ສຳນັກຂ່າວຕ່າງປະເທດ ລາຍງານໃນວັນທີ 3 ສິງຫາຜ່ານມານີ້ວ່າ ເຈົ້າໜ້າທີ່ທະຫານບຣາຊີ​ນ ​ໄດ້​ເພີ່​ມຈຳນວນ​ພົນທະຫານຕື່ມ​ອີກ ​ເພື່ອ​ຮັບປະກັນ​ຄວາມ​ປອດ​ໄພ​ ຢູ່ບໍລິ​ເວນຮູບປັ້ນພະ​ເຢຊູ ​ແລະ ບໍລິ​ເວນ​ກະ​ເຊົ້າ​ລອຍ​ຟ້າ Pao de Azucar ​ຊຶ່ງ​ເປັນສະຖານ​ທີ່​ທ່ອງ​ທ່ຽວທີ່​ມີ​ຊື່​ສຽງ 2 ​ແຫ່ງ​ຢູ່​ນະຄອນຣີໂອ ເດີ ຈາເນໂຣ ຂອງບຣາຊີ​ນ ກ່ອນ​ທີ່​ງານມະຫາກຳກິລາໂອລິມປິກ ຣີໂອ 2016 ຈະໄຂຂຶ້ນຢ່າງເປັນທາງການ ໂດຍອົງການສືບຂ່າວບຣາຊີ​ນ ໄດ້ກ່າວ​ເຕືອນ​ວ່າ ບັນດາ​ສະຖານ​ທີ່​ທ່ອງ​ທ່ຽວ​ທີ່ມີຊື່ສຽງ ອາດ​ຈະ​ກາຍ​ເປັນ​​ເປົ້າໝາຍ​ບຸກ​ໂຈມ​ຕີ ​ຂອງ​ກຸ່ມກໍ່ການຮ້າຍ.

ປັດຈຸ​ບັນ ບຣາຊີ​ນ ມີ​ແຜນການ​ລະດົມຕຳ​ຫລວດ, ທະຫານ ​ແລະ ນັກ​ສືບ​ລັບ 88,000 ຄົນ ​ເຂົ້າ​ຮ່ວມ​ຮັບ​ປະກັນ​ຄວາມ​ປອດ​ໄພ​ໃຫ້​ແກ່ Olympic 2016.

ຕິດຕາມນານາສາລະ ກົດໄລຄ໌ເລີຍ!