ສຳນັກຂ່າວຕ່າງປະເທດ ລາຍງານໃນວັນທີ 3 ສິງຫານີ້ວ່າ ທ່ານ ໂດນັນ ທຣັບ ຜູ້ສະໝັກຕົວແທນພັກຣີພາບລິກັນ ຊິງຕຳແໜ່ງປະທານາທິບໍດີ ສະຫະລັດອາເມຣິກາ ໄດ້ອອກມາກ່າວໃນວັນທີ 1 ສິງຫາຜ່ານມານີ້ ທີ່ເວທີຫາສຽງ ໃນເມືອງໂກລຳບັສ ລັດໂອໄຮໂອ ຊຶ່ງທ່ານໄດ້ລະບຸວ່າ ມີຄວາມກັງວົນກ່ຽວກັບການເລືອກຕັ້ງຄັ້ງນີ້ ອາດບໍ່ເປັນທຳ ແລະ ອາດມີການໂກງການເລືອກຕັ້ງເກີດຂຶ້ນ. ແນວໃດກໍຕາມ ທ່ານ ທຣັບ ບໍ່ໄດ້ສະແດງຫລັກຖານໃດໆ ເພື່ອມາສະໜັບສະໜູນຂໍ້ສັນນິຖານຂອງຕົນ, ແຕ່ທ່ານໄດ້ຮຽກຮ້ອງໃຫ້ປະຊາຊົນ ແລະ ສື່ມວນຊົນອາເມຣິກາ ເປັນຫູເປັນຕາຊ່ວຍກັນ ເພື່ອເຝົ້າລະວັງ ແລະ ກວດກາການເລືອກຕັ້ງ ຊຶ່ງຈະມີຂຶ້ນໃນວັນທີ 8 ພະຈິກ ທີ່ຈະມາເຖິງນີ້.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!