ຍານວອສຕັອກ 1 (Vostok 1) ເປັນຍານອາວະກາດທຳອິດ ທີ່ນຳເອົາມະນຸດຂຶ້ນໄປໃນອາວະກາດ ໃນປະຫວັດສາດ
ຂອງໂລກຖືກສ້າງຂຶ້ນໂດຍໂຄງການອາວະກາດ ຂອງສະຫະພາບໂຊວຽດ ເຊິ່ງອອກແບບໂດຍວິສະວະກອນຊາວ
ຣັດເຊຍ, ຖືກສົ່ງຂຶ້ນສູ່ວົງໂຄຈອນ ໃນເວລາ 9 ໂມງ 7 ນາທີ ຂອງວັນທີ 12 ເມສາ 1961 ໂດຍມີ ຢູຣິ ກາກາຣິນ
(Yuri Gagarin) ນັກບິນອາວະກາດຊາວໂຊວຽດ ຂຶ້ນໄປເທິງອາວະກາດ ແລະ ກາຍເປັນນັກບິນອາວະກາດຄົນທຳ
ອິດຂອງໂລກ ທີ່ສາມາດຂຶ້ນໄປສຳຫຼວດອາວະກາດ ແລະ ກັບຄືນໂລກດ້ວຍຄວາມປອດໄພ.
ຍານ ວອສຕັອກ 1 ມີນ້ຳໜັກ 4 ¾ ໂຕນ ສາມາດໂຄຈອນຮອບໂລກ 1 ຮອບ ໃຊ້ເວລາ 1 ຊົ່ວໂມງ 29 ນາທີ ທີ່ລະດັບ
ຄວາມສູງຫຼາຍທີ່ສຸດ 301 ກິໂລແມັດ ແລະ ລົງຈອດໃນເວລາ 10 ໂມງ 55 ນາທີ ຕາມເວລາທ້ອງຖິ່ນໃນຣັດເຊຍ
ດ້ວຍຄວາມປອດໄພ, ເຮັດໃຫ້ຖ້ຽວບິນອາວະກາດຄັ້ງນັ້ນ ຂອງຍານ ວອສຕັອກ 1 ສ້າງປະຫວັດສາດຄັ້ງທຳອິດໃຫ້
ແກ່ມະນຸດໂລກ ທີ່ສາມາດກ້າວອອກໄປສຳຫຼວດນອກໜ່ວຍພິພົບນີ້ໄດ້.
