ສຳນັກຂ່າວຕ່າງປະເທດ ລາຍງານໃນວັນທີ 1 ສິງຫາຜ່ານມານີ້ວ່າ ທ່ານ ເຣເຊບ ເຕຢິບ ເອີໂດກັນ ປະທານາທິບໍດີຕວກກີ ກຽມສະເໜີແຜນແກ້ໄຂລັດຖະທຳມະນູນ ໂດຍການໃຫ້ໜ່ວຍງານສືບຂ່າວແຫ່ງຊາດ ແລະ ເສນາທິການແຕ່ລະຝ່າຍຂອງກອງທັບ ທັງທັບປົກ, ທັບເຮືອ ແລະ ທັບອາກາດ ຂຶ້ນຕໍ່ໂດຍກົງກັບປະທານາທິບໍດີ ແລະ ລາຍງານໂດຍກົງໄປຍັງ ລັດຖະມົນຕີກະຊວງປ້ອງກັນປະເທດ, ພ້ອມກັນນັ້ນ ໂຮງຮຽນການທະຫານທຸກແຫ່ງ ຈະຖືກຍົກເລີກ ແລ້ວຈັດຕັ້ງເປັນວິທະຍາໄລການທະຫານແຫ່ງຊາດ ຂຶ້ນແທນ.

ນອກຈາກນີ້, ຜູ້ນຳຕວກກີ ຍັງມີແຜນການຂະຫຍາຍເວລາ ສະຖານະການສຸກເສີນພາຍໃນປະເທດ ຈາກທີ່ກຳນົດໄວ້ 3 ເດືອນ ອອກໄປອີກ ຊຶ່ງເປັນຄວາມພະຍາຍາມຂອງຜູ້ນຳຕວກກີ ໃນການປະຄັບປະຄອງອຳນາດລັດ ພາຍຫລັງຖືກກອງທັບຂອງຕົນ ເຮັດລັດຖະປະຫານໂຄ່ນລົ້ມອຳນາດ ແຕ່ບໍ່ສຳເລັດ.

ຕິດຕາມນານາສາລະ ກົດໄລຄ໌ເລີຍ!