spot_img
Homeຍ້ອງຍໍຄົນດີເດັ່ນດຣ ທອງຄຳ ອ່ອນມະນີສອນ ກະວີຄົມເຂັ້ມ

ດຣ ທອງຄຳ ອ່ອນມະນີສອນ ກະວີຄົມເຂັ້ມ

Published on

image001
ຖ້າ​ທ່ານ​ເປັນ​ຂາ​ປະ­ຈຳ​ຄໍ​ລຳ​ສ້າງ­ສັນ​ຈະ​ເຫັນ​ໄດ້​ວ່າ: ຜູ້​ຂຽນ​ເຄີຍ​ຂຽນ​ເຖິງ ດຣ. ທອງ­ຄຳ ອ່ອນ​ມະ­ນີ​ສອນ ໃນ​ຖາ­ນະ​ນັກ​ປະ­ພັນŒນັກ​ກະ­ວີ ເປັນ​ຈຳ­ນວນ​ສອງ​ບົດ​ແລ້ວ ແຕ່​ເປັນ​ຫຍັງ​ຈິ່ງ​ຢາກ​ຂຽນ​ເພີ່ມ​ອີກ? ຄຳ​ຕອບ​ກໍ​ມີ​ຢູ່​ວ່າ​ຜົນ­ງານ​ທາງ​ກະ­ວີ ແລະ ການ​ປະ­ພັນ​ຂອງ​ເພິ່ນ​ເປັນ​ທີ່​ນິ­ຍົມ ແລະ ໄດ້​ຮັບ​ການ​ຍອມ­ຮັບ​ຈາກ​ສັງ­ຄົມ​ຢ່າງ​ກວ້າງ­ຂວາງ​ທັງ​ໃນ ແລະ ຕ່າງ­ປະ­ເທດ ແລະ ຜົນ­ງານ​ເຫຼົ່າ­ນັ້ນ​ກໍ​ມີ​ຄຸນ­ຄ່າ​ສູງ​ຕໍ່​ວົງ​ການ​ປະ­ພັນ​ລາວ​ທີ່​ນັກ​ຂຽນ ​ນັກ​ກະ­ວີ​ຮຸ່ນ​ໃໝ່​ກໍ​ເອົາ​ເປັນ​ແບບ­ຢ່າງ​ໃນ​ການ​ຂີດ​ຂຽນ​ແຕ່​ຕ້ອງ​ບອກ​ ວ່າ​ມີ​ໜ້ອຍ​ຄົນ​ທີ່​ເຮັດ​ໄດ້​ຄື​ເພິ່ນ ເພາະ​ເລື່ອງ​ຄວາມ​ມັກ​ຮັກ ແລະ ພອນ​ສະ­ຫວັນ​ທີ່​ຕິດ​ຕົວ​ມາ​ແຕ່​ເກີດ​ນັ້ນ​ເປັນ​ສິ່ງ​ທີ່​ບໍ່​ສາ­ມາດ​ ແຂ່ງ­ຂັນ​ກັນ​ໄດ້.

