ກ່ອນອື່ນໝົດກະຂໍບອກເພື່ອນຜູ້ອ່ານກ່່ອນວ່າ ນີ້ເປັນພຽງຄວາມເຊື່ອສ່ວນບຸກຄົນເທົ່ານັ້ນ ແຕ່ການເຮັດໃຫ້ເຮືອນເຮົາດູດີ ມີລາສີນັ້ນ ແນ່ນອນວ່າສິ່ງດີງາມຈະເກີດຂຶ້ນກັບເຈົ້າຂອງເຮືອນຢ່າງແນ່ນອນ.
ຄົງບໍ່ມີໃຜຢາກທຸກຢາກຍາກ ທຸກຄົນກໍຄົງຢາກລວຍ ມີອິດສະລະທາງການເງິນກັນທັງນັ້ນ ບາງຄົນອາດຈະສົງໄສວ່າ ເປັນຫຍັງຕັ້ງໃຈເຮັດວຽກ ດຸໝັ່ນອົດອອມ ແຕ່ເປັນຫຍັງບໍ່ເຄີຍມີເງິນມີຄຳ ຫຼືຮັ່ງມີເປັນດີຄືຜູ້ອື່ນ ຖ້າທ່ານພະຍາຍາມເຮັດຢ່າງເຕັມຄວາມສາມາດແລ້ວ laopost.com ຢາກໃຫ້ທ່ານລອງສັງເກດຫຼືພິຈາລະນາຮວງຈຸ້ຍ ຫຼືຕຳແໜ່ງທີ່ຕັ້ງຂອງເຮືອນທ່ານ ເບິ່ງວ່າເຮືອນຂອງທ່ານເຂົ້າຂ່າຍຢູ່ແລ້ວ ຈົນ ຫຼືບໍ່?
- ເຮືອນໃນສະພາບແວດລ້ອມສົກກະປົກ ຈະຍິ່ງເຮັດໃຫ້ເຮືອນຂາດພະລັງ ສັງເກດເບິ່ງກໍໄດ້ວ່າ ບໍ່ວ່າທ່ານຈະເຮັດວຽກໜັກໜາສາຫັດຂະໜາດໃດ ກໍຄືວ່າຈະເມື່ອຍຊ່ື່ໆ ດັ່ງນັ້ນ, ທ່ານຄວນເບິ່ງແຍງທຳຄວາມສະອາດບ້ານເຮືອນໃຫ້ຮຽບຮ້ອຍ ໂປ່ງ ໂລ່ງ ສະອາດ.
- ເຮືອນຕ່ຳກວ່າທາງ ຫຼືສູງກວ່າທາງ ສຳລັບເຮືອນທີ່ຕ່ຳຫຼືສູງກວ່າທາງເກີນໄປນັ້ນ ບໍ່ດີເພາະເຮັດໃຫ້ໂຊກລາບແລະສິ່ງດີງາມບໍ່ໄຫຼເຂົ້າເຮືອນ ຫຼືໄຫຼເຂົ້າເຮືອນໄດ້ບໍ່ຄ່ອຍສະດວກປານໃດ ວິທີແກ້ໄຂສຳລັບເຮືອນທີ່ຢູ່ຕ່ຳກວ່າທາງແມ່ນໃຫ້ ເຮັດເດິ່ນໜ້າເຮືອນເປີດແປນ ຮັບພະລັງເຫຼົ່ານັ້ນໃຫ້ໄຫຼເຂົ້າເຮືອນ.
- ເຮືອນຖືກຂົວຕັດຜ່ານ ສົ່ງຜົນໃຫ້ເບິ່ງບໍ່ເຫັນບໍລິເວນໜ້າເຮືອນ ເຊິ່ງຕາມຫຼັກຮວງຈຸ້ຍແລ້ວຖືວ່າບໍ່ເໝາະສົມ.
- ປະຕູແລະປ່ອງຢ້ຽມຫຼາຍຈົນເກີນໄປ ຖ້າພິຈາລະນາຕາມຫຼັກຮວງຈຸ້ຍແລ້ວ ຖືວ່າ ການມີປະຕູແລະປ່ອງຢ້ຽມຫຼາຍຈົນເກີນໄປນັ້ນ ຈະຍິ່ງເປັນຊ່ອງທາງໃຫ້ເງິນໄຫຼອອກຈາກເຮືອນ ວິທີແກ້ໄຂຄືການອັດປ່ອງຢ້ຽມບາງບານ ຫຼືໃຊ້ຜ້າກັ້ງຊ່ວຍກັ້ງໄວ້.
- ຮົ້ວເຮືອນຕ່ຳໂພດ ເຮືອນທີ່ເນັ້ນການໂຊຄວາມງາມຂອງເຮືອນ ອາດຈະເຮັດຮົ້ວເຕ້ຍໆ ເປັນໄມ້ລະແນງ ຫຼືໄມ້ຊັນ ເຮັດໃຫ້ບໍ່ສາມາດເກັບເງິນເກັບຄຳໄວ້ໄດ້.
- ເປີດປະຕູແລ້ວພົບຂັ້ນໄດ ເຮືອນແບແບນີ້ຍິ່ງເຮັດວຽກໜັກ ເງິນຍິ່ງຮົ່ວໄຫຼ ບໍ່ເຂົ້າກະເປົາ.
- ປະຕູທາງເຂົ້າເຮືອນແຄບ ແລະຮົກ ປະຕູເປັນທາງເຂົ້າຂອງໂຊກລາບກໍແມ່ນ ແຕ່ທ່ານຄວນເຮັດໃຫ້ບໍລິເວນທາງເຂົ້າປະຕູໃຫ້ສະດວກ ສະອາດ ເພື່ອສິ່ງດີໆ ຈະໄດ້ແລ່ນເຂົ້າມາງ່າຍໆ