ສຳນັກຂ່າວຕ່າງປະເທດ ລາຍງານໃນວັນທີ 2 ສິງຫານີ້ວ່າ ລັດເທັກຊັສ ປະເທດສະຫະລັດອາເມຣິກາ ໄດ້ຜ່ານກົດໝາຍ ອະນຸຍາດໃຫ້ນັກສຶກສາມະຫາວິທະຍາໄລ ທີ່ມີອາຍຸແຕ່ 21 ປີຂຶ້ນໄປ ສາມາດຖືອາວຸດປືນ ເຂົ້າໄປໃນຫ້ອງຮຽນໄດ້ ແຕ່ຈະຕ້ອງຢູ່ໃນລັກສະນະປົກປິດ ແລະ ເປັນປືນສັ້ນເທົ່ານັ້ນ.  ກົດໝາຍສະບັບດັ່ງກ່າວນີ້ ໄດ້ເຮັດໃຫ້ລັດເທັກຊັສ ກາຍເປັນລັດທີ 8 ຂອງສະຫະລັດອາເມຣິກາ ທີ່ອະນຸຍາດໃຫ້ນັກສຶກສາ ຖືອາວຸດປືນເຂົ້າໄປໃນອາຄານໂຮງຮຽນ ໂດຍຍົກເວັ້ນສະໜາມກິລາ ແລະ ຫ້ອງທົດລອງວິທະຍາສາດ ຊຶ່ງກຸ່ມຜູ້ສະໜັບສະໜູນ ໄດ້ຢືນຢັນວ່າ ການຖືອາວຸດປືນເຂົ້າໄປມະຫາວິທະຍາໄລ ເປັນສິດທິໃນການປ້ອງກັນຕົນເອງ ເພື່ອຫລຸດຄວາມສ່ຽງ ຈາກການຖືກໂຈມຕີກວາດຍິງ ທີ່ມັກເກີດຂຶ້ນຢູ່ໃນມະຫາວິທະຍາໄລ.

ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!