ດຣ. ທອງ­ຄຳ ອ່ອນ​ມະ­ນີ​ສອນ ມີ​ຖິ່ນ​ກຳ­ເນີດ​ທີ່​ບ້ານ​ອຸ​ທຸມ ເມືອງ​ອຸ​ທຸມ ໃນ​ອະ­ດີດ​ເປັນ​ດິນ­ແດນ​ທີ່​ມີ​ນັກ­ປາດ​ຊາວ­ບ້ານ ແລະ ນັກ​ຕໍ່­ສູ້​ເພື່ອ​ບ້ານ​ເມືອງ​ເຊັ່ນ: ເຈົ້າ­ເມືອງ​ອຸ​ທຸມ​ທີ່​ເປັນ​ທີ່​ຮູ້­ຈັກ​ໃນ​ວີ­ລະ​ກຳ​ຕໍ່­ສູ້​ຕ້ານ​ຝຣັ່ງ​ ປີ 1893 ແລະ ໃນ​ໜ້າ​ປະ­ຫວັດ­ສາດ​ລາວ​ກໍ​ມີ​ການ​ບັນ­ທຶກ​ໄວ້, ເວົ້າ​ກັນ​ວ່າ​ຖ້າ​ໃຜ​ໄດ້​ເກີດ​ຖິ່ນ​ທີ່​ມີ​ນັກ­ປາດ​ຜູ້​ຮູ້​ຍ່ອມ​ເປັນ​ຜູ້​ ໄດ້​ຮັບ​ອິດ​ທິ​ພົນ ແລະ ກິ່ນ​ອາຍ​ຂອງ​ສັງ­ຄົມ​ທີ່​ອາ­ໄສ​ຢູ່​ດັ່ງ​ດຽວ​ກັບ ດຣ. ທອງ­ຄຳ ອ່ອນ​ມະ­ນີ​ສອນ ທີ່​ໄດ້​ຮັບ​ອິດ​ທິ​ພົນ​ຈາກ​ສິ່ງ​ທີ່​ໄດ້​ເວົ້າ​ມາ​ນັ້ນ​ບວກ​ກັບ​ພອນ​ ສະ­ຫວັນ​ທີ່​ຕິດ​ຕົວ​ມາ​ແຕ່​ເກີດ, ຖ້າ​ໃຜ​ຮູ້­ຈັກ​ເພິ່ນ​ຢ່າງ​ໃກ້­ຊິດ ແລະ ເລິກ­ເຊິ່ງ​ຈະ​ເຫັນ​ໄດ້​ເຖິງ​ຄວາມ​ຈື່​ຈຳ​ຂອງ​ເພິ່ນ​ກ່ຽວ​ກັບ​ສິ່ງ​ທີ່​ເກີດ ​ຂຶ້ນ​ກັບ​ອະ­ດີດ ຊຶ່ງ​ເລື່ອງ​ຕ່າງໆ​ເຫຼົ່າ­ນັ້ນ​ມີ​ທັງ​ເປັນ​ເລື່ອງ​ເລົ່າ ແລະ ກາບ­ກອນ​ກະ­ວີ​ທັງໆ​ທີ່​ມັນ​ເກີດ​ຂຶ້ນ​ມາ​ໄດ້​ຍາວ​ນານ​ກວ່າ 50 ປີ​ແລ້ວ ແຕ່​ປາ­ກົດ​ວ່າ​ສ່ວນ​ໃຫຍ່​ແມ່ນ​ເພິ່ນ​ຍັງ​ຈື່​ຈຳ­ເປັນ​ຈຳ­ນວນ​ຫຼວງ­ຫຼາຍ​ ເພິ່ນ​ເຄີຍ​ເລົ່າ​ໃຫ້​ຜູ້​ຂຽນ​ຟັງ​ວ່າ: ເວ­ລາ​ຍັງ​ນ້ອຍ​ເພິ່ນ​ເຄີຍ​ໄປ​ນັ່ງ​ອ້າ​ປາກ​ຕາກ​ແຂ້ວ​ຟັງ​ນັກ­ປາດ​ທິດ​ຈານ​ ອ່ານ ແລະ ເລົ່າ​ວັນ­ນະ­ຄະ­ດີ​ສັງ​ສິນ​ໄຊ​ສູ່​ຟັງ ນອກ­ຈາກ​ນັ້ນ​ກ່ອນ​ນອນ​ຍັງ​ມີ​ພໍ່​ແມ່​ເລົ່າ​ນິ­ທານ​ສູ່​ລູກ​ຫຼານ​ຟັງ​ອີກ ນັ້ນ​ກໍ​ແມ່ນ​ຂະ​ບວນ​ການ​ສຶກ​ສາ​ອົບ­ຮົມ​ເດັກ­ນ້ອຍ​ຂອງ​ປູ່​ຍ່າ​ບັນ­ພະ­ບຸ­ ລຸດ​ລາວ ຊຶ່ງ​ເບິ່ງ​ຄື​ວ່າ​ບັນ­ຍາ­ກາດ​ແບບ​ນັ້ນ​ໃນ​ເວ­ລາ​ນີ້​ຫາ​ໄດ້​ຍາກ.

