spot_img
Homeຂ່າວທ້ອງຖິ່ນສະຫວັນນະເຂດເລັ່ງຟື້ນຟູ ລະບົບຕາຂ່າຍໄຟຟ້າ ທີ່ໄດ້ຮັບຜົນກະທົບຈາກພາຍຸທຳລາຍ!

ສະຫວັນນະເຂດເລັ່ງຟື້ນຟູ ລະບົບຕາຂ່າຍໄຟຟ້າ ທີ່ໄດ້ຮັບຜົນກະທົບຈາກພາຍຸທຳລາຍ!

Published on

ປັດຈຸບັນ  ບໍລິສັດ ວັດທະນາການໄຟຟ້າ ໄດ້ເລັ່ງດໍາເນີນການຟື້ນຟູ ແລະ ປົວແປງລະບົບຕາຂ່າຍໄຟຟ້າ 22 ກິໂລໂວນ ແຕ່ສະຖານີໜອງເດີ່ນ ຫາທາງເລກ 9 ທີ່ໄດ້ຮັບຜົນກະທົບ  ຈາກພາຍຸພັດຜ່ານໃນວັນທີ 18 ກໍລະກົດ 2016 ນີ້, ອັນໄດ້ເຮັດໃຫ້ລະບົບຕາຂ່າຍໄຟຟ້າດັ່ງກ່າວ ເປ່ເພເສຍຫາຍໜັກ. ສົ່ງຜົນໃຫ້ການສະໜອງໄຟຟ້າ ເຂົ້າເຂດເສດຖະກິດພິເສດສະຫວັນ-ເຊໂນ ໄດ້ຮັບຜົນກະທົບໜັກ.

ແຫລ່ງຂ່າວທ້ອງຖິ່ນໃຫ້ຮູ້ວ່າ: ຈາກການສໍາຫລວດຜົນເສຍຫາຍ ຂອງລະບົບຕາຂ່າຍໄຟຟ້າດັ່ງກ່າວ ແມ່ນຕ້ອງໄດ້ກໍ່ສ້າງຄືນໃໝ່ທັງລະບົບ ນັ້ນແຕ່ສະຖານີໄຟຟ້າໜອງເດີ່ນ ຫາທາງເລກ 9 ໂດຍມີເສົາໄຟຫັກທັງໝົດ ຈໍານວນ 50 ຕົ້ນ ທີ່ຕ້ອງໄດ້ມີການປ່ຽນຖ່າຍ, ໂດຍຈະມີຜົນເສຍຫາຍຫລາຍກວ່າ 3 ຕື້ກີບ ແລະ ນອກຈາກລະບົບຕາຂ່າຍໄຟຟ້າ 22 ກິໂລໂວນດັ່ງກ່າວ ໄດ້ຮັບຜົນເສຍຫາຍໜັກແລ້ວ ກໍຍັງມີລະບົບສາຍສົ່ງໄຟຟ້າ ແຕ່ຫລັກກິໂລແມັດທີ 7 ຫາກິໂລແມັດທີ 10 ໄດ້ຮັບຜົນເສຍຫາຍເຊັ່ນກັນ, ເຊິ່ງມີເສົາໄຟຫັກຈໍານວນ 20 ກວ່າຕົ້ນ ແລະ ເສົາໄຟເຍືອງທາງຈໍານວນໜຶ່ງ, ພ້ອມເຮືອນປະຊາຊົນ ແລະ ອາຄານຂອງ ບໍລິສັດ ສະຫວັນເວກັດ ຈໍານວນໜຶ່ງ ໄດ້ຮັບຄວາມເສຍຫາຍເຊັ່ນກັນ.

 

ແຫລ່ງຂ່າວ:

ລພນ

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ຄົ້ນພົບພຣະພຸດທະຮູບ ໃນລະຫວ່າງການປະຕິບັດ ງານເກັບກູ້ລະເບີດບໍ່ທັນແຕກ ຢູ່ບ້ານສ້າງປຸ່ງບອນ, ເມືອງຍົມມະລາດ, ແຂວງຄຳມ່ວນ

ອາທິດທີ່ຜ່ານມາ, ໃນລະຫວ່າງການປະຕິບັດງານເກັບກູ້ລະເບີດບໍ່ທັນແຕກ (UXO) ຂອງພຣະນັກງານພາກສະໜາມອົງການ MAG ຢູ່ທີ່ບ້ານສ້າງປຸ່ງບອນ ເມືອງຍົມມະລາດ ແຂວງຄຳມ່ວນ, ທີມງານໄດ້ພົບເຫັນ ‘ພຣະພຸດທະຮູບ’ ທີ່ຖືກຝັງຢູ່ໃຕ້ດິນໃນພື້ນທີ່ໄຮ່ນາ! ພຣະພຸດທະຮູບອົງນີ້ມີຂະໜາດປະມານ 5x9 ຊັງຕີແມັດ ແລະ...

ຕາມຫາແມ່ບ້ານຊາວລາວ ເພາະຕົກເປັນຜູ້ຕ້ອງສົງໃສ ໃນເຫດຄາຕະກຳ ອະດີດຄູຄົນໄທ ອາຍຸ 79 ປີ, ເຊິ່ງປັດຈຸບັນ ແມ່ບ້ານຄົນດັ່ງກ່າວໄດ້ຫາຍໂຕໄປຫຼັງເກີດເຫດ

ສຳນັກຂ່າວປະເທດໄທ ລາຍງານໃນວັນທີ 21 ມັງກອນ 2026 ເກີດເຫດການຄາຕະກຳສຸດສະເທືອນຂວັນ ອະດີດຄູຄົນໄທ ອາຍຸ 79 ປີ ນອນເສຍຊີວິດຄາບ້ານພັກ ໃນເຂດບຶງກຸ່ມ ກຸງເທບມະຫານະຄອນ ປະເທດໄທ...

ຄ່າເຊົ່າໃນບຸນພຣະທາດສີໂຄດຕະບອງ ໂຊນສະໄລ້ເດີ ລາຄາ 45,000,000 ກີບ, ໂຊນຮ້ານຂາຍເຄື່ອງທົ່ວໄປ ລາຄາ 500,000 ກີບ/ແມັດ, ໂຊນວົງດົນຕີ ລາຄາ 60,000,000 ກີບ/ວົງ

ອີງຕາມແຈ້ງການຂອງເມືອງທ່າແຂກ ແຂວງຄໍາມ່ວນ ເລກທີ 05/ຈມ.ທຂ ລົງວັນທີ 19 ມັງກອນ 2026 ເລື່ອງ: ແຈ້ງການກໍານົດລາຄາ ແລະ ໂຊນຂາຍເຄື່ອງຢູ່ງານບຸນພຣະທາດສີໂຄດຕະບອງ ປະຈໍາປີ 2026. ເມືອງທ່າແຂກ ຂໍຖືເປັນກຽດແຈ້ງການ...

ໄຂຂຶ້ນຢ່າງເປັນທາງການ ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ໃນລະຫວ່າງວັນທີ 20-25 ມັງກອນ 2026

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIV ຂອງພັກກອມມູນິດຫວຽດນາມ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 20 ມັງກອນ 2026 ຢູ່ຫໍປະຊຸມແຫ່ງຊາດ ນະຄອນ ຫລວງຮ່າໂນ້ຍ ແລະ ຈະດໍາເນີນໄປຈົນຮອດ ວັນທີ...