ພະແນກສາທາລະນະສຸກແຂວງຊຽງຂວາງໃຫ້ຮູ້ວ່າ: ພາຍຫຼັງມີ ການລະບາດຂອງເຊື້ອໄວ ຣັສຕັບ A ນັບແຕ່ເດືອນ ທັນວາ 2015 ຜ່ານມາມີຈຳນວນຜູ້ຕິດເຊື້ອສະສົມທັນໝົດ 514 ກໍລະນີ້, ບໍ່ມີຜູ້ເສຍຊີວິດ ແລະ ມາຮອດວັນທີ 30 ກໍລະກົດນີ້ເຫັນວ່າ: ຈຳນວນຜູ້ຕິດເຊື້ອໄດ້ຫຼຸດລົງເຫຼືອພຽງ 12 ກໍລະນີ້ ແລະ ກ້າວສູ່ສະພາບປົກກະຕິແລ້ວ, ທັງນີ້ກໍຍ້ອນຄວາມເອົາໃຈໃສ່ຂອງພາກສ່ວນກ່ຽວຂ້ອງ ແລະ ອຳນາດການປົກຄອງ ທ້ອງຖິ່ນໃນການປ້ອງກັນ ແລະ ສະກັດກັນພະຍາດດັ່ງກ່າວ, ດ້ວຍການເອົາໃຈໃສ່ໂຄລະນາປຸກລະດົມໃຫ້ປະຊາຊົນເອົາໃຈໃສ່ປະຕິບັດຕາມຫຼັກການອະນາໄມສາມສະອາດຢ່າງເຂັ້ມງວດ, ເພາະສາເຫດຂອງການຕິດເຊື້ອພະຍາດດັ່ງແມ່ນມາຈາກຂາດການຮັກສາອະນາໄມ,ໂດຍສະເພາະ ແມ່ນການກິນ-ດື່ມ,ເພາະເຊື້ອໄວຣັດຕັບ A (ເອ) ເປັນເຊື້ອພະຍາດທີ່ຕິດແປດກັນໄດ້ງ່າຍ, ໂດຍຜ່ານການສຳຜັດ ແລະ ການກິນ-ດື່ມ.
ໜ່ວຍເຝົ້າລະວັງພະຍາດກະຊວງສາທາລະນະສຸກແນະນຳວ່າ: ນອກຈາກທຸກຄົນໄດ້ເອົາໃຈໃສ່ປ້ອງກັນການລະບາດຂອງພະຍາດດັ່ງກ່າວແລ້ວນັ້ນ, ກໍໃຫ້ເພີ່ມຄວາມເອົາໃຈໃສ່ປ້ອງກັນພະຍາດຕາມລະດູການຄື: ພະຍາດລະບົບທາງເດີນຫາຍໃຈ, ໄຂ້ຫວັດ, ໄຂ້ອອກຕຸ່ມ, ພະຍາດຖອດທ້ອງ ແລະ ພະ ຍາດອື່ນໆ, ດ້ວຍປະຕິບັດຫຼັກການອະນາໄມ 3 ສະອາດຢ່າງເຂັ້ມງວດ,ເນື່ອງຈາກປັດຈຸບັດສະ ພາບອາກາດເລີ່ມມີການປ່ຽນແປງ, ອາດຈະເປັນເງື່ອນໄຂກໍ່ໃຫ້ເກີດພະຍາດລະບາດໄດ້ງ່າຍ, ດັ່ງນັ້ນຍິ່ງຈະຕ້ອງເພີ່ມທະວີເຝົ້າລະວັງ ແລະ. ສະກັດກັ້ນໃຫ້ມີປະສິດທິຜົນ.
ທີ່ມາຂອງຂ່າວ 