Homeຂ່າວທ້ອງຖິ່ນ  ຕັກແຕນ ເລີ່ມລະບາດຢູ່ແຂວງຊຽງຂວາງ

  ຕັກແຕນ ເລີ່ມລະບາດຢູ່ແຂວງຊຽງຂວາງ

Published on

ໃນປີ​ນີ້​ຊາວ​ກະສິກອນ​ ຕ້ອງ​ໄດ້​ເຝົ້າ​ລະວັງ​ເປັນ​ພິເສດ ​ຕໍ່​ການ​ລະບາດ​ຂອງ​ຝູງ​ຕັກແຕນ​ທຳລາຍ​ຜົນລະປູກ​ປະຊາຊົນ​ ເພາະພາຍຫຼັງ​ທີ່​ເກີດ​ຢູ່​ແຂວງ​ຫົວພັນ ແລະ​ຫຼວງ​ພະ​ບາງ​ໃນ​ໄລຍະ​ຜ່ານ​ມາ, ປະຈຸ​ບັນ​ເລີ່ມ​ປະກົດ​ຂຶ້ນ​ຢູ່​ເມືອງ​ຄຳ​, ແຂວງຊຽງ​ຂວາງ​ ບໍລິເວນຊາຍ​ແດນ​ຕໍ່​ກັບ​ຫົວພັນ​ແລ້ວ.

ອີງຕາມການລາຍງານຂອງນັກຂ່າວທ້ອງຖິ່ນວ່າ: ໃນ​ຕອນ​ເຊົ້າ​ວັນ​ທີ 11 ສິງຫາ 2016 ຜ່ານ​ມາ​ນີ້​ພະ​ແນກ​ກະສິກຳ ແລະ​ປ່າໄມ້​ແຂວງ, ເມືອງ ໄດ້​ພ້ອມ​ກັນ​ລົງ​ກວດກາ​ການ​ລະບາດ​ຂອງ​ຕັກແຕນ​ຢູ່ ​ບ້ານ​ແກ່ວ​ເລິກ, ກຸ່ມບຸນ​ຖິ່ນ, ເມືອງ​ຄຳ, ແຂວງ​ຊຽງ​ຂວາງ​ຕັກແຕນ ໄດ້​ເລີ່ມ​ເຄື່ອນ​ຍ້າຍ​ມາ​ທາງ​ທິດເໜືອ ແລະ​ມີການລະບາດ​​ຕາມລຽບ​ຊາຍ​ແດນ​ຊຽງ​ຂວາງ-ຫົວພັນ ຕັກແຕນຈະ​ຢູ່​ເປັນ​ຝູງ ​ເຄື່ອນ​ຍ້າຍ​ເປັນ​ຝູງ​ມັກ​ກິນ​ໃບ​ໄມ້ປ່ອງ, ສາລີ, ເຂົ້າ ແລະ​ອື່ນໆ​. ເຮັດ ໃຫ້​ຜົນ​ຜະລິດ​ຂອງ​ປະຊາຊົນ​ເລີ່ມ​ເສຍຫາຍ.

ທ້າວ ຄຳ​ໝັ້ນ ປະຊາຊົນ​ບ້ານ​ແກ່ວ​ເລິກ​ໄດ້​ໃຫ້​ສຳພາດ​ວ່າ: ໄຮ່​ສາລີ​ຂອງ​ຕົນ​ເສຍ​ຫາຍ​ທັງ​ໝົດ​ໃນ​ເນື້ອທີ່ 2.000 ກວ່າ​ຕາ​ແມັດ​, ເນື້ອທີ່​ໄຮ່​ເສຍ​ຫາຍ 30% ຈາກ​ເນື້ອທີ່​ໄຮ່​ທັງ​ໝົດ 1 ເຮັກຕາ​ກວ່າ ປະຈຸ​ບັນ​ວິຊາ​ການ​ຈາກ​ພະ​ແນກ​ກະສິກຳ ແລະ​ປ່າໄມ້ ໄດ້​ປຶກສາ​ຫາລື​ກັບ​ເມືອງ, ເພື່ອ​ຝຶກ​ອົບຮົມ​ການ​ເຝົ້າ​ລະວັງ​ການ​ລະບາດ, ຜົນ​ຮ້າຍ​ຂອງ​ຕັກແຕນ​ວາງ​ແຜນ ການ​ຮັບ​ມື, ປາບ​ປາມ, ຕິດຕາມ​ຈຸດ​ວາງໄຂ່​ຂອງ​ຕັກແຕນ ​ໃນ​ແຕ່​ລະ​ເຂດ ເມື່ອ​ພົບເຫັນ​ກໍ​ໃຫ້​ລາຍ​ງານ​ ຕໍ່​ພາກສ່ວນ​ທີ່​ກ່ຽວຂ້ອງ​ຢ່າງ​ທັນ​ການ ແລະ​ຫ້າມ​ນຳ​ຕັກແຕນ​ທີ່​ມີ​ຊີວິດ​ເຄື່ອນ​ຍ້າຍ​ຊະຊາຍ ເພາະຍິ່ງ​ຈະ​ເຮັດ​ໃຫ້ການ​ລະບາດ​ແຜ່​ລາມອອກ​ໄປ.

ທີ່ມາ: ເສດຖະກິດ-ສັງຄົມ

ບົດຄວາມຫຼ້າສຸດ

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...