ຄວາມຮູ້ກະສິກຳ ວັນນີ້ເຮົາຈະມາເວົ້າກ່ຽວກັບ ເທັກນິກ ວິທີບັງຄັບຕົ້ນໝາກນາວໃຫ້ແຕກຍອດອ່ອນອອກມາເປັນຈຳນວນຫຼາຍ ເພື່ອເພີ່ມຜົນຜະລິດ ນີ້ກໍ່ເປັນອີກວິທີໜຶ່ງທີ່ໜ້າສົນໃຈ ໂດຍສະເພາະຊາວກະສິກອນ ຫຼື ຄົນທີ່ປູກຕົ້ນໝາກນາວໄວ້ກິນຜົນ

ຂັ້ນຕອທຳອິດ ແມ່ນເລີ່ມບຳລຸງຕົ້ນໝາກນາວດ້ວຍປຸ໋ຍຄອກ ຫຼື ປຸ໋ຍເຄມີສູດ 25-7-7 ຫາກເປັນປຸ໋ຍຄອກຈະສາມາດຕັດປາຍຍອກໝາກນາວໄດ້ຫຼັງຈາກໃຫ້ປຸ໋ຍຄອກແລ້ວປະມານ 20 ວັນ ສຳລັບປຸ໋ຍເຄມີໃຫ້ເລີ່ມຕັດປາຍຍອດຕົ້ນໝາກນາວໄດ້ຫຼັງຈາກໃສ່ປຸ໋ຍຜ່ານມາແລ້ວ 7 ວັນ

ສຳລັບການເລືອກຕັດຍອດໝາກນາວນັ້ນໃຫ້ເລືອກເບິ່ງກ້ານໃດທີ່ໃບບໍ່ແກ່ບໍ່ອ່ອນຈົນເກີນໄປ ໂດຍຕັດອອກປະມານ 2-4.5 ນິ້ວ ໂດຍກະໄລຍະຈາກປາຍຍອດ ໂດຍປາຍກິ່ງທີ່ຕັດອອກໄປນັ້ນແມ່ນໃຫ້ເອົາໄປຖິ້ມຢູ່ນອກສວນ ເພື່ອບໍ່ໃຫ້ເປັນແຫຼ່ງເພາະເຊື້ອໂຣກຕ່າງໆ ເມື່ອຕັດຍອດອອກແລ້ວ ຫຼັງຈາກນັ້ນອີກປະມານ 7 ວັນ ຈະສັງເກດເຫັນວ່າປາຍທີ່ຖືກຕັດນັ້ນຈະແຫ້ງລົງມາເລັກໜ້ອຍ ແລະ ຕາມຕາຕຸ່ມໃບຖັດລົງມາ ຈະເລີ່ມມີຍອດອ່ອນແຕກອອກມາເປັນຈຳນວນຫຼາຍ ແລ້ວເຮົາກໍ່ດູແລຮັກສາຍອດແຕກໃໝ່ນັ້ນໃຫ້ດີ ບໍ່ໃຫ້ມີແມງໄມ້ເຂົ້າມາທຳລາຍ ເພື່ອໃຫ້ຍອດນັ້ນໃຫຍ່ແຂງແຮງຂຶ້ນ ຫຼັງຈາກຜ່ານພົ້ນຊ່ວງທີ່ແຕກຍອດໃໝ່ໄປແລ້ວຕົ້ນໝາກນາວກໍ່ຈະໃຫຍ່ຢ່າງໄວວາ ຄຸ້ມກັບການຕັດປາຍຍອດອອກໄປ

ທີ່ມາ: http://www.manowpan.com/news233.html