ຂ່າວຈາກສື່ອອນລາຍຂອງຈີນ ລາຍງານເມື່ອວັນທີ 3 ກໍລະກົດນີ້ວ່າ ໜຸ່ມໄວກາງຄົນ ອາຍຸ 54 ປີ ຊາວໄຕ້ຫວັນຜູ້ນີ້ ເຊິ່ງ
ມີສົມມຸດນາມວ່າ ອູ່ ເປັນເຈົ້າໜ້າທີ່ຫ້ອງທົດລອງ ຂອງໂຮງໝໍມະຫາວິທະຍາໄລໄຕ້ຫວັນ ຕ້ອງການຮຽກຮ້ອງຄວາມ
ສົນໃຈຈາກສາວໆໄວລຸ້ນ ຄົນທີ່ເຂົາເຄີຍຮັກ ແຕ່ບໍ່ເຄີຍສົນໃຈໄຍດີຕໍ່ໂຕເຂົາ.
ຂ່າວຍັງລະບຸວ່າ ເຖິງແມ່ນຊາຍ ອູ່ ຈະມີໜ້າທີ່ການງານດີ, ເງິນເດືອນສູງເຖິງ 70,000 ໂດລາໄຕ້ຫວັນ ຫຼື ປະມານ
17 ລ້ານກ່ວາກີບ, ແຕ່ເຂົາຍັງຫາຄູ່ຄອງບໍ່ໄດ້ ຊາຍຄົນດັ່ງກ່າວບອກວ່າ ເຂົາໄດ້ສະຜົມ, ຊອຍ ແລະ ເຊັດຜົມຊົງສີ່ຫຼ່ຽມ
ດັ່ງກ່າວນີ້ ດ້ວຍຄວາມຫວັງໃຫ້ຕົນດູດີທຽບເທົ່າກັບໜຸ່ມໆ ໄວ 20 – 30 ປີ ແລະ ຈະໄປຕື້ສາວໆໄວລຸ້ນ ທີ່ມັກປະຕິເສດ
ຕົນເວລາທີ່ເຂົາຈີບ, ແຕ່ຊາວເນັດທັງຫຼາຍ ຕ່າງສະແດງຄວາມຄິດເຫັນວ່າ ໜຸ່ມຂຶ້ນ ຫຼື ບໍ່ນັ້ນ ບໍ່ແນ່ໃຈ ແຕ່ວ່າທີ່
ແນ່ນອນນັ້ນ ຜົມຊົງນີ້ ຄ້າຍຄືກັນກັບຕົວລະຄອນຊົງກ່ອງສີ່ຫຼ່ຽມ ກະໂດດອອກມາຈາກເກມ ມາຍຄຣາຟ ຈິ່ງພາກັນ
ເອີ້ນຊົງຜົມນີ້ວ່າ ຊົງ ” ຫຼໍ່ມາຍຄຣາຟ ”
ສຳລັບເຄັດລັບຂອງຜົມຊົງນີ້ ອູ່ ໄດ້ບອກວ່າ ເຂົາໄດ້ໃຊ້ກະປ໋ອງ 2 ໜ່ວຍ ແລ້ວໃຊ້ເຈວແຕ່ງຜົມໃສ່ເຂົ້າໄປ ເລັງສ່ອງ
ກະຈົກຢູ່ດົນເຖິງ 2 ຊົ່ວໂມງ ເຊິ່ງຜົມຊົງນີ້ນັ້ນຢູ່ໄດ້ດົນນານນັບເດືອນ, ແຕ່ກໍຕ້ອງໄດ້ໝັ່ນປັບແຕ່ງຊົງໃນທຸກໆ 15 ວັນ.