spot_img
Home​ຂ່າວບັນເທິງເປີດເສິກນ້ຳລາຍ ຂອງອະດີດຄູ່ຮັກຄົນດັງ "ຈັສຕິນ ບີເບີຣ ກັບ ເຊເລນາ ໂກເມຊ"

ເປີດເສິກນ້ຳລາຍ ຂອງອະດີດຄູ່ຮັກຄົນດັງ “ຈັສຕິນ ບີເບີຣ ກັບ ເຊເລນາ ໂກເມຊ”

Published on

ເປັນເສິກນ້ຳລາຍຜ່ານໂລກໂຊຊຽວທີ່ເຮັດໃຫ້ຊາວເນັດເກາະກະແສກັນເປັນແຖວລະຫວ່າງຄົນຮັກເກົ່າ ຢ່າງ “ຈັສຕິນ ບີເບີຣ” ນັກຮ້ອງໜຸ່ມຊື່ດັງ ກັບ “ເຊເລນາ ໂກເມຊ” ຕ່າງຝ່າຍຕ່າງສາດໃສ່ກັນໄປມາຢ່າງເພັດມັນ

ຄູ່ຮັກໆ ເລີກໆ ກັນມາຫຼາຍຄັ້ງຢ່າງ ຈັສຕິນ ບີເບີຣ ແລະ ເຊເລນາ ໂກເມຊ ໄດ້ກາຍເປັນຄູ່ຮັກຄູ່ແຄ້ນກັນຢ່າງເປັນທາງການ ພາຍຫຼັງເປີດເສິກປະທະກັນຜ່ານທາງອິນສະຕາແກຣມ ຫຼັງຈາກທີ່ ຈັສຕິນ ບີເບີຣ ເມີນແຟນຄລັບ ພ້ອມຂູ່ຈະຕັ້ງອິນສະຕາແກຣມເປັນລະບົບສ່ວນຕົວ ຫຼັງພົບແຟນຄລັບກະໜ່ຳສົ່ງຄອມເມັ້ນດ່າສາວທີ່ເຂົາກຳລັງຄົບຫາໃນຕອນນີ້ຢ່າງ ໂຊເຟຍ ຣີຊຊີ້

ໂດຍ ເຊເລນາ ໄດ້ສະແດງຄວາມເຫັນເຕືອນ ຈັສຕິນ ກ່ອນທີ່ທັງຄູ່ຈະເລີ່ມປະທະເດືອດໃສ່ກັນໃນອິນສະຕາແກຣມ ຈົນຝ່າຍຊາຍຕ້ອງອອກມາເຜີຍຄວາມໃນວ່າ ເຊເລນາເອງກໍ່ເປັນຝ່າຍນອກໃຈເຂົາໄປຫາ ເຊຍນ໌ ມາລິກ ເຊັ່ນດຽວກັນ

ເລື່ອງລາວໄດ້ເລີ່ມຕົ້ນຈຶ້ນເມື່ອອາທິດທີ່ຜ່ານມາ ເມື່ອ ຈັສຕິນ ບີເບີຣ ໄດ້ຊ໊ອກແຟນຄລັບທີ່ຕິດຕາມໃນອິນສະຕາແກຣມເຂົາຫຼາຍກວ່າ 77.7 ລ້ານຄົນ ຫຼັງຈາກທີ່ເຂົາໂພສຕ໌ພາບຄູ່ກັບ ໂຊເຟຍ ລົງອິນສະຕາແກຣມກ່ອນຈະມີແຟນຄລັບເຂົ້າມາວິຈານຢ່າງໜັກ ໂດຍພາບຄູ່ທີ່ເຂົາໂພສຕ໌ລົງແມ່ນພາບຂາວ – ດຳ ລະຫວ່າງເຂົາກັບໂຊເຟຍ ນັ່ງຢູ່ໃນລົດນຳກັນ

ເຊິ່ງຈັສຕິນ ບີເບີຣຂຍນໂຕ້ຕອບວ່າ “ຂ້ອຍຈະຕັ້ງອິນສະຕາແກຣມຂ້ອຍເປັນແບບສ່ວນຕົວແລ້ວເດີ້ ຖ້າພວກເຈົ້າບໍ່ຢຸດສົ່ງຂໍ້ຄວາມກຽດຊັງມາ ຖ້າພວກເຈົ້າເປັນແຟນຄລັບຂ້ອຍແທ້ໆ ພວກເຈົ້າກໍ່ຈະບໍ່ເຮັດສິ່ງ ບໍ່ດີໃສ່ກັບຄົນທີ່ຂ້ອຍຮັກ”

