Homeຂ່າວທ້ອງຖິ່ນແຂວງຊຽງຂວາງ ສັ່ງປິດຄລີນິກເຖື່ອນ 3 ແຫ່ງ ລັກລອບບໍລິການ ເອົາລູກອອກຜິດກົດໝາຍ!

ແຂວງຊຽງຂວາງ ສັ່ງປິດຄລີນິກເຖື່ອນ 3 ແຫ່ງ ລັກລອບບໍລິການ ເອົາລູກອອກຜິດກົດໝາຍ!

Published on

ຂປລ​. ເຈົ້າໜ້າ​ທີ່​ສາທາ​ລະນະ​ສຸກ​ ​ແຂວງ​ຊຽງ​ຂວາງ​ ໄດ້​ກວດ​ພົບ​ຄລີນິກ​ເຖື່ອນ 3 ​ແຫ່ງ ທີ່​ລັກລອບ​ເປີດ​ກິດຈະການ​​ໃຫ້​ບໍລິການປະຊາຊົນ ໂດຍ​​ບໍ່​ໄດ້​ຮັບ​ອະນຸຍາດ​ ຈາກ​ພາກສ່ວນ​ທີ່​ກ່ຽວຂ້ອງ.

ອີງຕາມ​ການ​ລາຍ​ງານ​ຂອງ ​ເຈົ້າ​ໜ້າ​ທີ່ສາທາລະນະ​ສຸກ ​ແຂວງ​ຊຽງ​ຂວາງ ໄດ້​ລາຍ​ງານ​ໃນວັນທີ 10 ສິງຫາ 2016 ນີ້ ວ່າ: ຜູ້ດໍາເນີນກິດຈະການຄລີນິກເຖື່ອນດັ່ງກ່າວ, ໄດ້ຮັບສາລະພາບຕໍ່ເຈົ້າໜ້າທີ່ກ່ຽວຂ້ອງ ວ່າ​ໄດ້​ລັກລອບ​ໃຫ້​ບໍລິການ​ປະຊາ​ຊົນ​ພາຍ​ໃນ​​ແຂວງ ​ມາໄດ້ຫລາຍປີ​ແລ້ວ ໃນທີ່ສຸດ​ເຈົ້າ​ໜ້າ​ທີ່​ ກໍສາມາດ​​ກວດພົບ ​ແລະ ​ໄດ້​ສັ່ງ​ປິດ​ກິດຈະການ​ດັ່ງກ່າວ​, ​ແຕ່ຄລີນິກດັ່ງກ່າວ​​ ກໍໄດ້​ກັບ​ມາ​​ເປີດ​ຄືນ​ໃໝ່ ດ້ວຍ​ວິທີ​ການໃຫ້​ບໍລິການ​ປິ່ນປົວ​ທົ່ວ​ໄປ.

ບາງ​ສື່​ອອນ​ລາຍ​​ເປີດເຜີຍວ່າ: ຄລີນິກດັ່ງກ່າວ​ ແມ່ນ​ລັກລອບເປີດ​​ບໍລິການ​​ ເອົາ​ລູກ​ອອກ​ແບບ​ຜິດ​ກົດໝາຍ ​ແລະ ພະນັກງານ​ທີ່​ເຮັດ​ວຽກ ​ຢູ່​ພາຍ​ໃນ​ຄລີນິກ ກໍ​​ບໍ່​ໄດ້​ຮຽນ​ວິຊາສະເພາະດ້ານ​ການ​ແພດ ​ແລະ ບໍ່​ມີ​ໃບ​ຢັ້ງຢືນ​ຈາກກະຊວງສາທາລະນະສຸກ​ ແຕ່​ຢ່າງ​ໃດ.

ຫລ້າສຸດ ພະແນກສາທາລະນະ​ສຸກ​ ແຂວງດັ່ງກ່າວ, ໄດ້ສັ່ງປິດຄລີນິກຢ່າງຖາວອນ ພ້ອມ​ປັບ​ໄໝ ​ແລະ ປະຕິບັດວິໄນ ຕໍ່ຜູ້ກະທໍາຜິດແລ້ວ. ພ້ອມ​ນີ້,​​ ທາງພາກສ່ວນ​ທີ່ກ່ຽວຂ້ອງ ຍັງ​ໄດ້​​ແຈ້ງ​ເຕືອນ ພະນັກງານ, ທະຫານ, ຕຳຫລວດ, ພໍ່​ແມ່​ປະຊາຊົນ ໃຫ້ເພີ່ມຄວາມລະມັດລະວັງ ແລະ ສຶກສາຂໍ້ມູນລະອຽດ ກ່ອນໄປໃຊ້ບໍລິການ ເນື່ອງຈາກວ່າ ອາດມີກຸ່ມຄົນບໍ່ດີ ສວຍ​ໂອກາດດຳເນີນທຸລະກິດ ທີ່​ຜິດ​ກົດໝາຍ ​ແລະ ມີຄວາມສ່ຽງສູງຕໍ່ສຸຂະພາບ ແລະ ຊັບສິນ.

ນັບ​ແຕ່​ປີ 2011 ​ເປັນ​ຕົ້ນ​ມາ ແຂວງ​ຊຽງ​ຂວາງ​ ມີຄລີນິກທັງ​ໝົດ 47 ​ແຫ່ງ ທີ່​ຖືກຕ້ອງ​ຕາມ​ກົດ ໝາຍ ​ແລະ ໄດ້​ຮັບ​ການ​ຢັ້ງຢືນ​ຈາກ​ກະຊວງ​ສາທາລະນະ​ສຸກ.

 

ແຫລ່ງຂ່າວ:

ຂປລ

ຕິດຕາມເຮາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...

ແຂວງໃດກໍພົບເຫັນໄຊສົມບູນ ກວດພົບພະນັກງານສໍ້ລາດບັງຫຼວງ 12 ຄົນມູນຄ່າເສຍຫາຍ 10 ກວ່າຕື້ກີບ

ໃນຕອນເຊົ້າວັນທີ 11 ພະຈິກ 2026 ແຂວງໄຊສົມບູນ ໄດ້ເປິດກອງປະຊຸມສະຫຼຸບຕີລາວຽກງານກວດກາ ທົ່ວແຂວງ 5 ປີ (2021-2025) ແລະ ທິດທາງແຜນການ 5 ປີ...

ຕິດຕາມ ກວດກາ ແລະ ຄຸ້ມຄອງຢ່າງເຂັ້ມງວດ ຕໍ່ບັນດາໂຄງການຂຸດຄົ້ນ ແລະ ປຸງແຕ່ງແຮ່ທາດ-ເງິນ

ໃນໄລຍະ 9 ເດືອນຜ່ານມາ ຂອງປີ 2026, ນະຄອນຫຼວງວຽງຈັນ ສາມາດຈັດຕັ້ງປະຕິບັດການສົ່ງອອກຜະລິດຕະພັນແຮ່ທາດ ບັນລຸໄດ້ 146,878.81 ໂຕນ, ຄິດເປັນ 41.91% ຂອງແຜນການປີ. ຂໍ້ມູນດັ່ງກ່າວ...