ຂປລ. ເມື່ອບໍ່ດົນມານີ້, ທ່ານ ຈັນ ບຸບຜາລີວັນ ເຈົ້າເມືອງໆທ່າແຂກ ແຂວງຄຳມ່ວນ ພ້ອມຄະນະນຳຂັ້ນເມືອງ ໄດ້ສົມທົບກັບ ຄະນະພັກຮາກຖານກຸ່ມບ້ານຖ້ຳ-ນາເສ ລົງຊຸກຍູ້ໃຫ້ພໍ່ແມ່ປະຊາຊົນ 5 ບ້ານຄື: ບ້ານນາຂ້າງຊ້າງ, ບ້ານນານິຍົມ, ບ້ານນາເສ, ບ້ານມ່ວງດ໋ອຍ ແລະ ບ້ານຜາແຫລມ ສ້າງຂະບວນການອອກແຮງງານລວມ ສ້ອມແປງເສັ້ນທາງທີ່ເປ່ເພ ໂດຍສະເພາະຢູ່ເສັ້ນທາງບ້ານນາຂ້າງຊ້າງ ຫລື ເຂດຫ້ວຍນ້ຳໃສ
ການອອກແຮງງານຄັ້ງນີ້, ອຳນາດການປົກຄອງບ້ານ ໄດ້ນຳພາອະນາໄມ-ຖາງປ່າຫຍ້າ ທີ່ຮົກເຮື້ອຕາມແຄມທາງ, ຂຸດຊ້ວນດິນໃສ່ເປົາ ແລະ ເອົາໄມ້ມາຕອກເປັນຕາໜ່າງ, ເປັນກຳແພງທີ່ໜາແໜ້ນ ແລ້ວເອົາດິນລົງໃສ່ບໍລິເວນ ທີ່ນ້ຳເຊາະເຈື່ອນ. ທັງນີ້ກໍເພື່ອເຮັດໃຫ້ ການເດີນທາງໄປ-ມາ ມີຄວາມສະດວກສະບາຍດີຂຶ້ນກວ່າເກົ່າ.
ແຫລ່ງຂ່າວ:
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!