spot_img
Homeມຸມຂ່າວ AECການ​ປະມົງ​ອາ​ຊຽນ ພວມ​ວາງ​ມາດ​ຕະການ​ຄຸ້ມ​ຄອງ​ ປາ ​ແລະ ສັດ​ນ້ຳ

ການ​ປະມົງ​ອາ​ຊຽນ ພວມ​ວາງ​ມາດ​ຕະການ​ຄຸ້ມ​ຄອງ​ ປາ ​ແລະ ສັດ​ນ້ຳ

Published on

ກອງ​ປະຊຸມ​ຂະ​ແໜງ​ການ​ປະມົງ​ອາຊຽນຄັ້ງ​ທີ 22, ໄດ້ຈັດ​ຂື້ນ​​ທີ່​ນະຄອນຫລວງ​ກົວລາ​ລຳ​ເປີ

ລະຫວ່າງ​ທ້າຍ​ເດືອນມິຖຸນາ​ຜ່ານ​ມາ, ມີ 10 ປະ​ເທດ​ສະມາຊິກອາຊຽນ​ເຂົ້າ​ຮ່ວມ ແລະ ​ໄດ້​ເປັນ

​ເອກະ​ສັນ​ກັນ​ໃນ​ການວາງ​ມາດ​ຕະການ​ຄຸ້ມ​ຄອງ​ປາ ​ແລະ ສັດ​ນ້ຳ​ຢູ່​ໃນ​ແຕ່ລະ​ປະ​ເທດ​ໃຫ້​ມີ​

ຄວາມ​ຍືນ​ຍົງ​ເພື​່ອຮັບປະກັນ​ໃຫ້​ແກ່​ການ​ຜະລິດ​ສະບຽງ​ອາຫານ​ຢ່າງ​ພຽງພໍ.

 

ຜູ້​ແທນ​ຝ່າຍ​ລາ​ວ​​ນຳ​ໂດຍ​ທ່ານ ບຸນ​ທອງ ຊາ​ພັກດີ ຮອງ​ຫົວໜ້າ​ກົມ​ລ້ຽງສັດ ​ແລະ ການ​ປະມົງ

​ໄດ້​ຮ່ວມກັບ​ຄະນະ​ຜູ້​ແທນ​​ຈາກ​ 10 ປະ​ເທດ​ອາ​ຊຽນ, ໄດ້​ມີ​ການ​ປຶກສາ​ຫາລື​ວຽກ​ງານ​​ການ​ປະມົງ,

ພ້ອມ​ສະຫລຸບ​ຕີ​ລາຄາ​ຜົນ​ການຈັດ​ຕັ້ງ​ປະຕິບັດ​ວຽກ​ງານ​ໃນ​ປີຜ່ານມາ ​ແລະ ວາງ​ແຜນການ​ໃນ

​ປີ​ຕໍ່ໜ້າ, ກ່ຽວ​ກັບ​ວຽກ​ງານ​ທີ່​ພົວພັນ​ກັບ​ການ​ປະມົງ​ໃນ​ຂົງ​ເຂດ​ອາ​ຊຽນ ແລະ ໄດ້ ເປັນ​ເອກະສັນ

​ຕໍ່​ບັນຫາ​ສຳຄັນ​ທີ່​ຍົກ​ຂຶ້ນ​ມາ ເພື່ອວາງ​ມາດ​ຕະການ​ດຳ​ເນີນ​ການຈັດ​ຕັ້ງ​ປະຕິບັດ​ໃນ​ຂັ້ນ​ຕໍ່​ໄປ

​ເປັນ​ຕົ້ນບັນຫາ​ສາກົນ​ກ່ຽວ​ກັບ​ການ​ປະມົງ, ກອງ​ປະຊຸມ ຮຽກຮ້ອງ​ໃຫ້​ບັນດາ​ປະ​ເທດ​ສະມາຊິກ

​ຮ່ວມ​ກັນ​ສະ​ແດງ​ຄວາມ​ຄິດ​​ເຫັນ​ໃນ​ແນວທາງ​ດຽວ​ກັນ;​ ຮຽກຮ້ອງ​ໃຫ້​ມີ​ການ​ຄຸ້ມ​ຄອງ​ການ​ປະມົງ

​ໃນ​ແຫ​ລ່ງນ້ຳ ແລະ ຕິດຕາມລາຍ​ງານ​ໃຫ້​ເປັນ​ປົກະຕິເພື່ອ​ເຮັດ​ໃຫ້​ປາ ແລະ ສັດ​ນ້ຳ​ຢູ່​ໃນ​ພື້ນ​ທີ່​ດັ່ງ

ກ່າວ​ມີ​ການ​ຂະຫຍາຍຕົວ​ເພີ່ມ​ຂື້ນ ແລະ ​ໃຫ້​ຍືນ​ຍົງ. ກອງ​ປະຊຸມ​ຍັງ​ໄດ້​​ເປັນ​ເອກະ​ພາບໃນການ

ສົ່ງເສີມ ໃຫ້ມີ​ການ​ປຸງ​ແຕ່ງຜະລິດ​ຕະພັນ​ປາ ​ແລະ ກໍ​ໄດ້​ສຳ​ເລັດ​ປຶ້ມ​ຄູ່​ມື​ການ​ປຸງ​ແຕ່ງ​ຜະລິດ​ຕະ

ພັນ​ປານ້ຳ​ຈືດ​ເພື່ອ​ເພີ່ມ​ມູນ​ຄ່າພ້ອມ​ກັນ​ນັ້ນ ກໍ​ໄດ້​ສຳ​ເລັດ​ການ​ສ້າງ​ຄູ່​ມື​ກ່ຽວ​ກັບ​ມາດຕະຖານ​

ການ​ນຳ​ໃຊ້​ສານ​ເຄມີ​ໃນ​ການ​ລ້ຽງ​ປາ​ຂອງ​ອາ​ຊຽນນຳອີກ.

 

ທີ່ມາ: http://laophatthananews.blogspot.com/2014/07/blog-post_3453.html

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...