spot_img
Homeຊີວິດແລະຄວາມຮັກຫຶງໂຫດ! ຂ້າແຟນສາວຕາຍຄາມື

ຫຶງໂຫດ! ຂ້າແຟນສາວຕາຍຄາມື

Published on

ໃນຊ່ວງໄລຍະຕົ້ນເດືອນມິຖຸນາ 2016 ໄດ້ມີເຫດການເສົ້າເກີດຂຶ້ນຢູ່ບ້ານນາເມືອງ, ເມືອງ ຊໍາເໜືອ, ແຂວງຫົວພັນ ຄືມີປະຊາຊົນໄປພົບເຫັນສົບຂອງຍິງສາວຄົນໜຶ່ງຢູ່ປ່າໃກ້ເຂດບ້ານດັ່ງກ່າວ ຈຶ່ງໄດ້ແຈ້ງເຈົ້າໜ້າທີ່ລົງກວດສອບຈຸດເກີດເຫດ ແລະ ຮູ້ວ່າຜູ້ຕາຍຊື່ນາງ ຕຸກຕາ ອາຍຸ 20 ປີຢູ່ບ້ານນາເມືອງ, ສະພາບສົບແມ່ນມີຮ່ອງຮອຍຊໍ້າບໍລິເວນຄໍ ແລະ ຢູ່ໃນປາກມີເສດໃບໄມ້, ຊຶ່ງເປັນຫລັກຖານສໍາຄັນທີ່ພາໃຫ້ເຈົ້າໜ້າທີ່ຢືນຢັນວ່າສົບຍິງຄົນນີ້ຖືກຄາດຕະກໍາ ຈຶ່ງໄດ້ເລັ່ງດໍາເນີນການສືບ ສວນ-ສອບສວນ ເພື່ອຕິດຕາມຫາຄົນຮ້າຍມາດໍາເນີນຄະດີ ແລະ ໃນທີ່ສຸດກໍສາມາດຈັບຕົວຄາດຕະ ກອນທີ່ລົງມືກໍເຫດດັ່ງກ່າວໄດ້ໃນທ້າຍເດືອນດຽວກັນ ຊື່ທ້າວ ຂັນຕະນາ ອາຍຸ 21 ປີຢູ່ບ້ານດຽວກັນ ແລະ ເປັນຄົນຮັກຂອງຜູ້ຕາຍ.

ຄະດີມີຢູ່ວ່າ: ທ້າວ ຂັນຕະນາ ແລະ ນາງ ຕຸກຕາ ແມ່ນເລີ່ມມັກຮັກກັນແຕ່ປີ 2014 ເປັນຕົ້ນມາ ແລະ ພາຍຫລັງພໍ່ແມ່ຂອງນາງຕຸກຕາຮູ້ວ່າທັງສອງໄດ້ພົວພັນກັນແບບຊູ້ສາວ ຈຶ່ງໄດ້ຫ້າມ ແລະ ກ່າວເຕືອນຍ້ອນວ່າທັງສອງຍັງເປັນນັກຮຽນຢູ່, ຈົນມາຮອດວັນທີ 11 ມິຖຸນາຜ່ານມານີ້, ນາງຕຸກຕາ ໄດ້ໂທລະສັບຫາທ້າວ ຂັນຕະນາ ເພື່ອນັດພົບກັນທີ່ແຄມຫ້ວຍຊຶ່ງຢູ່ຫ່າງຈາກບ້ານປະມານໜຶ່ງກິໂລ ແມັດ ແລະ ໃນການພົບກັນຄັ້ງນີ້ນາງ ຕຸກຕາ ໄດ້ບອກເລີກການພົວພັນກັບທ້າວ ຂັນຕະນາ ຈຶ່ງເກີດຄວາມໂມໂຫແລ້ວເອົາມືບີບຄໍ ແລະ ໃຊ້ກໍາປັ້ນຕີທ້ອງນາງ ຕຸກຕາ ຢ່າງແຮງຈົນລົ້ມລົງ, ຫລັງຈາກນັ້ນໄດ້ເອົາມືອັດປາກນາງ ຕຸກຕາ ຈົນເສຍຊີວິດ ແລະ ໄດ້ອູ້ມເອົາສົບເຂົ້າໄປຖີ້ມໃນປ່າຫ່າງຈາກຈຸດເກີດເຫດປະມານ 30 ແມັດ, ພ້ອມທັງເອົາໃບໄມ້ມາຢໍ້າຈົນແລກແລ້ວຢັດໃສ່ປາກຂອງຜູ້ຕາຍເຮັດຄືວ່າເປັນການຂ້າຕົວຕາຍເພື່ອອໍາພາງຄະດີ ແລະ ເອົາໂທລະສັບມືຖືຂອງຜູ້ຕາຍໄປເຜົາໄຟຖີ້ມແລ້ວກໍກັບຄືນເມືອເຮືອນ,ຈົນມາຮອດວັນທີ 24 ມິຖຸນາ 2016 ຈຶ່ງຖືກເຈົ້າໜ້າທີ່ຈັບຕົວມາດໍາເນີນຄະດີຕາມລະບຽບກົດໝາຍ.

ທີ່ມາຈາກ: laophatthananewspaper

ບົດຄວາມຫຼ້າສຸດ

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...

ພະນັກງານກວດກາ ສປປ ລາວ 30 ທ່ານ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນ

ພະນັກງານກວດກາ ສປປ ລາວ ເຂົ້າຮ່ວມຝຶກອົບຮົມ ວຽກງານ ສະກັດກັ້ນ ແລະ ຕ້ານການສໍ້ລາດບັງຫຼວງ ຢູ່ ສປ ຈີນໃນລະຫວ່າງວັນທີ 17-25 ຕຸລາ 2025...