ຂປລ. ຕາມການລາຍງານຈາກ ກອງບັນຊາການທະຫານແຂວງໄຊຍະບູລີ ໃຫ້ຮູ້ວ່າ: ໃນໄລຍະ 1 ປີຜ່ານມາ ທະຫານແຂວງໄຊຍະບູລີ ສາມາດສ້າງລາຍຮັບໄດ້ທັງໝົດ 454 ລ້ານກວ່າກີບ ໃນນັ້ນໄດ້ຈາກການປູກຝັງ-ລ້ຽງສັດ ເປັນຕົ້ນ ການປູກສາລີ, ໝາກເດືອຍ, ລ້ຽງງົວ, ແບ້, ປາ ແລະ ສັດປີກຈໍານວນໜຶ່ງ. ທຽບໃສ່ປີຜ່ານມາ ແມ່ນປະຕິບັດໄດ້ຕາມແຜນການ.
ສ່ວນສາເຫດທີ່ປະຕິບັດລາຍຮັບໄດ້ຕາມແຜນການນັ້ນ, ກໍຍ້ອນຄະນະພັກ-ຄະນະບັນຊາ ໄດ້ເອົາໃຈໃສ່ສຶກສາອົບຮົມ ປຸກລະດົມຊຸກຍູ້ພະນັກງານ-ນັກຮົມ ພ້ອມກັນສຸມໃສ່ວຽກງານ ເພີ່ມພູນຜະລິດຜົນ ຢ່າງເປັນເຈົ້າການ ຊີ້ນໍາສ້າງແຜນການຈັດແບ່ງຢ່າງລະອຽດ ແລະ ຈັດຕັ້ງຜະລິດ ແທດເໝາະກັບສະພາບເງື່ອນໄຂຂອງກົມກອງ ເຊິ່ງລາຍຮັບທີ່ໄດ້ມານັ້ນ ນອກຈາກນໍາໃຊ້ ເຂົ້າໃນການແກ້ໄຂຊີວິດການເປັນຢູ່ ຂອງພະນັກງານ-ນັກຮົບ ແລ້ວ ຍັງໄດ້ນໍາໃຊ້ເຂົ້າໃນການປຸກສ້າງຄ້າຍຄູຄື: ເຮືອນນອນ, ຫ້ອງການ ແລະ ສະໂມສອນຈໍານວນໜຶ່ງ.
ແຫລ່ງຂ່າວ:
ຕິດຕາມເຮາທາງFacebook ກົດຖືກໃຈເລີຍ!