ຕາມຂ່າວສານຂອງໄທລາຍງານວ່າ ໃນເວລາ 11:30 ຂອງມື້ນີ້ (28 ກໍລະກົດ 2016) ເກີດເຫດໄຟໄໝ້ ສູນການຄ້າເມເຈີ ຊິນິເພລັກ ສາຂາປິ່ນເກົ້າ ເຂດບາງພັດ ນະຄອນຫລວງບາງກອກ ປະເທດໄທ ໂດຍເຈົ້າໜ້າທີ່ດັບເພີງ ໄດ້ເລັ່ງເຂົ້າອົບພະຍົບປະຊາຊົນ ແລະ ນຳພາຫະນະທີ່ຈອດຢູ່ພາຍໃນສູນການຄ້າດັ່ງກ່າວ ອອກໄປສູ່ເຂດປອດໄພ ໃນຂະນະທີ່ການສັນຈອນຢູ່ບໍລິເວນອ້ອມຂ້າງ ມີການຕິດຂັດ, ເຈົ້າໜ້າທີ່ດັບເພີງ ໄດ້ເຂົ້າກວດສອບພາຍໃນອາຄານ ແລະ ໄດ້ຮັບຄຳສັ່ງໃຫ້ອົບພະຍົບ ອອກຈາກສູນການຄ້າດັ່ງກ່າວໂດຍໄວ ເນື່ອງຈາກພົບວ່າ ຕຶກອາຄານມີຮອຍແຕກແຫງໜັກ ຊຶ່ງອາດເຮັດໃຫ້ອາຄານດັ່ງກ່າວຍຸບລົງ, ແນວໃດກໍຕາມ ບໍ່ມີລາຍງານເຖິງຜູ້ໄດ້ຮັບບາດເຈັບ ຫລື ເສຍຊີວິດ ແລະ ລາຍງານຜົນເສຍຫາຍ ຈາກເຫດການດັ່ງກ່າວນີ້ເທື່ອ.
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!