ແມນນີ້ ປາກຽວ ຍອດນັກສົກຂວັນໃຈຊາວອາຊີ ກຽມກັບຄືນສູ່ສັງວຽນມວຍອີກຄັ້ງ ຫຼັງກຳນົດຂຶ້ນສົກນັດຫຼ້າສຸດ ວັນທີ 5 ພະຈິກນີ້ ໃນການແຂ່ງຂັນຊິງແຊັມໂລກ ຮຸ່ນວໍເຕີເວດ ກັບຄູ່ສົກຊາວອາເມຣິກາ ໂດຍອາດເປິດທາງໄປສູ່ການຫວນກັບຄືນໄປສົກກັບ ຟລອຍ ເມເວດເທີ ຈູເນຍ ຄູ່ຮັກຄູ່ແຄ້ນໃນອະນາຄົດ.
ປາກຽວ ເຈົ້າຂອງສາຍແອວແຊັມ 8 ເສັ້ນ ປະກາດແຂວນນວມໄປເມື່ອເດືອນເມສາທີ່ຜ່ານມາ ຈາກນັດທີ່ເອົາຊະນະ ທິໂມທີ ແບຣດລີ ກ່ອນທີ່ ບັອບ ອາຣຳ ໂປຣໂມເຕີຜູ້ຮູ້ໃຈຈະເປີດເຜີຍຂ່າວວ່າ ປາກຽວ ທີ່ຫັນຫຼັງໄປຫຼິ້ນການເມືອງ ອາດກັບມາໂຊລີລາເທິງສັງວຽນໃຫ້ຊົມກັນທ້າຍປີນີ້.
ລ່າສຸດ ໄມເຄິນ ຄອງ ຜູ້ຈັດການສ່ວນຕົວຂອງ ປາກຽວ ໄດ້ຢືນຢັນແລ້ວວ່າ ເປັນເລື່ອງຈິງ ແລະ ຈະໄດ້ສົກກັນແນ່ນອນໃນເດືອນພະຈິກນີ້ “ແມນນີ ປາກຽວ ຍັງບໍ່ເຖິງເວລາທີ່ຕ້ອງແຂວນນວມມວຍຄືສິ່ງທີ່ຢູ່ໃນສາຍເລືອດຂອງເຂົາ ເມື່ອໃດທີ່ເຂົາຝຶກຊ້ອມ ເໝືອນວ່າເຂົາຮູ້ສຶກກົດດັນຫຼາຍ ແຕ່ກັບກັນ ເຂົາມີຄວາມສຸກຫຼາຍກວ່າ”.
ທັງນີ້ ປາກຽວ ແລະ ທີມງານ ຈະມີການເຈລະຈາເຖິງເລື່ອງຄູ່ສົກ ວັນທີ 10 ສິງຫານີ້ ທີ່ ມະນິລາ ເຊິ່ງກໍເບິ່ງໄວ້ທີ່ ເຈສຊີ ວາກັສ ເຈົ້າຂອງແຊັມວໍເຕີເວດ ຂອງອົງກອນມວຍໂລກ (WBO) ແລະ ກຳລັງເບິ່ງເຖິງສະຖານທີ່ຢູ່ວ່າຈະໄປບ່ອນໃດ ລະຫວ່າງ ລອສ ແອງເຈລິສ ຫຼື ດູໄບ.
ແຫລ່ງຂ່າວໄດ້ມາຈາກ : http://kidork.com