ອາຊຽນ ໄດ້ກາຍເປັນພາກພື້ນ ທີ່ມີເສດຖະກິດໃຫຍ່ ເປັນອັນດັບ 6 ຂອງໂລກ ລວມຍອດຜະລິດຕະພັນພາຍໃນ (GDP) ສູງເຖິງ 2,43 ພັນຕື້ໂດລາສະຫະລັດ, ຂະນະທີ່ການຫຼຸຸດຜ່ອນອັດຕາພາສີພາຍໃນອາຊຽນ ຫຼາຍກ່ວາ 90%,​ ນອກຈາກນີ້ ບັນດາລັດຖະມົນຕີເສດຖະກິດອາຊຽນ ຍັງສະແດງຄວາມຊົມເຊີຍຕໍ່ ສປປ ລາວ ໃນການນຳພາອາ ຊຽນ ຍາດໄດ້ຜົນສຳເລັດ 8 ໂຄງການທີ່ເປັນບຸລິມະສິດ ໃນປີ 2016 ພາຍໃຕ້ການເປັນປະທານອາຊຽນຂອງ ສປປ ລາວ.

ກອງປະຊຸມລັດຖະມົນຕີເສດຖະກິດອາຊຽນ ຄັ້ງທີ 48 (ASEAN Economic Ministers Meeting) ໄດ້ສືບ ຕໍ່ຈັດຂຶ້ນ ໃນຕອນບ່າຍຂອງວັນທີ 3 ສິງຫາ 2016 ທີ່ນະຄອນຫຼວງວຽງຈັນ, ພາຍໃຕ້ການເປັນ ປະທານຂອງ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ທັງເປັນລັດຖະມົນຕີເສດຖະກິດອາຊຽນ ຂອງ ສປປ ລາວ ໂດຍກອງປະຊຸມໄດ້ຊີ້ໃຫ້ເຫັນເຖິງ ສະພາບພົ້ນເດັ່ນທາງດ້ານເສດຖະກິດຂອງອາຊຽນ ໃນປີ 2016 ເຖິງວ່າສະພາບເສດຖະກິດໂລກ ປັດຈຸບັນຈະມີການຜັນຜວນກໍຕາມ ແຕ່ອາຊຽນກໍຍັງສືບຕໍ່ສ້າງເສດຖະກິດຂອງ ຕົນໃຫ້ເຂັ້ມແຂງ ເຊິ່ງໄດ້ປະກອບສ່ວນສຳຄັນ ເຂົ້າໃນການຂະຫຍາຍຕົວຂອງເສດຖະກິດໂລກ ໂດຍມີມູນຄ່າລວມຍອດ ການຜະລິດພາຍໃນອາຊຽນ (GDP) ເຖິງ 2,43 ພັນຕື້ໂດລາສະຫະລັດ ໃນປີ 2015 ກາຍ ເປັນພາກພື້ນທີ່ມີເສດຖະກິດ ໃຫຍ່ເປັນອັນດັບ 6 ຂອງໂລກ.

ແຫລ່ງຂ່າວ:

ຕິດຕາມນານາສາລະ ກົດໄລຄ໌ເລີຍ!