ວັນທີ 26 ກໍລະກົດ 2016 ເວລາ 14:00 ຕາມເວລາທ້ອງຖິ່ນ ໄດ້ມີການຈັດພິທີປະກາດຜົນລາງວັນຂອງການແຂ່ງຂັນ ບົດຄົ້ນຄວ້າວິທະຍາສາດ ພາຍໃຕ້ ວັນປະຫວັດສາດທຳມະຊາດໂລກ ປະຈຳປີ 2016 (Global Natural History Day 2016) ທີ່ ພິທິຕະພັນວິທະຍາສາດ ແລະ ເຕັກໂນໂລຊີ ຊຽງໄຮ (Shanghai Science and Technology Museum) ເຊິ່ງນັກຮຽນລາວສາມາດຍາດໄດ້ຫລຽນດັ່ງລຸ່ມນີ້:
– ຫລຽນຄຳ 1 ຫລຽນ ແມ່ນໄດ້ຈາກບົດຄົ້ນຄວ້າ ຈູ່ຈີ່ໃນກອງຂີ້ຄວາຍ ຕົວແທນຈາກໂຮງຮຽນ ມສ ສົມປັນຍາ (ຫລຽນຄຳຮ່ວມກັບປະເທດສະຫະລັດອາເມລິກາ, ປະເທດຫວຽດນາມ ແລະ ປະເທດໄທ)
– ຫລຽນເງິນ 1 ຫລຽນ ແມ່ນບົດຄົ້ນຄວ້າ ການພະຈົນໄພຂອງມົດກັດໃບໄມ້ ຈາກໂຮງຮຽນ ມສ ໄຊຍະບູລີ (ຮ່ວມ)
– ຫລຽນທອງ 2 ຫລຽນ ແມ່ນບົດຄົ້ນຄວ້າ ເຜິ້ງກັບດອກໄມ້ ຈາກໂຮງຮຽນ ມສ ວຽງຈັນ ແລະ ບົດຄົ້ນຄວ້າ ຫຍ້າຝຣັ່ງ ຈາກໂຮງຮຽນ ມສ ໂນນສະຫວ່າງ (ຮ່ວມ)
ເຊິ່ງນີ້ກໍ່ແມ່ນຜົນງານຂອງຮັກຮຽນລາວໃນການແຂ່ງຂັນບົດຄົ້ນຄວ້າວິທະຍາສາດ ພາຍໃຕ້ ວັນປະຫວັດສາດທຳມະຊາດໂລກ (Global Natural History Day) ໄດ້ຈັດຂຶ້ນໃນລະຫວ່າງວັນທີ 22-27 ກໍລະກົດ 2016 ມີທີມເຂົ້າຮ່ວມທັງຫມົດຈຳນວນ 97 ທີມ ຈາກ 10 ປະເທດ (USA, Hawaii, China, Hongkong, Vietnam, Thailand, Philippines, Laos, Myanmar and Cambodia)
ທ່ານ ເຄັນເນັດ ອີ ແບຣິງ (Kenneth E. Behring) Founder & Chairman of the Behring Global Education Foundation ເຊິ່ງທ່ານເປັນຜູ້ໃຫ້ການສະຫນັບສະຫນູນ ວັນປະຫວັດສາດທຳມະຊາດໂລກ (Global Natural History Day)
ນີ້ແມ່ນຜົນງານທີ່ສ້າງຊື່ສຽງໃຫ້ກັບປະເທດລາວໂດຍນັກຮຽນໄວຫນຸ່ມນ້ອຍ ເຊິ່ງຈະໄດ້ເດີນທາງກັບຮອດປະເທດລາວໃນວັນທີ 28 ກໍລະກົດ 2016 ເວລາ 10:35 ທີ່ ສະຫນາມບິນສາກົນວັດໄຕ
ທີ່ມາຂ່າວຈາກ: ສະຖານີ ຊາວໜຸ່ມລາວສິນໄຊຍຸກໃໝ່ FM 90.0 MHz