ເມື່ອວັນທີ 10 ສິງຫາ ທີ່ຜ່ານມາ ສຳນັກຂ່າວ ຊີເອັນເອັນ ລາຍງານວ່າ ທາງການ ດູໄບ ແຫ່ງສະຫະຫຼັບເອມິເຣດ ກຳລັງວາງແຜນເປັນເຈົ້າຳາບເພື່ອສ້າງ “ໄຮເປີລູບ” ຍານຂົນສົ່ງແຫ່ງອານາຄົດທີ່ມີຄວາມໄວໃກ້ຄຽງ ຫຼື ໄວກວ່າເຮືອບິນ ເຊິ່ງມີຄວາມໄວສູງເຖິງ 1,200 ກິໂລແມັດຕໍ່ຊົ່ວໂມງ
ລາຍງານລະບຸວ່າ ທາງການດູໄບມີແຜນຈະເປັນເຈົ້າພາບ ເຊີນບັນດາຜູ້ອອກແບບຈາກທົ່ວໂລກມາແຂ່ງຂັນກ່ຽວກັບລະບົບຂອງໄຮເປີລູບ ໃນເດືອນກັນຍານີ້ ເຊິ່ງໄຮເປີລູບເປັນໄອເດຍຂອງ ທ່ານ ອີລອນ ມັສ ນັກທຸລະກິດໃຫຍ່ຊາວອາເມລິກາ-ເຢຍລະມັນ ເປັນວິສະວະກອນ ແລະ ນັກປະດິດ ທັງເປັນຜູ້ກໍ່ຕັ້ງ ແລະ ຜູ້ບໍລິຫານຂອງບໍລິຫານບໍລິສັດ ສະເປຊເອັກສ໌
ຍານໄຮເປີລູບມີລັກສະນະຄ້າຍ ແຄບຊູລ ເຊິ່ງເປັນບ່ອນນັ່ງສຳລັບຜູ້ໂດຍສານ ແລະ ວາງເຄື່ອງຂອງ ຂັບເຄື່ອນດ້ວຍລະບົບໄຟຟ້າເທິງຮາງໃນທໍ່ຍາວ ແລະ ພາຍໃນແຄບຊູລຈະຖືກປັບສະພາບຄວາມດັນໃຫ້ມີຄວາມດັນຕ່ຳ ເພື່ອທີ່ຍານສາມາດແລ່ນດ້ວຍຄວາມໄວ 1,200 ກິໂລແມັດຕໍ່ຊົ່ວໂມງ ໄດ້ປຽບທຽບຈາກການເດີນທາງຈາກນະຄອນລອດແອນເຈີລິສ ໄປທີ່ເມືອງຊານຟຣາສຊິສໂກ ໃນສະຫະລັດອາເມລິກາ ດ້ວຍໄລຍະທາງ 380 ໄມລ໌ ໃຊ້ເວລາພຽງ 30 ນາທີ