ວັນທີ 1 ສິງຫາຜ່ານມານີ້ ທີ່ຫ້ອງປະຊຸມ ສຳນັກງານປົກຄອງນະຄອນຫຼວງວຽງຈັນ ໄດ້ຈັດກອງປະຊຸມ ຄະນະປະຈຳສະພາປະຊາຊົນ ນະຄອນຫຼວງວຽງຈັນ ຊຸດທີ I ປະຈຳເດືອນກໍລະກົດ 2016 ຂຶ້ນ ໂດຍພາຍໃຕ້ການເປັນ ປະທານຂອງ ທ່ານ ອານຸພາບ ຕຸນາລົມ ກຳມະການສູນກາງພັກ ປະທານຄະນະປະຈຳສະພາປະຊາຊົນ ນະຄອນຫຼວງວຽງຈັນ, ມີບັນດາທ່ານຮອງປະທານ ແລະ ບັນດາທ່ານກຳມະການຄະນະປະຈຳ, ຄະນະເລຂາທິການ ສະພາປະຊາຊົນ ນະຄອນຫຼວງວຽງຈັນ ເຂົ້າຮ່ວມຢ່າງພ້ອມພຽງ.
ກອງປະຊຸມປະຈຳເດືອນກໍລະກົດນີ້ ແມ່ນໄດ້ສຸມໃສ່ພິຈາລະນາ ແຜນການມອບການຍ້ອງຍໍ ແກ່ຜູ້ມີຜົນງານດີເດັ່ນ ໃນບັ້ນການເລືອກຕັ້ງ ສະມາຊິກສະພາແຫ່ງຊາດ ຊຸດທີ VIII ແລະ ສະພາປະຊາຊົນ ນະຄອນຫຼວງວຽງຈັນ ຊຸດທີ I ການສັບຊ້ອນພະນັກງານ ເຂົ້າໃນແຕ່ລະຂະແໜງຊ່ວຍວຽກ, ພິຈາລະນາ ແລະ ຮັບຮອງ ເອົາແຜນການເຄື່ອນໄຫວ ປະຈຳເດືອນສິງຫາ 2016 ແລະ ພິຈາລະນາແຜນງານງົບປະມານ ປະຈຳສົກປີ 2017 ຂອງສະພາປະຊາຊົນ ນະຄອນຫຼວງວຽງຈັນ ນອກຈາກນັ້ນ, ກໍ່ໄດ້ພິຈາລະນາ ແລະ ຮັບຮອງເອົາ ການປັບປຸງຮ່າງຂໍ້ຕົກລົງຂອງ ເຈົ້າຄອງ ນະຄອນຫຼວງວຽງຈັນ ວ່າດ້ວຍ ການຄຸ້ມຄອງ ແລະ ພັດທະນາເຂດແຄມຂອງ ບໍລິເວນຫາດດອນຈັນ ແລະ ບັນຫາສຳຄັນຈຳນວນໜຶ່ງຕື່ມອີກ.
ແຫລ່ງຂ່າວ:
ຕິດຕາມນານາສາລະ ກົດໄລຄ໌ເລີຍ!