ຄວາມງາມວັນນີ້ ເຮົາຈະມານຳສະເໜີກ່ຽວກັບເຄັດລັບການກຳຈັດຂີ້ແມງວັນ, ຂີ້ກະຕອດ ແລະ ຕາປາ ມາຝາກກັນ ເຊິ່ງສິ່ງເຫຼົ່ານີ້ແນ່ນອນວ່າມັນໄດ້ສ້າງຄວາມລຳບາກໃຈໃຫ້ກັບຄົນທີ່ມີ ໂດຍສະເພາະຖ້າຕຸ່ມພວກນີ້ໄປເກີດຢູ່ບ່ອນທີ່ບໍ່ຕ້ອງການໃຫ້ມີເຊັ່ນ: ບໍລິເວນໃບໜ້າ ເປັນຕົ້ນ. ແລະ ຈະມີຂັ້ນຕອນວິທີການເຮັດນັ້ນຈະມີແນວໃດແນ່ເຮົາມາອ່ານກັນເລີຍ
ວັດຖຸທີ່ຕ້ອງກຽມ
1. ປູນແດງ
2. ຜົງດ່າງ, ສະບູຊັນໄລຕ໌, ສະບູທຳມະດາ
3. ໄມ້ຈິ້ມແຂ້ວ
ວິທີກຳຈັດ
1. ນຳເອົາປູນແດງມາປະສົມກັບຜົງດ່າງ ຫລື ສະບູໃນອັດຕາສ່ວນທີ່ເທົ່າກັນ
2. ຕື່ມນໍ້າລົງໄປໜ້ອຍໜຶ່ງພໍໃຫ້ເປັນເນື້ອຄຣີມຂຸ້ນໆ
3. ນຳໄມ້ຈິ້ມແຂ້ວໄປຈຸ່ມໃນປູນແດງທີ່ປະສົມໄວ້ໃຫ້ໄດ້ເປັນກ້ອນນ້ອຍໆ ຫລື ຂະໜາດເທົ່າກັບເມັດຂີ້ແມງວັນ
4. ນຳໄມ້ຈິ້ມແຂ້ວໄປແປະບໍລິເວນຂີ້ແມງວັນ ແລະ ລໍຖ້າຈົນກວ່າຈະແຫ້ງ
5. ເມື່ອແຫ້ງແລ້ວໃຫ້ລ້າງໜ້າດ້ວຍນໍ້າສະອາດ ຫລື ເຊັດອອກດ້ວຍຜ້າສະອາດຄ່ອຍໆ ຈະສັງເກດເຫັນວ່າຂີ້ແມງວັນຫຼຸດອອກໄປຈາກໃບໜ້າ ແຕ່ຖ້າຍັງບໍ່ຫຼຸດອາດຕ້ອງເຮັດຊໍ້າອີກໜຶ່ງຮອບ ແລະ ລໍຖ້າປະມານ 1 ອາທິດຂີ້ແມງວັນຈະຕົກສະເກັດ ແລະ ຫຼຸດອອກເອງ ຫ້າມແກະ ຫລື ເກົາ