ສຳນັກຂ່າວຕ່າງປະເທດ ລາຍງານໃນວັນທີ 15 ສິງຫາຜ່ານມານີ້ວ່າ ອຸດສາຫະກຳການທ່ອງທ່ຽວ ທາງພາກໃຕ້ຂອງໄທ ກຳລັງໄດ້ຮັບຜົນກະທົບ ຈາກເຫດການລະເບີດຫລາຍຈຸດພ້ອມກັນ ເມື່ອທ້າຍອາທິດທີ່ຜ່ານມາ ເນື່ອງຈາກຈຳນວນນັກທ່ອງທ່ຽວ ໄດ້ຫລຸດລົງຢ່າງຕໍ່ເນື່ອງ ໃນຂະນະທີ່ເຈົ້າໜ້າທີ່ຕຳຫລວດ ແລະ ທະຫານ ໄດ້ຈັດກຳລັງກວດກາ ຕັ້ງດ່ານຢູ່ຖະໜົນສາຍຕ່າງໆ ເພື່ອພະຍາຍາມຈັບກຸມຜູ້ກໍ່ເຫດ ແລະ ສ້າງຄວາມເຊື່ອໝັ້ນດ້ານຄວາມປອດໄພ ໃຫ້ແກ່ນັກທ່ອງທ່ຽວ.
ດ້ານທາງການໄທ ພະຍາຍາມລາຍງານວ່າ ເຫດການດັ່ງກ່າວນີ້ ບໍ່ກ່ຽວຂ້ອງກັບການກໍ່ການຮ້າຍ, ແນວໃດກໍຕາມ ເຖິງຈະເປັນເຫດການກໍ່ການຮ້າຍ ຫລື ການກໍ່ວິນາດສະກຳທາງການເມືອງ ພາຍໃນປະເທດເອງກໍຕາມ ມັນໄດ້ເຮັດໃຫ້ພາບພົດ ແລະ ສື່ສຽງຂອງປະເທດໄທ ໃນຖານະດິນແດນເປົ້າໝາຍຂອງນັກທ່ອງທ່ຽວ ໄດ້ຮັບຄວາມເສຍຫາຍ.
ຕິດຕາມເຮາທາງFacebook ກົດຖືກໃຈເລີຍ!