ລາຍງານຈາກເວັບໄຊ ວອລສະຕຣີເຈີນັລ ລາຍງານວ່າ ຫຼັງຈາກທີ່ນ້ຳໃນສະແຂ່ງຂັນດຳນ້ຳທີ່ສະໜາມແຂ່ງຂັນກີລາໂອລິມປິກ 2016 ກາຍເປັນສີຂຽວຈົນເຮັດໃຫ້ຜູ້ຄົນສົງໃສກັນທົ່ວໂລກ ເມື່ອວັນທີ 9 ສິງຫາທີ່ຜ່ານມາ ລ່າສຸດໃນວັນທີ 10 ສິງຫາ ຜູ້ຊົມ ແລະ ນັກກີລາໄດ້ພົບວ່າ ສະລອຍນ້ຳທີ່ໃຊ້ໃນການແຂ່ງຂັນໂປໂລນ້ຳຢູ່ຂ້າງໆ ກັນ ກໍ່ມີລັກສະນະດຽວກັນ
ລາຍງານລະບຸວ່າ ຫຼັງຈາກເກີດບັນຫາດັ່ງກ່າວຂຶ້ນມາທີ່ສະແຫ່ງທຳອິດ ຄະນະກຳມະການຈັດງານແຂ່ງຂັນກີລາ ໂອລິມປິກ 2016 ກໍ່ໄດ້ອອກມາຢືນຢັນວ່າ ບັນຫາຢູ່ໃນການຄວບຄຸມເປັນທີ່ຮຽບຮ້ອຍແລ້ວ ແຕ່ຂະນະດຽວກັນກໍ່ຍອມຮັບຄວາມຈິງວ່າ ນອກຈາກນ້ຳສີຂຽວຈະເກີດຂຶ້ນກັບສະດຳນ້ຳແລ້ວ ກໍ່ຍັງເກີດຂຶ້ນກັບສະອື່ນໆທີ່ໃຊ້ໃນການແຂ່ງຂັນໂປໂລນ້ຳ
ຢ່າງໃດກໍ່ຕາມຄະນະກຳມະການໄດ້ດຳເນີນການກວດສອບຄຸນນະພາບນ້ຳແລ້ວ ແລະ ຜົນການກວດສອບພົບວ່າ ນ້ຳທີ່ປ່ຽນເປັນສີຂຽວນັ້ນບໍ່ມີສິ່ງປົນເປື້ອນ ຫຼື ຜົນກະທົບໃດໆ ຕໍ່ນັກກີລາທີ່ເຂົ້າຮ່ວມການແຂ່ງຂັນ ສ່ວນສາເຫດນັ້ນເບື້ອງຕົ້ນເຜີຍວ່າເກີດຈາກຄ່າຄວາມເປັນດ່າງຂອງນ້ຳມີການປ່ຽນແປງຢ່າງໄວວາ
ພາບຈາກ CHRISTOPHE SIMON/AFP
ແຫຼ່ງຂ່າວຈາກ: http://hilight.kapook.com/view/140732