ຜິວສີໃດກໍ່ງາມໄດ້ຖ້າເປັນຜິວທີ່ລຽບນຽນ ແຕ່ບັນຫາທີ່ກວນໃຈສາວໆທັງຫຼາຍຄືບັນຫາເຂົ່າດຳ ຫຼື ສອກດຳ ແກ້ຈັ່ງໃດກໍ່ບໍ່ຫາຍ ເລື່ອງນີ້ຖືວ່າເປັນອີກໜຶ່ງບັນຫາທີ່ສ້າງຄວາມກຸ້ມຫຼາຍກັບສາວໆທັງຫຼາຍ ຄໍລຳຄວາມງາມວັນນີ້ ເຮົາກໍ່ເລີຍມີສູດເດັດສູດດີມາຝາກກັນ ເຊິ່ງຈະເຮັດແບບໃດນັ້ນເຮົາມາອ່ານນຳກັນເລີຍ
ສູດໝາກນາວ
ພຽງນຳມາກນາວມາຖູທີ່ບໍລິເວນສອກດຳ, ເຂົ່າດຳ ປະມານ 5-10 ນາທີ ແລ້ວລ້າງອອກ ຫຼັງຈາກນັ້ນກໍ່ທາຄຣີມບຳລຸງຜິວໃສ່ ເຮັດແບບນີ້ອາທິດລະ 3-4 ມື້ ບໍລິເວນທີ່ດຳກໍ່ຈະຄ່ອຍຂາວອອກຢ່າງເຫັນໄດ້ຊັດເຈນ
ສູດໂຢເກິດຣົດທຳມະຊາດ ແລະ ຂີ້ໝິ້ນ
ນຳຜົງຂີ້ໜິ້ນ ແລະ ໂຢເກິດຣົດທຳມະຊາດມາປະສົມໃຫ້ກາຍເປັນເນື້ອດຽວກັນແລ້ວທາລົງບໍລິເວນສອກດຳ, ເຂົ່າດຳ ຖູເບົາໆ ປະມານ 5-10 ນາທີ ແລ້ວລ້າງອອກ ຈາກນັ້ນກໍ່ທາຄຣີມທາຜິວໃສ່ ເຮັດແບບນີ້ອາທິດລະ 1-2 ຄັ້ງ ຮັບຮອງວ່າສອກ ແລະ ເຂົ່າຂອງທ່ານຈະຂາວໃສຢ່າງທີ່ຄິດແນ່ນອນ
ສູດໂຢເກິດຣົດທຳມະຊາດ ແລະ ນ້ຳສົ້ມສາຍຊູ
ນຳນ້ຳສົມສາຍຊູ ແລະ ໂຢເກິດຢ່າງລະ 1 ບ່ວງແກງ ມາປະສົມເຂົາກັນແລ້ວທາບໍລິເວນສອກດຳ ແລະ ເຂົ່າດຳ ແລ້ວປະໄວ້ 15 ນາທີຈິ່ງລ້າງອອກ ຫຼັງຈາກນັ້ນກໍ່ທາຄຣີມບຳລຸງຜິວໃສ່ ເຮັດແບບນີ້ອາທິດລະ 2 ຄັ້ງ ບັນຫາຜິວດຳກໍ່ຈະຫາຍໄປ
ສູດຂັດຜິວດ້ວຍນ້ຳຕານ
ນຳເອົານ້ຳຕານປະສົມກັບນົມສົດເລັກໜ້ອຍແລ້ວມາຖູເບົາໆທີ່ບໍລິເວນສອກດຳ, ເຂົ່າດຳ ປະມານ 5-10 ນາທີ ແລ້ວຈິ່ງລ້າງອອກ ຫຼັງຈາກນັ້ນກໍ່ທາຄຣີມທາຜິວໃສ່ ເຮັດແບບນີ້ອາທິດລະ 3-4 ຄັ້ງ ຮັບຮອງວ່າສີສອກ ແລະ ເຂົ່າຈະຂາວຂຶ້ນແນ່ນອນ
ຂໍ້ມູນຈາກ: http://www.siamok.com/s/130523