ສຳນັກຂ່າວຕ່າງປະເທດ ລາຍງານໃນວັນທີ 10 ສິງຫານີ້ວ່າ ທ່ານ ວະລາດີເມຍ ປູຕິນ ປະທານາທິບໍດີຣັດເຊຍ ໄດ້ປະກາດຟື້ນຟູ ຄວາມສຳພັນທາງການຄ້າ ແລະ ເສດຖະກິດ ລະຫວ່າງຣັດເຊຍ ແລະ ຕວກກີ ຢ່າງສົມບູນ ໃນວັນອັງຄານທີ 9 ສິງຫາ 2016 ຜ່ານມານີ້ ໃນລະຫວ່າງການຢ້ຽມຢາມຣັດເຊຍ ຢ່າງເປັນທາງການຂອງ ທ່ານ ເຣເຊບ ເຕຢິບ ເອີໂດກັນ ປະທານາທິບໍດີຕວກກີ.

ການພົບປະຫາລືກັນລະຫວ່າງຜູ້ນຳສອງປະເທດ ທີ່ນະຄອນເຊັນປີເຕີສະເບີກ ປະເທດຣັດເຊຍ ໃນວັນທີ 9 ສິງຫາ 2016 ໄດ້ເປັນການເປີດທາງໃຫ້ແກ່ຕວກກີ ສາມາດສົ່ງອອກຜະລິດຕະພັນອາຫານຂອງຕົນ ໄປຍັງຣັດເຊຍໄດ້ ແລະ ເປີດໂອກາດໃຫ້ ຖ້ຽວບິນເຊົ່າເໝົາລຳຈາກຣັດເຊຍ ເດີນທາງໄປຍັງຕວກກີໄດ້ຄືເກົ່າ ຊຶ່ງທ່ານ ປູຕິນ ໄດ້ລະບຸວ່າ ມາດຕະການຂວ້ຳບາດຕໍ່ຕວກກີ ກ່ຽວກັບກໍລະນີກອງທັບຕວກກີ ຍິງເຮືອບິນທະຫານຂອງຕົນຕົກ ຈະຖືກຍົກເລີກເປັນເທື່ອລະຂັ້ນ.

ຕິດຕາມເຮາທາງFacebook ກົດຖືກໃຈເລີຍ!