spot_img
Homeຂ່າວການພັດທະນາລັດຖະມົນຕີການຕ່າງປະເທດ ແຫ່ງ ສປປ.ລາວ ເຂົ້າຢ້ຽມຂຳນັບທ່ານນາຍົກລັດຖະມົນຕີຣາຊະອານາຈັກໄທ

ລັດຖະມົນຕີການຕ່າງປະເທດ ແຫ່ງ ສປປ.ລາວ ເຂົ້າຢ້ຽມຂຳນັບທ່ານນາຍົກລັດຖະມົນຕີຣາຊະອານາຈັກໄທ

Published on

ໃນວັນທີ 10 ສິງຫາ 2016 ທີ່ທໍານຽບລັດຖະບານ ຣາຊະອານາຈັກໄທ ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດ ແຫ່ງ ສປປ.ລາວ ໄດ້ນຳພາຄະນະຜູ້ແທນລາວ ເຂົ້າຢ້ຽມຂຳນັບ ທ່ານພົນເອກ ປຣະຢຸດ ຈັນໂອຊາ ນາຍົກລັດຖະມົນຕີ ແຫ່ງ ຣາຊະອານາຈັກໄທ ໃນໂອກາດເດີນທາງຢ້ຽມຢາມຣາຊະອານາຈັກໄທຢ່າງເປັນທາງການໃນລະຫວ່າງວັນທີ 09-10 ສິງຫາ 2016 ໃນໂອກາດດັ່ງກ່າວ ທ່ານ ສະເຫຼີມໄຊ ກົມມະສິດ ກໍໄດ້ນຳເອົາຄວາມຢື້ຢາມຖາມຂ່າວຈາກທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ.ລາວ ເຖິງ ທ່ານພົນເອກ ປຣະຢຸດ ຈັນໂອຊາ ພ້ອມທັງໄດ້ແຈ້ງຜົນຫຽໍ້ກ່ຽວກັບການພົບປະສອງຝ່າຍກັບລັດຖະມົນຕີຕ່າງປະເທດໄທ ແລະ ຈະໃຫ້ການຮ່ວມມືຢ່າງໃກ້ຊິດກັບ ລັດຖະມົນຕີຕ່າງປະເທດໄທ ໃນການເອົາໃຈໃສ່ປະຕິບັດພາລະບົດບາດຂອງກະຊວງການຕ່າງປະເທດ ການຍຸກຊູ້ຕິດຕາມບັນດາຂະແໜງການກ່ຽວຂ້ອງ ການຈັດຕັ້ງປະຕິບັດບັນດາຂໍ້ຕົກລົງຂອງການນຳຂັ້ນສູງຂອງສອງປະເທດ ໃຫ້ປາກົດຜົນເປັນຈິງ ເພື່ອສ້າງໃຫ້ການພົວພັນຮ່ວມມື ລະຫວ່າງ ລາວ-ໄທ ສາມາດນໍາເອົາຜົນປະໂຫຽດໂຕຈິງມາສູ່ປະຊາຊົນສອງຊາດ ແລະ ສະແດງຄວາມຂອບໃຈຕໍ່ລັດຖະບານໄທ ທີ່ໃຫ້ການຮ່ວມມື ແລະ ຊ່ອຍເຫຼືອເປັນຢ່າງດີແກ່ການເປັນເຈົ້າພາບຈັດກອງປະຊຸມ AMM ຄັ້ງທີ 49 ແລະ ກອງປະຊຸມປິ່ນອ້ອມອື່ນໆ ທີ່ນະຄອນຫຼວງວຽງຈັນ ສປປ.ລາວ.

ໂອກາດນີ້ ທ່ານ ພົນເອກ ປຣະຢຸດ ຈັນໂອຊາ ກໍໄດ້ຝາກຄວາມຢື້ຢາມຖາມຂ່າວເຖິງທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ.ລາວ ແລະ ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ ທ່ານ ສະເຫຼີມໄຊ ກົມມະສິດ ທີ່ໄດ້ນຳພາຄະນະຜູ້ແທນລາວ ມາຢ້ຽມຢາມໄທໃນຄັ້ງນີ້ ເຊິ່ງເປັນການເສີມຂະຫຽາຍສາຍພົວພັນມິດຕະພາບຖານບ້ານໃກ້ເຮືອນຄຽງທີ່ດີ ມີມາແຕ່ດົນນານ ແລະ ການຮ່ວມມືອັນດີລະຫວ່າງສອງປະເທດ ລາວ ແລະ ໄທ ໃຫ້ແໜ້ນແຟ້ນກວ້າງຂວາງຍິ່ງໆຂຶ້ນ.

 

ທີ່ມາ:​ http://www.vtetoday.la/

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...