ການຕອບໂຕ້ແຟນຄລັບຂອງ ຈັສຕິນ ບີເບີຣ ຕໍ່ແຟນໆ ກໍ່ເຮັດໃຫ້ ເຊເລນາ ໂກເມຊ ເຈົ້າແມ່ໂຊຊຽວ ມືວາງອັນດັບໜຶ່ງຂອງອິນສະຕາແກຣມເວລານີ້ເຖິງກັບຢູ່ເສີຍບໍ່ໄດ້ເລີຍໄດ້ຂຽນຂໍ້ຄວາມເຕືອນສະຕິອະດີດແຟນໜຸ່ມທັນທີວ່າ “ຖ້າເຈົ້າບໍ່ສາມາດຮັບມືກັບຄວາມກຽດຊັງໄດ້ກໍ່ເລີກໂພສຕ໌ພາບແຟນຕົວສະ ມັນຄວນເປັນເລື່ອງພິເສດຂອງພວກເຈົ້າສອງຄົນເທົ່ານັ້ນ ຢ່າຄຽດໃຫ້ແຟນຄລັບເລີຍ ເພາະພວກເຂົາຮັກເຈົ້າເດີ້”

ສ່ວນ ຈັສຕິນ ບີເບີຣ ກໍ່ຕອບກັບດ້ວຍຂໍ້ຄວາມ ແສບໆ ຄັນໆ ວ່າ: “ຕະລົກດີໄດ້ເຫັນຄົນທີ່ໃຊ້ຂ້ອຍເປັນເຄື່ອງມືຮຽກຮ້ອງຄວາມສົນໃຈແລ້ວຍັງພະຍາຍາມຕໍ່ວ່າຂ້ອຍອີກ ໜ້າເສົ້າ! ຮັກທຸກຄົນ! ຂ້ອຍບໍ່ແມ່ນໜຶ່ງໃນພວກທີ່ຍອມຮັບຄວາມກຽດຊັງ ຫັວງວ່າພວກເຈົ້າຈະໃຈດີຕໍ່ເພື່ອນຂ້ອຍ ແລະ ສຸພາບຕໍ່ກັນ ແລະ ກັນ ແລະ ແນ່ນອນຂ້ອຍຮັກບີລິຟເບີຂອງຂ້ອຍ”

ສ່ວນທາງດ້ານ ເຊເລນາ ໂກເມຊ ກໍ່ຕອບກັບແບບສຸດແສບເຊັ່ນກັນ: ຕະລົກດີທີ່ເຫັນຄົນນອກໃຈຫຼາຍຄັ້ງ ມາມຸ້ງເປົ້າໃສ່ຄົນທີ່ເຄີຍໃຫ້ອະໄພ ແລະ ເປັນກຳລັງໃຈສະໜັບສະໜູນມາຕະຫຼອດ ບໍ່ສົງໃສເລີຍວ່າ ເປັນຫຍັງແຟນໆ ຈິ່ງຄຽດ ໜ້າເສົ້ານຳທີ່ຮັກ! 

ຈາກນັ້ນ ຈັສຕິນ ກໍ່ຕອບກັບແບບແສໝົດເປືອກທັນທີວ່າ: ຂ້ອຍນອກໃຈຫວາ! ຂ້ອຍລືມເລື່ອງເຈົ້າກັບເຊຍນ໌ເລີຍ?”

ຫຼັງການໂຕ້ຕອບຢ່າງດຸເດັດເຜັດມັນ ດ້ານເຊເລນາ ກໍ່ພຽງໂພສຕ໌ພາບຂອງນາງທີ່ຖ່າຍຮ່ວມກັບແຟນຄລັບ ພ້ອມຂຶ້ນຂໍ້ຄວາມວ່າ ເຈົ້າມີຄວາມໝາຍທີ່ສຸດ ຂອບໃຈຫຼາຍໆທີ່ໃຫ້ຂ້ອຍໄດ້ເຮັດໃນສິ່ງທີ່ຂ້ອຍຮັກທຸກໆມື້

303 404 505.1 606

ຂ່າວຈາກ: http://www.manager.co.th/Entertainment/ViewNews.aspx?NewsID=9590000081630

ບົດຄວາມຫຼ້າສຸດ

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...