ເປັນ​ຫຍັງ​ຈິ່ງ​ເວົ້າ​ໄດ້​ວ່າ​ກະ­ວີ​ຂອງ ດຣ. ທອງ­ຄຳ ອ່ອນ​ມະ­ນີ​ສອນ ມີ​ຄົມ​ຄຳ​ຄວາມ​ຄິດ​ແຫຼມ​ຄົມ ແລະ ເຂັ້ມ​ຂຸ້ນ ຄຳ​ຕອບ​ກໍ​ຍ້ອນ​ວ່າ​ມັນ​ໄດ້​ພິ­ສູດ​ໃຫ້​ເຫັນ​ໃນ​ບົດ​ກະ­ວີ​ຜ່ານ​ໜັງ­ສື­ພິມ ແລະ ວາ­ລະ­ສານ ເຖິງ​ແມ່ນ​ວ່າ​ພວກ​ເຮົາ​ຈະ​ປາ­ກົດ​ເຫັນ​ບົດ​ກະ­ວີ​ຂອງ​ເພິ່ນ​ຢ່າງ​ຫຼວງ­ຫຼາຍ ແຕ່​ນັ້ນ​ກໍ​ບໍ່​ໄດ້​ໝາຍ​ຄວາມ​ວ່າ​ມັນ​ຈະ​ມີ​ແຕ່​ປະ­ລິ­ມານ​ທີ່​ເພີ່ມ​ຂຶ້ນ​ ຄຽງ​ຄູ່​ກັນ​ດ້ານ​ເນື້ອ​ໃນ ແລະ ຄວາມ​ຄິດ​ທີ່​ນັກ​ກະ­ວີ​ຢາກ​ສະ­ທ້ອນ​ປາ­ກົດ­ການ​ຂອງ​ສັງ­ຄົມ​ກໍ​ຖື​ໄດ້​ວ່າ​ ບໍ່​ຈືດ­ຈາງ​ບາງ​ຫາຍ​ໄປ​ໃສ​ເຊັ່ນ ຢູ່​ໃນ​ຫຼາຍໆ​ບົດ​ທີ່​ເພິ່ນ​ຂຽນ​ອວຍ­ພອນ​ຜູ້­ນຳ ແລະ ວັນ​ສຳ­ຄັນ​ຕ່າງໆ​ຂອງ​ພັກŒລັດ​ກໍ​ເປັນ​ທີ່​ດຶງ​ດູດ​ຈິດ­ໃຈ​ເຫັນ​ໄດ້​ໃນ​ຄຳ​ ຄົມ​ກະ­ວີ​ທີ່​ເພິ່ນ​ໄດ້​ປະ­ພັນ​ຂຶ້ນ​ພ້ອມ​ທັງ​ຖືກ­ຕ້ອງ​ທັງ​ເນື້ອ​ໃນ ແລະ ຄຳ​ສັບ ຊຶ່ງ​ຕ່າງ​ກັບ​ນັກ​ກະ­ວີ​ບາງ​ຄົນ​ເວ­ລາ​ນີ້​ພໍ​ເຖິງ​ເວ­ລາ​ຂຽນ​ອວຍ­ພອນ​ໃນ​ ໂອ­ກາດ​ຕ່າງໆ​ກໍ​ຍັງ​ໃຊ້​ຄຳ​ສັບ​ຜິດ​ຜ້ຽນ​ຫ້ຽນ​ຫົດ​ເຊັ່ນ​ຄຳ​ວ່າ: ຖວາຍ ຊຶ່ງ​ເປັນ​ຄຳ​ສັບ​ທີ່​ໃຊ້​ກັບ​ພະ­ສົງ​ບາງ​ຄົນ​ກໍ​ນຳ​ມາ​ຂຽນ​ໃຊ້​ກັບ​ຄົນ​ທຳ​ ມະ​ດາ ໂດຍ​ບໍ່​ເຂົ້າ­ໃຈ​ຄວາມ​ໝາຍ​ທີ່­ແທ້​ຈິງ​ເບິ່ງ​ຄື​ວ່າ​ບົດ​ກະ­ວີ​ນັ້ນໆ​ທັງ​ ບໍ່​ມ່ວນ ແລະ ບໍ​ຖືກ​ຄວາມ​ໝາຍ​ນຳ​ອີກ.

