ເວລາປະມານ 16:30 ນາທີ ທີ່ເຂດໜອງຈອກ ນະຄອນຫຼວງບາງກອກ ປະເທດໄທ ໄດ້ເກີດເຫດ ເຮືອບິນໂດຍສານເຊົ່າເໝົາລຳ ໄດ້ປະສົບອຸບັດເຫດຕົກລົງໃສ່ຄອງນ້ຳ ເຮັດໃຫ້ມີຜູ້ເສຍຊີວິດທັນທີ 1 ຄົນເປັນນັກບິນທີສອງ, ມີຜູ້ບາດເຈັບອີກຈຳນວນ 3 ຄົນ ແລະປະຊາຊົນຢູ່ພື້ນດິນໄດ້ຮັບບາດເຈັບໄປນຳ 2 ຄົນ ກ່ອນທີ່ປະຊາຊົນ ແລະໜ່ວຍກຸ້ໄພໄດ້ພ້ອມກັນໃຫ້ການຊ່ວຍເຫຼືອ ເອົາຜູ້ບາດເຈັບແລະເສຍຊີວິດອອກຈາກຍົນ ສົ່ງໂຮງໝໍໂດຍດ່ວນ.
ເຮືອບິນໂດຍສານຂະໜາດນ້ອຍ (ເຊົ່າເໝົາລຳ) ລຳດັ່ງກ່າວນີ້ ໄດ້ອອກເດິນທາງຈາກສະໜາມບິນນານາຊາດ ສຸວັນນະພູມ ມຸ່ງໜ້າໄປຍັງຈັງຫວັດນະຄອນລາຊະສີມາໃນຕອນເຊົ້າ ແລະຕອນຊ່າຍເຮືອບິນລຳດັ່ງກ່າວ ກໍໄດ້ອອກເດິນທາງກັບຈາກ ຈັງຫວັດນະຄອນລາຊະສີມາ ໄປຍັງສະໜາມບິນສຸວັນນະພູມ ແຕ່ເກີດເຫດຂັດຂ້ອງ ແລະໄດ້ຕົກລົງໃສ່ຄອງນ້ຳຄືດັ່ງກ່າວ ເຮັດໃຫ້ມີຜູ້ເສຍຊີວິດແລະບາດເຈັບຄືດັ່ງກ່າວ ພ້ອມທັງສະພາບຂອງລຳເຮືອບິນກໍເສຍຫາຍຢ່າງໜັກ.
ຕິດຕາມນານາສາລະ ກົດໄລຄ໌ເລີຍ!