ເຊື່ອວ່າຜູ້ຊາຍຫຼາຍໆຄົນ ຮູ້ໜ້າທີ່ຂອງອະໄວຍະວະເພດຊາຍວ່າເອົາໄວ້ເຮັດຫຍັງ ແຕ່ຄວາມຈິງແລ້ວຄົນຈຳນວນຫຼາຍອາດຍັງບໍ່ຮູ້ລົງເລິກກ່ຽວກັບ ຊ້າງນ້ອຍຂອງຕົນເອງ ໃນຄໍຣຳ (18+) ຄວາມຮັກ ກັບ ເຊັກສ໌ ພວກເຮົາເລີຍຂໍຍົກຫົວຂໍ້ ທີ່ເວົ້າກ່ຽວກັບເລື່ອງທີ່ໜ້າສົນໃຈຂອງຊ້າງນ້ອຍຂອງຜູ້ຊາຍ ມາເວົ້າສູ່ຟັງ ເຊິ່ງຈະມີແນວໃດນັ້ນເຮົາມາອ່ານກັນເລີຍ

ຂະໜາດມາດຕະຖານຂອງອະໄວຍະວະເພດຊາຍ:  ມີຜົນການວິໄຈຈາກ King’s College London ປະເທດອັງກິດ ໄດ້ເຮັດການສຳຫຼວດຜູ້ຊາຍກວ່າ 15,000 ຄົນ ພົບວ່າຂະໜາດມາດຕະຖານຂອງອະໄວຍະວະເພດຊາຍ ໃນເວລາແຂງຕົວເຕັມທີ່ຈະມີຄວາມຍາວ 5.2 ນິ້ວ ແລະ ມີເສັ້ນຮອບວົງປະມານ 4.6 ນິ້ວ ໃນເວລາທີ່ມັນຍັງບໍ່ແຂງຕົວ ຈະມີຄວາມຍາວ 3.6 ນິ້ວ ແລະ ມີເສັ້ນຮອບວົງທີ່ 3.7 ນິ້ວ

ອະໄວຍະວະເພດຊາຍຈະໂດ່ງຢ່າງໜ້ອຍຄືນລະ 3 ຄັ້ງ: ສຳລັບຄົນທີ່ນອນລັບສະນິດຢ່າງເຕັມທີ່ 6-8 ຊົ່ວໂມງຕໍ່ຄືນ ຊ້າງນ້ອຍ ຈະແຂງຕົວໃນເວລານອນລັບ 3-5 ຄັ້ງ ໂດຍຈະໃຊ້ເວລາແຂງດົນເຖິງ 25-35 ນາທີ ນັ້ນແປວ່າອະໄວຍະວະເພດມີສຸຂະພາບດີ

ເສັ້ນສອງສະລຶງ ຄືຈຸດທີ່ໄວຕໍ່ຄວາມຮູ້ສຶກທີ່ສຸດ: ຄືເສັ້ນເອັນຂະໜາດນ້ອຍທີ່ເຊື່ອມຕໍ່ລະຫວ່າງສ່ວນຫົວ ແລະ ໜັງຫຸ້ມປາຍອະໄວຍະວະເພດ ເມື່ອທ່ານຖືກກະຕຸ້ນບໍລິເວນດັ່ງກ່າວ ຈິ່ງເຮັດໃຫ້ຜູ້ຊາຍຮູ້ສຶກສຽວຊ້ານຂຶ້ນມາທັນທີ

ອາກາດໜາວເຢັນເຮັດໃຫ້ຊ້າງນ້ອຍຫົດຕົວໄດ້: ດຣ. ດາຣິອຸສ ພາດັຊ ຈາກ Weill Cornell Medicine ປະເທດສະຫະລັດອາເມລິການ ບອກວ່າ ເມື່ອຜູ້ຊາຍຢູ່ທ່າມກາງອຸນຫະພູມທີ່ໜາວເຢັນ ອະໄວຍະວະເພດຈະຫົດຕົວລົງເຖິງ 50%

ອະໄວຍະວະເພດສາມາດຫັກໄດ້: ເຖິງອະໄວຍະວະເພດຊາຍຈະມີກະດູກຄືແຂນ ແລະ ຂາ ແຕ່ມັນກໍ່ສາມາດຫັກໄດ້ ຫາກທ່ານບັນເລງເພງຮັກຢ່າງໜັກໜ່ວງ ຫຼື ຊ່ວຍຕົວເອງແບບຮຸນແຮງເກີນໄປ ບວກກັບການທີ່ມີເລືອດສູບສີດໄປທີ່ນ້ອງຊາຍຫຼາຍເກີນໄປກໍ່ອາດເຮັດໃຫ້ອະໄວຍະວະເພດຫັກໄດ້

ອະໄວຍະວະເພດຊາຍທີ່ມີໜັງຫຸ້ມປາຍຫຼາຍຈະມີເຊື້ອພະຍາດຫຼາຍກວ່າພວກມີໜັງຫຸ້ມປາຍໜ້ອຍ: ເພາະເຊື້ອແບັດທີເຣຍສ່ວນຫຼາຍຈະຢູ່ທີ່ໜັງຫຸ້ມປາຍ

ທີ່ມາ: http://men.kapook.com/view150541.html