ນັບມື້ເຮົາທຸກຄົນກໍເລີ່ມຈະແກ່ຊະລາຂຶ້ນໃນທຸກໆມື້ ແລະເງິນກໍຈະມີຄວາມສຳຄັນຫຼາຍຂຶ້ນໃນຊີວິດ ເພາະເຮົາອາຍຸຫຼາຍຂຶ້ນເທົ່າໃດ ໂລກໄພໄຂ້ເຈັບຕ່າງໆກໍມັກຈະຖາມຫາ ເຮັດໃຫ້ຫຼາຍໆເລື່ອງເຮົາຄວນລົງມືເຮັດຕັ້ງແຕ່ອາຍຸຍັງນ້ອຍ ໂດຍສະເພາະແມ່ນເລື່ອງການເງິນ. ມື້ນີ້ເຮົາຈຶ່ງມີຄຳແນະນຳກ່ຽວກັບສິ່ງທີ່ຄວນຕັດສິນໃຈເຮັດ ຕັ້ງແຕ່ອາຍຸຍັງນ້ອຍມາບອກທຸກຄົນ

1. ເລື່ອງໜີ້

ຂຶ້ນຊື່ວ່າ “ໜີ້” ບໍ່ວ່າຈະເປັນ ໜີ້ຫຍັງກໍຕາມຖືວ່າບໍ່ດີ. ດັ່ງນັ້ນ, ຫາກເຮົາມີໜີ້ ເຮົາຄວນໃຊ້ໃຫ້ໝົດໄວເທົ່າໃດຍິ່ງເປັນການດີ ເພື່ອທີ່ເຮົາຈະບໍ່ມີພາລະໃນເລື່ອງນີ້ ແລະເຮົາຍັງສາມາດນຳເງິນທີ່ມີໄປເຮັດຢ່າງອື່ນໄດ້. ແຕ່ຖ້າເຮົາມີໜີ້ຫຼາຍ ເຮົາຕ້ອງຮຽງລໍາດັບຄວາມສໍາຄັນຂອງໜີ້ກ່ອນ, ໂດຍເລີ່ມໃຊ້ໜີ້ທີ່ເຮົາຕິດຫຼາຍເສຍກ່ອນ ແລ້ວຈຶ່ງຄ່ອຍໃຊ້ໜີ້ອື່ນໆທີ່ໜ້ອຍຕາມຫຼັງ.

2. ທີ່ຢູ່ອາໄສ

ເມື່ອເຮົາເລີ່ມມີອາຍຸທີ່ຫຼາຍຂຶ້ນ ການສ້າງຄອບຄົວກໍຖືເປັນສິ່ງໜຶ່ງທີ່ສຳຄັນ, ແຕ່ທີ່ຢູ່ອາໄສກໍເປັນສິ່ງທຳອິດ ທີ່ຄົນສ້າງຄອບຄົວຄິດ, ຫາກເຮົາຕັດສິນໃຈໄດ້ໄວໃນຊ່ວງອາຍຸທີ່ເຮົາຍັງນ້ອຍກໍຈະເປັນການດີ ເພາະໄລຍະການເຮັດວຽກຍັງດົນ ແລະລາຄາອະສັງຫາລິມະຊັບບຕ່າງໆກໍມີການປັບຂຶ້ນທຸກໆປີ ຈຶ່ງຄວນຊື້ໃນໄລຍະຍັງນ້ອຍ ອາດຈະເຮັດໃຫ້ໄດ້ລາຄາທີ່ຖືກ.

3. ການເກັບເງິນ

ການເກັບເງິນຄືສິ່ງທີ່ເຮົາຄວນຈະເຮັດຕັ້ງແຕ່ອາຍຸຍັງນ້ອຍ ເພາະເຮົາເລີ່ມເກັບໄດ້ໄວ ເຮົາກໍຈະຍິ່ງມີເງິນຫຼາຍຂຶ້ນ, ບໍ່ວ່າຈະເກັບເພື່ອສ້າງຄອບຄົວ ຫຼືເລື່ອງອື່ນໆ ແລະຍັງລວມເຖິງເພື່ອໃຫ້ເຮົາມີເງິນເກັບໄວ້ໃຊ້ໃນເວລາສຸກເສີນ ຫຼືມື້ທີ່ເຮົາບໍ່ໄດ້ເຮັດວຽກແລ້ວ, ເຊິ່ງການເກັບເງິນສາມາດເຮັດໄດ້ຫຼາຍວິທີຕາມແບບຂອງແຕ່ລະບຸກຄົນ.

4. ການລົງທຶນ

ການລົງທຶນແມ່ນມີຄວາມສ່ຽງຢູ່ສະເໝີ ບໍ່ວ່າຈະເປັນການລົງທຶນແບບໃດກໍຕາມເຊັ່ນ: ການລົງທຶນໃນຫຸ້ນ, ລົງທຶນໃນຄຳ ທັງສອງຢ່າງ ກໍມີຄວາມສ່ຽງທີ່ລາຄາຈະຖືກ ຫຼືຈະຂຶ້ນສູງ. ເຊິ່ງເຮົາຕ້ອງໝັ່ນຂະຫຍັນສຶກສາຫາຄວາມຮູ້ເພີ່ມເຕີມ ແລະຕິດຕາມຂ່າວສານຕ່າງໆຢູ່ສະເໝີ, ໂດຍໃນປັດຈຸບັນ ຄົນທີ່ອາຍຸນ້ອຍຫຼາຍໆຄົນ ທີ່ເລີ່ມລົງທຶນຂາຍເຄື່ອງຜ່ານທາງເຟສບຸກ ຫຼືອິນສະຕາແກມ ເຊິ່ງຖືວ່າເປັນເລື່ອງທີ່ດີ ເພາະເລີ່ມລົງທຶນຕັ້ງແຕ່ອາຍຸຍັງນ້ອຍ ມີໂອກາດເຕີບໃຫຍ່ ແລະຮຽນຮູ້ອີກຫຼາຍ.

5. ຈັດການເລື່ອງລາຍຮັບ

ການຈັດການເລື່ອງລາຍຮັບ ຂອງເຮົາໃຫ້ພຽງພໍຕໍ່ລາຍຈ່າຍທີ່ເຮົາມີ ກໍຖືເປັນສິ່ງຈຳເປັນ ເພາະເຮົາຈັດການເລື່ອງລາຍຈ່າຍຕ່າງໆຂອງເຮົາໃຫ້ຢູ່ໃນທີ່ເຮົາກໍານົດໄດ້ຕັ້ງແຕ່ອາຍຸຍັງນ້ອຍ. ໃນອານາຄົດຫາກເຮົາມີລາຍໄດ້ເພີ່ມຂຶ້ນ ກໍຈະສາມາດເຮັດໃຫ້ເຮົາບໍລິຫານເງິນໄດ້ງ່າຍຂຶ້ນ ເຮັດໃຫ້ເຮົາມີເງິນເກັບ, ເງິນລົງທຶນໄດ້ຫຼາຍຂຶ້ນ.

ຂອບໃຈບົດດີີໆຈາກ: Masii

  ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!