ວິທີລ້າງເຮັດຄວາມສະອາດເຊື້ອຣາໃຫ້ອອກງ່າຍ

ເຊື້ອຣາເປັນອີກເລື່ອງໜຶ່ງທີ່ກວນໃຈ ເນື່ອງຈາກເປັນສິ່ງທີ່ເຮັດຄວາມສະອາດຍາກ ແຖມຍັງລຸກລາມໄດ້ໄວ ໂດຍສະເພາະຊ່ວງລະດູຝົນເຊື້ອລາຈະມີການລຸກລາມໄວທີ່ສຸດ ວັນນີ້ພວກເຮົາເລີຍມີວິທີລ້າງເຮັດຄວາມສະອາດເຊື້ອຣາມາຝາກກັນ ເຊິ່ງຈະເຮັດແບບໃດແນ່ນັ້ນ ເຮົາມາອ່ານກັນເລີຍ

ລ້າງດ້ວຍແບກກິ້ງໂຊດາ
ປະສົມແບກກິ້ງໂຊດາ ແລະ ນ້ຳສະອາດລົງໃນຕຸກສະເປ ຈາກນັ້ນກໍ່ສັ່ນໆຕຸກສະເປ ໃຫ້ແບກກິ້ງໂຊດາລະລາຍໃນນ້ຳ ແລ້ວນຳໄປສີດໃຫ້ທົ່ວບໍລິເວນເກີດເຊື້ອຣາ ແລ້ວກໍ່ໃຊ້ແປງຂັດອອກ ຈາກນັ້ນກໍ່ລ້າງອອກດ້ວຍນ້ຳ ແລ້ວກໍ່ສີດນ້ຳໃນຕຸກສະເປນັ້ນອີກຮອບ ຈາກນັ້ນກໍ່ປ່ອຍໄວ້ໃຫ້ແຫ້ງໂດຍບໍ່ຕ້ອງລ້າງອອກ

ລ້າງດ້ວຍນ້ຳສົ້ມສາຍຊູ
ນ້ຳສົ້ມສາຍຊູໃສ່ຕຸກສະເປໂດຍບໍ່ຕ້ອງປະສົມນ້ຳ ແລ້ວນຳໄປສີດໃຫ້ທົ່ວບໍລິເວນທີ່ເກີດເຊື້ອຣາ ປະໄວ້ປະມານ 1 ຊົ່ວໂມງ ແລ້ວຈິ່ງລ້າງອອກດ້ວຍນ້ຳສະອາດ

ລ້າງດ້ວຍນ້ຳຢາຊັກຜ້າຂາວ (ໄຮເຕີ້)
ດູດຝຸ່ນບໍລິເວນທີ່ຕ້ອງການເຮັດຄວາມສະອາດ ຈາກນັ້ນກໍ່ປະສົມນ້ຳຢາຊັກຜ້າຂາວລົງໃນນ້ຳດ້ວຍອັດຕາສ່ວນ 1 ຝາ ຕໍ່ນ້ຳ 3 ໂອ ແລ້ວຫ່າຍລົງໃສ່ຕຸກສະເປ ແລະ ນຳໄປສີດໃສ່ຈຸດບໍລິເວນທີ່ເກີດເຊື້ອຣາ ປະໄວ້ປະມານ 20 ນາທີ ແລ້ວຈິ່ງໃຊ້ແປງຖູໆອອກ ຈາກນັ້ນກໍ່ລ້າງດ້ວຍນ້ຳສະອາດ

 

ທີ່ມາ: http://home.kapook.com/view149728.html