ອີງຕາມແຫຼ່ງຂ່າວຈາກສຳນັກຂ່າວສານປະເທດລາວ ລາຍງານວ່າ ກອງປະຊຸມສະໄໝສາມັນເທື່ອທີ 7

ຂອງສະພາແຫ່ງຊາດຊຸດທີ VII ໃນມື້ວານນີ້ (8 ກໍລະກົດ) ທ່ານ ທອງສິງ ທຳມະວົງ ນາຍົກລັດຖະມົນຕີ

ໄດ້ລາຍງານກ່ຽວກັບວຽກງານບຸກຄະລາກອນຂອງກົງຈັກລັດຖະບານ ກໍຄືການສະເໜີຍົກຍ້າຍສະມາ

ຊິກລັດຖະບານ ຊຸດທີ 7 ຈຳນວນໜຶ່ງໄປຮັບໜ້າທີ່ໃໝ່ ແລະ ແຕ່ງຕັ້ງພະນັກງານການນຳຂັ້ນສູງໃຫ້

ດຳລົງຕຳແໜງໃໝ່ ເພື່ອໃຫ້ກອງປະຊຸມໄດ້ພິຈາລະນາ ແລະ ຮັບຮອງເອົາ ເຊິ່ງມີລາຍລະອຽດດັ່ງນີ້:

1. ສະເໜີ ທ່ານ ດຣ. ບຸນປອນ ບຸດຕະນະວົງ ກຳມະການກົມການເມືອງສູນກາງພັກ ເປັນຮອງນາຍົກ

ລັດຖະມົນຕີ

2. ທ່ານ ດຣ. ພັນຄຳ ວິພາວັນ ກຳມະການກົມການເມືອງສູນກາງພັກ ເປັນຮອງນາຍົກລັດຖະມົນຕີ,

ທັງເປັນລັດຖະມົນວ່າການກະຊວງສຶກສາທິການ ແລະ ກິລາ.

3. ສະເໜີແຕ່ງຕັ້ງ ທ່ານ ພົນຕີ ແສງນວນ ໄຊຍະລາດ ຄະນະເລຂາທິການສູນກາງພັກ ເປັນລັດຖະມົນ

ຕີວ່າການກະຊວງປ້ອງກັນປະເທດ.

4. ທ່ານ ດຣ. ສິນລະວົງ ຄຸດໄພທູນ ກຳມະການສູນກາງພັກ, ລັດຖະມົນຕີຫົວໜ້າຫ້ອງວ່າການລັດຖະ

ບານ ໄປຮັບໜ້າທີ່ຢູ່ນະຄອນຫລວງວຽງຈັນ.

5. ທ່ານ ດຣ. ສອນໄຊ ສີພັນດອນ ກຳມະການສູນກາງພັກ ເປັນລັດຖະມົນຕີ, ຫົວໜ້າຫ້ອງວ່າການລັດ

ຖະບານ

6. ສະເໜີ ທ່ານ ດຣ ນາມ ວິຍະເກດ ກຳມະການສູນກາງພັກ, ລັດຖະມົນຕີປະຈຳຫ້ອງວ່າການລັດຖະ

ບານ ໄປຮັບໜ້າທີ່ໃໝ່ຢູ່ແຂວງອັດຕະປື.

ບັນດາທ່ານເຫລົ່ານີ້ ລ້ວນແຕ່ແມ່ນຜູ້ທີ່ມີທັດສະນະການເມືອງທີ່ໜັກແໜ້ນ, ມີຄວາມຮູ້, ຄວາມສາ

ມາດ, ມີປະສົບການ, ມີຄວາມເປັນແບບຢ່າງນຳໜ້າ ແລະ ສາມາດເປັນຄັນທຸງເຕົ້າໂຮມຄວາມສາ

ມັກຄີ ແລະ ກໍໄດ້ຜ່ານການທົດສອບ ຢູ່ໃນຂະບວນການວຽກງານຕົວຈິງມາຢ່າງຫລວງຫລາຍ.

ຜ່ານການປະກອບຄຳຄິດຄຳເຫັນຕໍ່ບົດລາຍງານດັ່ງກ່າວ, ບັນດາສະມາຊິກສະພາແຫ່ງຊາດ ກໍໄດ້ລົງ

ຄະແນນສຽງ ຮັບຮອງເອົາການສະເໜີຂອງທ່ານນາຍົກລັດຖະມົນຕີ ດ້ວຍຄະແນນສຽງເຫັນດີເປັນ

ສ່ວນຫລາຍ.