົ້າ­ໜົມ​ອົມ ແລະ​ເຂົ້າ­ໜົມ​ທົ່ວ​ໄປ, ກາ­ເຟ ເບີ​ດີ້, ໂອ​ວັນ​ຕິນ, ນົມ​ກ່ອງ​ຊະ­ນິດ​ຕ່າງໆ, ດັສ​ມິວ, ໄມ​ໂລ, ນົມ​ປ໋ອງ​ກາ​ມະ​ລິ, ນ້ຳ​ອັດລົມ​ປະ­ເພດ​ຕ່າງໆ ແບບ​ຕຸກ​ຢາງ ແລະ​ແບບ​ກະ​ປ໋ອງ​ເຊັ່ນ: ສະ​ປາຍ, ບິກ​ໂຄ​ລາ, ສະ​ຕິງ, ນ້ຳ​ສົ້ມ, ນ້ຳ​ຂຽວ; ເຄື່ອງ­ປຸງ​ອາ­ຫານ​ໂດຍ​ສະ ເພາະ ​ຄະ​ນໍ, ສະ​ອິ້ວ, ອາ­ຫານ​ເສີມ, ໝາກ​ຝຣັ່ງ​ຫຍ້ຳ ລວມ​ມູນ​ຄ່າ ທັງ​ໝົດ 2,32 ລ້ານ​ກີບ. ສ່ວນ​ສິນ­ຄ້າ​ທີ່​ຢຶດ​ມາ​ໄດ້​ທັງ​ໜົດ​ແມ່ນ​ໄດ້​ເອົາ​ມາ​ເກັບ​ຮັກ­ສາ​ໄວ້​ທີ່​ພະ​ແນກ​ວິ­ທະ­ຍາ­ສາດ ແລະເຕັກ​ໂນ​ໂລ​ຊີ ແຂວງ​ຄຳ​ມ່ວນ ເພື່ອ​ລໍ­ຖ້າດຳ­ເນີນ​ການ​ຕາມ​ລະ­ບຽບ​ກົດ­ໝາຍ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ມີໃຜຊື່ຍາວກວ່ານີ້ບໍ່? ຊາຍຊາວນິວຊີແລນມີຊື່ຍາວທີ່ສຸດໃນໂລກ ໃຊ້ເວລາອ່ານ 20 ນາທີ ຈຶ່ງອ່ານແລ້ວ

ມາຮູ້ຈັກກັບຊາຍຜູ້ທີ່ມີຊື່ທີ່ຍາວທີ່ສຸດໃນໂລກ, ລໍເລນ ວອດກິນ (Laurence Watkins) ອາຍຸ 60 ປີ, ອາໄສຢູ່ເມືອງໂອດແລນ ປະເທດນິວຊີແລນ ລາວມີຈໍານວນຊື່ຍາວເຖິງ 2,253 ຄໍາ. ຜ່ານມາຊາຍຄົນນີ້ຫຼົງໄຫຼໃນລາຍການ Ripley's...

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄຂຂຶ້ນຢ່າງເປັນທາງການ

ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ກອງປະຊຸມຄົບຄະນະ ຄັ້ງທີ 11 ຂອງຄະນະບໍລິຫານງານສູນກາງພັກ ສະໄໝທີ XI ໄດ້ເປີດຂຶ້ນໃນວັນທີ 21 -...

ກຳນົດຈັດງານ 5 ວັນ ບຸນນະມັດສະການພຣະທາດຫຼວງວຽງຈັນ ຈະຈັດຂຶ້ນໃນລະຫວ່າງວັນທີ 1-5 ພະຈິກ 2025

ໃນວັນທີ 21 ຕຸລາ 2025 ພິທີຖະແຫຼງຂ່າວ ງານປະເພນີບຸນນະມັດສະການ ພຣະທາດຫຼວງ ແລະ ງານວາງສະແດງສິນຄ້າ ປະຈຳປີ ຄສ 2025 ຈັດຂຶ້ນ ທີ່ເດີ່ນພຣະທາດຫຼວງວຽງຈັນ...

ຍີ່ປຸ່ນ ຊ່ວຍເຫຼືອລ້າໂຄງການເກັບກູ້ລະເບີດບໍ່ທັນແຕກ ຢູ່ແຂວງ ຈຳປາສັກ ສາລະວັນ ແລະ ເຊກອງ ມູນຄ່າ 4,5 ລ້ານໂດລາສະຫະລັດ

ລັດຖະບານຍີ່ປຸ່ນສືບຕໍ່ໃຫ້ການຊ່ວຍເຫຼືອວຽກງານ ລບຕ ຢູ່ພາກໃຕ້ຂອງລາວ ໃນວັນທີ 20 ຕຸລາ 2025 ທີ່ນະຄອນຫຼວງວຽງຈັນ ສປປ ລາວ ກະຊວງການຕ່າງປະເທດ ຮ່ວມກັບ ສະຖານເອກອັກຄະລັດຖະທູດຍີ່ປຸ່ນ ປະຈໍາລາວ ໄດ້ຈັດພິທີລົງນາມເອກະ...