ດຣ. ທອງ­ຄຳ ອ່ອນ​ມະ­ນີ​ສອນ ເຄີຍ​ເວົ້າ​ເຖິງ​ການ​ຂີດ​ຂຽນ​ກະ­ວີ​ໄວ້​ວ່າ: ຜູ້​ນັ້ນ​ຕ້ອງ​ເຂົ້າ­ໃຈ ແລະ ມີ​ຄວາມ​ຮູ້​ກ່ຽວ​ກັບ​ວັນ­ນະ­ຄະ­ດີ ແລະ ພາ­ສາ ພ້ອມ​ດຽວ​ກັນ​ກໍ​ຕ້ອງ​ເປັນ​ຜູ້​ມີ​ຄວາມ​ຂະ­ຫຍັນ​ໃນ​ການ​ຝຶກ​ຝົນ​ຄວາມ​ຄິດ ທັງ​ອ່ານ ແລະ ຕີ​ຄວາມ​ໝາຍ​ຂອງ​ພາ­ສາ​ໃນ​ວັນ­ນະ­ຄະ­ດີ​ຂອງ​ຊາດ​ໃຫ້​ໄດ້​ແລ້ວ​ຈິ່ງ​ຫຍ້ຳ​ກືນ ​ກິນ​ໃຫ້​ມັນ​ກາຍ­ເປັນ​ຄື​ເລືອດ​ໃນ​ຮ່າງ­ກາຍ​ຂອງ​ເຮົາ ແລະ ຕ້ອງ​ເປັນ​ຜູ້​ທີ່​ມີ​ຄວາມ​ຮູ້ ແລະ ເຂົ້າ­ໃຈ​ເລື່ອງ​ຂອງ​ທຳ​ມະ​ຊາດ ແລະ ພາ­ສາ​ຂອງ​ສິ­ລະ​ປະ​ດ້ວຍ.

ປະ­ຈຸ​ບັນ​ເຖິງ​ແມ່ນ​ວ່າ ດຣ. ທອງ­ຄຳ ອ່ອນ​ມະ­ນີ​ສອນ ເຂົ້າ​ສູ່​ກະ­ສຽນ​ບຳ­ນານ​ພ້ອມ​ທັງ​ສຸ­ຂະ­ພາບ​ຮ່າງ­ກາຍ​ອາດ​ບໍ່​ແຂງ­ແຮງ ແລະ ສົມ­ບູນ​ເໝືອນ​ໃນ​ອະ­ດີດ ແຕ່​ເພິ່ນ​ກໍ​ຍັງ​ສືບ­ຕໍ່​ຂີດ​ຂຽນ​ກະ­ວີ​ເອົາ​ພາ­ສາ​ເລິກ​ແລບ​ແຫຼມ​ຄົມ​ ສະ­ທ້ອນ​ອອກ​ມາ​ເປັນ​ກະ­ວີ​ໃຫ້​ພວກ​ເຮົາ​ໄດ້​ອ່ານ​ຜ່ານ​ໜ້າ​ໜັງ­ສື­ພິມ​ໄດ້​ ຢ່າງ​ມີ​ລົດ​ຊາດ ແລະ ມີ​ຄຸນ­ຄ່າ​ຄວນ​ແກ່​ສຶກ​ສາ ແລະ ເພິ່ນ​ກໍ​ຍັງ​ສືບ­ຕໍ່​ຖ່າຍ​ທອດ​ຄວາມ​ຮູ້​ໃຫ້​ແກ່​ນັກ­ຮຽນ​ນັກ​ສຶກ​ສາ​ທີ່​ ສົນ­ໃຈ​ໃນ​ການ​ຂີດ​ຂຽນ​ກະ­ວີ​ໄດ້​ຢ່າງ​ສະ­ເໝີ​ຕົ້ນ​ສະ­ເໝີ​ປາຍ ສ່ວນ­ວ່າ​ຜົນ­ງານ​ກະ­ວີ​ຂອງ​ເພິ່ນ​ຈະ​ເລິກ​ແລບ​ແຫຼມ​ຄົມ​ສ່ຳ​ໃດ​ນັ້ນ​ຄົງ​ ຕ້ອງ​ຂຶ້ນ​ຢູ່​ກັບ​ຜູ້​ອ່ານ​ວ່າ​ເປັນ​ຜູ້​ເຂົ້າ­ໃຈ ແລະ ຮູ້​ກ່ຽວ​ກັບ​ກະ­ວີ​ຫຼາຍ​ໜ້ອຍ​ພຽງ​ໃດ​ຄື​ກັນ! ຢາກ​ຮູ້​ວ່າ​ກະ­ວີ​ເພິ່ນ​ຕື້ນ​ເລິກ​ໜາ​ບາງ​ພຽງ​ໃດ​ກໍ​ສາ­ມາດ​ຊອກ​ຫາ​ອ່ານ​ ໄດ້​ນໍ.

ຂອບໃຈບົດຄວາມຈາກ: sedthakid.la

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...